យោងតាមសារព័ត៌មាន CNN នារសៀលថ្ងៃអង្គារ ទី ២៥ ខែកុម្ភៈ ឆ្នាំ២០២០ នេះ កូរ៉េខាងត្បូង បានរកឃើញអ្នកឆ្លងវីរុស COVID-19 ចំនួន ៨៤ ករណីបន្ថែមទៀត ធ្វើឱ្យចំនួនសរុបកើនឡើងដល់ ៩៧៧ នាក់ហើយ។
យ៉ាងណាមិញ ពេលនេះ បើយោងតាមអាជ្ញាធរសុខាភិបាលកូរ៉េខាងត្បូង អ្នកជំងឺ ២២ នាក់ប៉ុណ្ណោះដែលបានជាសះស្បើយ ខណៈមានអ្នកស្លាប់កើន ១ នាក់ទៀត ដែលនាំឲ្យចំនួនសរុបអ្នកស្លា ប់ឡើងដល់ ១១ នាក់។
គួរឱ្យដឹងថា កាលពីថ្ងៃ ២០ ខែមករា ឆ្នាំ២០២០ កន្លងទៅ ប្រទេសកូរ៉េខាងត្បូង បានរកឃើញករណីឆ្លង COVID-19 ដំបូងបង្អស់ពីស្ត្រីជនជាតិចិនម្នាក់មកពីក្រុងវូហាន ដែលជាចំណុចចាប់ផ្ដើមនៃការផ្ទុះរាលដាលនៃវីរុសនេះឡើង ៕
អត្ថបទ៖ ប្រជាប្រិយ
