ពិតជាក្ដៅៗទាន់ចិត្តមែនលោកគ្រូពេទ្យម្នាក់ដែលបានឈ្លោះប្រកែកពាក្យសម្ដីជាមួយអតិថិជនស្ទើរតែក្លាយជាអំពើហិង្សាទៅហើយនោះ ហើយនាងបានបង្ហោះ វីដេអូឃ្លីបខ្លីមួយអមដោយពាក្យសម្ដីរបស់នាងថាច្របាច់ ក នាងទៀតផងនោះ បន្ទាប់ពីកើតហេតុកាលពីម៉ោង៩ព្រឹកថ្ងៃទី១៣ខែវិច្ឆិកាឆ្នាំ២០១៩ មកដល់ពេលរសៀលថ្ងៃដដែល លោកប្រធានមន្ទីរពេទ្យខេត្តបានប្រជុំសម្រេចដកមកបញ្ឈរជើងភ្លាមៗ ពោលគឺក្ដៅៗទាន់ចិត្តតែម្ដង ។
ទោះជាត្រូវបានថ្នាក់លើរបស់ខ្លួនដកចេញពីកន្លែងជំនាញចាស់នោះមែនប៉ុន្ដែលោកហាក់មានវាសនាខ្ពស់គួសមព្រោះបានមកបម្រើការងារនៅផ្នែករដ្ឋបាលហិរញ្ញវត្ថុមដោយកំណត់ឲ្យមាន វត្តមានចាំបាច់នៅផ្នែករដ្ឋបាលរៀងរាល់ម៉ោងធ្វើការ ជាកំហិត ។
លោកគ្រូពេទ្យដែលត្រូវបានដកមកបញ្ឈរជើងនៅកន្លែងខ្លាញ់ជាងមុននោះមានឈ្មោះចាន់ សុខជា ភេទប្រុសអាយុ៣៤ឆ្នាំមុខជំនាញបច្ចេកួេសគិលាននុបដ្ឋាកបឋមបម្រើការងារនៅផ្នែកពិគ្រោះជម្ងឺក្រៅ ។ ចំណែកអតិថិជនដែលបានឈ្លោះជាមួយលោកគ្រូពេទ្យនោះមានឈ្មោះ អាន មីនា ភេទស្រីអាយុ២៨ឆ្នាំមានទីលំនៅភូមិថ្មីសង្កាត់ឡាបាងសៀកក្រុងបានលុងខេត្តរតនគិរី ត្រូវជាម្ដាយអ្នកជម្ងឺឈ្មោះលី ម៉ៃយ៉ាភេទស្រីអាយុ៧ខែ ។
បើយោងតាមឃ្លីបវីដេអូខ្លីដែលនាងបានបង្ហោះតាមរយៈអាខោនហ្វេសប៊ុកផ្ទាល់ខ្លួនរបស់នាងឈ្មោះ “លីតុងអាន លីតុងអាន” បានបង្ហោះមកថាលោកគ្រូពេទ្យនោះហៅនាងថាសុទ្ធតែ “មីនេះ”ធ្វើនាងខឹងច្រឡោតតុងហើយនាងបានយកទូរស័ព្ទថតជាវីដេអូបង្ហោះឲ្យមហាជនបានឃើញមុខលោកគ្រូពេទ្យនោះ ពេលនោះដែរដោយសាលោកគ្រូពេទ្យនោះខឹងក៏ដើរមករកចាប់ដកយកទូរស័ព្ទដៃចេញតែពេលនោះត្រូវនាហស្រែកថាលោកគ្រូពេទ្យរកលូកដៃច្របាច់កនាងថែមទៀតផង។
បើតាមខ្លឹមសារសម្រង់ចេញពីកិច្ចប្រជុំដកតំណែងតួនាទីលោកគ្រូពេទ្យ នោះក្រោមការដឹកនាំប្រជុំលោក ហុីង មានសគន្ធា ប្រធានមន្ទីរពេទ្យខេត្តរតនគិរីនោះ សាមុីខ្លួនបានបកស្រាយថា ពេលនោះនាងដែលមានកូនកំពុងសម្រាកព្យាបាលនៅក្នុងមន្ទីរពេទ្យហើយបានសុំឲ្យបុគ្គលិកពេទ្យជួយរៀបចំឯកសារយកកូនគាត់ទៅព្យាបាលនៅខាងក្រៅវិញ ។ ពេលនោះដោយសារបុគ្គលិករវល់ធ្វើមិនទាន់ចិត្តទើបនាងថតវីដេអូ ហើយលោកគ្រូពេទ្យបានហាមមិនឲ្យថត ព្រោះក្នុងមន្ទីរពេទ្យត្រូវហាមថត ហើយលោកគ្រូពេទ្យបានដើរទៅចាប់ដកយកទូរស័ព្ទដើម្បីឲ្យឈប់ថត។
លោកក៏បានបដិសេធថាមិនបានច្របាច់កនាងដូចអ្វីដែលនាងបានលើកឡើងនៅក្នុងវីដេអូនោះទេ ។
ទោះជាយ៉ាងណាក្រោយពីមានទំនាស់ពាក្យសម្ដីមួយប្រាវរួចមកដែលកើតហេតុកាលពីវេលាម៉ោង៩ព្រឹកថ្ងៃទី១៣ខែវិច្ឆិកាឆ្នាំ២០១៩ រហូតមកដល់វេលាម៉ោង៣រសៀលថ្ងៃដដែលក៏ត្រូវបានលោកប្រធានមន្ទីរពេទ្យខេត្តដឹកនាំកិច្ចប្រជុំសម្រេចដកលោក ចាន់ សុខជា មកបញ្ឈរជើងភ្លាមៗតែម្ដង ក្ដៅៗទាន់ចិត្តណាស់ ៕
អត្ថបទ៖ PN
សូមចុចទស្សនាវិដេអូ
#រតនៈគីរី ពេទ្យបង្អែកខេត្តរតនះគិរីមានពេទ្យម្នាក់សំដីអសុរោះហៅខ្ញុំថាមីនេះៗហើយពេលខ្ញុំថតពេទ្យនឹងហក់មកច្របាច់កខ្ញុំទៀតសូមបងប្អូនជួយស៊ែរផងដើម្បីអោយលោកប្រធានពេទ្យគាត់បានឃើញពីចរឹកកូនចៅគាត់ផង…ប្រភព លីតុងអាន លីតុងអាន
Posted by តោពីរ ព័ត៌មាន on Wednesday, November 13, 2019