កីឡាករចាន់ វឌ្ឍនាកា ដែលអ្នកគាំទ្រតែងតែហៅថា (CV11) នោះ នៅថ្ងៃនេះកីឡាកររូបនេះបានជួបជាមួយលោកលី តេហ៊ុន អតីតគ្រូបង្វឹកជម្រើសជាតិកម្ពុជា នៅក្នុងផ្សារទំនើបមួយកន្លែង ក្នុងប្រទេសកម្ពុជា។ ការជួបគ្នារវាងអតីតគ្រូបង្វឹកនិងសិស្សនេះ បានកើតឡើងដោយចៃដន្យ ហើយអ្នកទាំង២បានចាប់ដៃគ្នាដោយក្តីនឹករលឹកយ៉ាងខ្លាំង។ មិនតែប៉ុណ្ណោះ លោកលី តេហ៊ុន បានប្រើពាក្យប្រៀនប្រដៅដល់កីឡាករវឌ្ឍនាកា ទៀតផង។ កីឡាករខ្សែប្រយុទ្ធ ចាន់ វឌ្ឍនាកា “បានជួបគាត់ដោយចៃដន្យ គាត់នៅតែមានពាក្យប្រដៅថែមទៀតដូចមុនដដែលហឹមអរគុណណាស់លោកគ្រូ គ្រូមួយថ្ងៃគ្រូមួយជីវិត”។ប៉ុន្តែការជួបគ្នានេះ មហាជនមិនដឹងថា តើលោកលី តេហ៊ុន មកដឹកនាំក្លឹបឬមានការអ្វីសំខាន់នៅឡើយទេ។ ក្រឡេកមកមើលលទ្ធផលសម្រាប់ ៦ប្រកួតចុងក្រោយរវាងក្រុមជម្រើសជាតិកម្ពុជា និងក្រុមហុងកុង គិតតាំងពីឆ្នាំ១៩៥៧…
Day: November 19, 2019
ប្រញាប់ឡើង បង់ពន្ធផ្លូវ នៅសល់តែ១០ថ្ងៃទៀតប៉ុណ្ណោះ បើខកខានម្ចាស់យានយន្ត នឹងត្រូវធ្ងន់ករហើយ
នៅថ្ងៃទី៣០ ខែវិច្ឆិកា ឆ្នាំ២០១៩ខាងមុខនេះ គឺជាថ្ងៃផុតកំណត់ ដែលអគ្គនាយកដ្ឋានពន្ធដា នឹងបិទឈប់ទទួលការបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទប្រចាំឆ្នាំ២០១៩ បន្ទាប់ពីបានចេញសេចក្ដីប្រកាសរំឭកឱ្យចូលបង់ពន្ធចំនួនពីរដងរួចមកហើយ។ អគ្គនាយកដ្ឋានពន្ធដា បានព្រមានថា ក្នុងករណីខកខានមិនបានបង់ពន្ធ បានទាន់តាមការកំណត់ ម្ចាស់យានយន្ត នឹងត្រូវទទួលរងនូវទោសទណ្ឌ តាមច្បាប់ស្ដីពីសារពើពន្ធជាធរមាន។ ជាមួយនេះ អគ្គនាយកដ្ឋានពន្ធដា នឹងសហការជាមួយអាជ្ញាធរមានសម្ថកិច្ច ដើម្បីចុះត្រួតពិនិត្យការអនុវត្តប្រមូលពន្ធនេះ នៅតាមដងផ្លូវនានា បន្ទាប់ពីការបិទបញ្ចប់ការប្រមូលពន្ធ។ ទាក់ទិននឹងការប្រមូលពន្ធនេះដែរ បើយោងតាមអគ្គនាយកដ្ឋានពន្ធដា បានឱ្យដឹងថា ក្នុងខែតុលា ឆ្នាំ២០១៩កន្លងទៅ ចំនួនពន្ធ-អាករដែលប្រមូល បានប្រមាណ ២២១,៩១លានដុល្លារអាមេរិក ស្មើនឹង…
លុយទៀតហើយ គណៈមេធាវី កំណត់យកថ្លៃសេវា ចុះបញ្ជីបណ្តឹង ២០មុឺនរៀល ក្នុង១បណ្តឹង
សេចក្តីសម្រេចស្តីពី “ការកំណត់ថ្លៃសេវាបណ្តឹង” ចេញដោយលោកមេធាវី សួន វិសាល ប្រធានគណៈមេធាវី ដែល CPC NEWS ទើបទទួលបាននៅយប់ថ្ងៃទី១៨ ខែវិច្ឆិកា នេះ បានកំណត់ ថា ៖ ប្រការ១.ត្រូវបានកំណត់សេវាបណ្តឹងមកគណៈមេធាវីដូចខាងក្រោម ក.ថ្លៃសេវានៃការចុះបញ្ជីបណ្តឹង២០ម៉ឺនរៀល ក្នុងមួយបណ្តឹង ។ ខ.ថ្លៃសេវានៃការសម្រុះសម្រួល សេវាស៊ើបអង្កេត និង សេវាជំនុំជម្រះចំនួន ១០% នៃទឹកប្រាក់ដែលគណៈមេធាវីបានពីភាគីចុងចម្លើយតាមរយៈការសម្រុះសម្រួល ឬ តាមរយៈសេចក្តីសម្រេចរបស់ក្រុមប្រឹក្សាជំនុំជម្រះ ។ សេចក្តីសម្រេចរបស់ប្រធានគណៈមេធាវី កាលពីថ្ងៃទី១៥ ខែវិច្ឆិកា ឆ្នាំ២០១៩…
ឃើញលោកតាចាស់សល់ដីច្រើន មេឃុំឃុបឃិតជាមួយអ្នកធំ ធ្វើស៊ីយកដីជាង៨ហិចតា
លោកតាវ័យ៧១ឆ្នាំម្នាក់ ឈ្មោះ ហៀង ឆៃឡេង និង ប្រពន្ធឈ្មោះ ស្រ៊ី យាន អាយុ៦៩ឆ្នាំ បច្ចុប្បន្នមានទីលំនៅភូមិស្វាយតានី ឃុំព្រែកគយ ស្រុកស្អាង ខេត្តកណ្តាល បានធ្វើការចោទប្រកាន់ លោក ទឿង តាំង មេឃុំព្រែកគយ ថា បានឃុបឃិតគ្នាជាមួយមន្ត្រីមានអំណាចក្នុងខេត្តកណ្តាល រំលោភយកដីទំហំជាង៨ហិកតា ដែលពួកបានកាន់កាប់ អាស្រ័យផល តាំងពីឆ្នាំ១៩៩៥ មកម្ល៉េះ ។ ប៉ុន្តែលោកមេឃុំព្រែកគយ បានបដិសេធការចោទប្រកាន់នេះ ដោយអះអាងថា ដីនេះជាដីអាងទឹករបស់រដ្ឋ ពោលគឺ មិនមែនជារបស់លោកតា…
ជប៉ុន ជួយថវិកាជិត២០មុឺនដុល្លារ សម្រាប់អប់រំ ប្រជាជនកម្ពុជា ឲ្យយល់ដឹងពីបរិស្ថាន
រដ្ឋាភិបាលជប៉ុនបានយល់ព្រមផ្តល់ជំនួយដល់អង្គការ Nature Center Risen នូវថវិកាចំនួន ១៩១,៧៤៤ ដុល្លារអាមេរិក សម្រាប់ “គម្រោងសម្រេចឲ្យបាននូវបរិស្ថានរស់នៅប្រកបដោយចីរភាព តាមរយៈការអប់រំបរិស្ថានតាមបែបអនុវត្ត ជាដើមនៅវិទ្យាស្ថានគរុកោសល្យ (ឆ្នាំទី៣)”។ នេះបើតាមសេចក្តីប្រកាសព័ត៌មាន របស់ស្ថានទូតជប៉ុនប្រចាំកម្ពុជា។ កិច្ចសន្យាផ្តល់ជំនួយ បានត្រូវចុះហត្ថលេខាដោយ ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំកម្ពុជា និង លោកស្រី អ៊ីវ៉ាម៉ា មីយ៉ូកុ, នាយិកាអង្គការ Nature Center Risen។ បើតាមសេចក្តីប្រកាសព័ត៌មាន ក្នុងគម្រោងនេះ អង្គការ…
ព្រះសពសម្ដេចរាជបុត្រី ព្រះរៀម នរោត្តម បុប្ផាទេវី ត្រូវបានដង្ហែរមកដល់រាជធានីភ្នំពេញហើយ
នៅយប់ថ្ងៃទី១៩ ខែវិច្ឆិកា ឆ្នាំ២០១៩នេះ ព្រះសពសម្ដេចរាជបុត្រី ព្រះរៀម នរោត្តម បុប្ផាទេវី ដែលជាព្រះរាជបុត្រីច្បងរបស់ព្រះករុណា ព្រះបាទ សម្តេចព្រះ នរោត្តម សីហនុ ព្រះមហាវីរក្សត្រកម្ពុជា ដែលបានសោយទិវង្គត ក្នុងមន្ទីរពេទ្យព្រះរាជាណាចក្រថៃ ដោយជរាពាធនោះ ត្រូវបានត្រូវដង្ហែរមកដល់រាជធានីភ្នំពេញហើយ។ នៅព្រលានយន្តហោះអន្តរជាតិភ្នំពេញ គេសង្កេតឃើញមានការនិមន្ត យាង និងអញ្ជើញពីសំណាក់ថ្នាក់ដឹកនាំ មន្រ្តីរាជការ ប្រជាពលរដ្ឋ និងសិល្បៈករ សិល្បៈការិនី មកពីព្រះមរបរាជវាំង ក្រសួង ស្ថាប័នរដ្ឋ ទៅចាំទទួលព្រះសពយ៉ាងច្រើនកុះករ។ សូមជម្រាបថា សម្ដេចរាជបុត្រី ព្រះរៀម…
កម្ពុជា ខ្វះអំបិល ត្រូវទិញពីប្រទេសឥណ្ឌា ៥ពាន់តោនបន្ថែម
ប្រធានសមាគមផលិតអំបិលខេត្តកំពត និងកែប លោក ប៊ុន បារាំង បានថ្លែងកាលពីថ្ងៃទី១៧ ខែវិច្ឆិកា ឆ្នាំ២០១៩ ម្សិលមិញនេះថា កម្ពុជាបាននាំចូលអំបិលពីប្រទេសឥណ្ឌា ក្នុងបរិមាណប្រហែល ៥,០០០តោន ហើយមកដល់ពេលនេះបរិមាណអំបិលក្នុងស្តុកសល់ប្រហែលជាង៥០០តោន តែប៉ុណ្ណោះ ។ នេះជាលើកទី១ ហើយដែលកម្ពុជា បាននាំចូលអំបិលពីប្រទេសឥណ្ឌា មកបំពេញតម្រូវការប្រើប្រាស់ក្នុងស្រុក ខណៈក្នុងឆ្នាំ២០១៨ កម្ពុជាបានជួបបញ្ហាខ្វះអំបិល ដោយសារការប្រែប្រួលអាកាសធាតុ បាននាំចូលអំបិលពីក្រៅប្រទេស៣ម៉ឺនតោន ក្នុងនោះចិន២ម៉ឺនតោន និងថៃ១ម៉ឺនតោន ។ លោកបានឲ្យដឹងថា កម្ពុជាបានផ្លាស់ប្តូរទៅនាំចូលពីប្រទេសឥណ្ឌា ដោយសារកន្លែងផលិតអំបិលនៅប្រទេសចិន ជួបគ្រោះទឹកជំនន់ដែលធ្វើឲ្យការផលិតរបស់ពួកគេធ្លាក់ចុះ និងមានតម្លៃខ្ពស់ជាងមុន ។…
ទៀតហើយ ឃើញអ្នកជំងឺកាន់ប័ណ្ណ(បសស) គ្រូពេទ្យទុកចោលអត់មើល ឲ្យដេកចាំនៅខាងក្រៅ
យោងតាមគណនីហ្វេសប៊ុកឈ្មោះ Sopha Love Khmer Kpn កាលពី១៧ម៉ោងមុន ដបានបង្ហោះរូបភាពចំនួន៤សន្លឹក ដោយបានបង្ហាញពីស្ត្រីម្នាក់កំពុងមានជំងឺ ព្រមទាំងភ្ជាប់ជាមួយសារត្អូញត្អែរ ថា « បសស តាំងពីម៉ោង១២រហូតដល់៥ល្ងាចគ្មានឃើញក្បាលអាណាមកមើលមួយ»។ ក្រោយពីគណនីហ្វេសប៊ុកខាង មានការបង្ហោះសារត្អូញត្អែរបែបនេះ មានមហាជនចូលខមមិនជាហូរហែ មានពាក្យរិះគន់ខាងមន្ទីរពេទ្យ និងមានទាំងការរិះគន់ម្ចាស់គណនីហ្វេសប៊ុកខាងលើ ដោយលើកហេតុផលផ្សេងៗមកជាមួយផងដែរ និងសូមឲ្យម្ចាស់ហ្វេសប៊ុកពិចារណ៍ឲ្យបានវែងឆ្ងាយសិន មុននឹងនិយាយអ្វីមួយ។ ដោយឡែក លោកផែង វណ្ណៈ ក៏បានស៊ែរបន្តពីហ្វេសប៊ុកខាងលើ កាលពី១៣ម៉ោងមុន ហើយភ្ជាប់ជាមួយនឹងសំណេរថា«ខាងមន្ទីរពេទ្យមិត្តភាពកម្ពុជា សូវៀត ពិនិត្យមើលផង តើពិតទេ ?»។ជុំវិញនឹងករណីខាងលើនេះ «KBN»…
នៅវៀតណាមកំពុងឆ្លងជំងឺផ្តាយសាយជ្រូកH1N1 អាជ្ញាធរខ្មែរ បើកដៃឲ្យឈ្មួញនាំចូលយ៉ាងគគ្រឹកគគ្រេង នៅខេត្តតាកែវ
ប្រភពពីប្រជាពលរដ្ឋដែលសូមមិនបញ្ចេញឈ្មោះ បានឲ្យដឹងថា ការធ្វើអាជីវកម្មលើសត្វជ្រូក មានការលំបាកខ្លាំងមិនសូវចំណេញនោះទេ ខាតកម្លាំងច្រើនក្រោយមានថ្នាក់លើមួយចំនួន រាប់ក្បាលជ្រូកយកលុយតែម្តង មិនខ្វល់ពីជ្រូកចរាចរណ៍ក្នុងស្រុក ឬនាំចូលនោះទេ ។ ថ្មីៗនេះប្រជាពលរដ្ឋរស់នៅភូមិកំពង់អំពិល បានលួចផ្តិតរូបភាពអំពីសកម្មភាពនាំជ្រូកវៀតណាម ចូលក្នុងស្រុកតាមរយៈផ្លូវទឹក មកចតយកជ្រូកឡើងឡាន នៅចំណុចក្បែរទួលខ្ពស់ ស្រុកបូរីជលសារ ខេត្តតាកែវ សារជាថ្មីទៀតហើយ ។ បើទោះបីជាមានការហាមឃាត់ បិទមិនឲ្យមានការនាំជ្រូកចូលពីប្រទេសវៀតណាម ពីសំណាក់រដ្ឋមន្រ្តីក្រសួងកសិកម្មរុក្ខាប្រមាញ់និងនេសាទ យ៉ាងណាក៏ដោយ តែខាងស្រុកបូរីជល់សារ ខេត្តតាកែវ ដែលជាស្រុកនៅតាមខ្សែ បន្ទាត់ព្រំដែន នៅតែមានជ្រូកវៀតណាម លួចនាំចូលដដែល មកដាក់នៅភូមិកំពង់អំពិល ដែលមានចំនួនជ្រូក…