សេចក្តីសម្រេចស្តីពី “ការកំណត់ថ្លៃសេវាបណ្តឹង” ចេញដោយលោកមេធាវី សួន វិសាល ប្រធានគណៈមេធាវី ដែល CPC NEWS ទើបទទួលបាននៅយប់ថ្ងៃទី១៨ ខែវិច្ឆិកា នេះ បានកំណត់ ថា ៖
ប្រការ១.ត្រូវបានកំណត់សេវាបណ្តឹងមកគណៈមេធាវីដូចខាងក្រោម
ក.ថ្លៃសេវានៃការចុះបញ្ជីបណ្តឹង២០ម៉ឺនរៀល ក្នុងមួយបណ្តឹង ។
ខ.ថ្លៃសេវានៃការសម្រុះសម្រួល សេវាស៊ើបអង្កេត និង សេវាជំនុំជម្រះចំនួន ១០% នៃទឹកប្រាក់ដែលគណៈមេធាវីបានពីភាគីចុងចម្លើយតាមរយៈការសម្រុះសម្រួល ឬ តាមរយៈសេចក្តីសម្រេចរបស់ក្រុមប្រឹក្សាជំនុំជម្រះ ។
សេចក្តីសម្រេចរបស់ប្រធានគណៈមេធាវី កាលពីថ្ងៃទី១៥ ខែវិច្ឆិកា ឆ្នាំ២០១៩ កន្លងមក បង្ហាញទៀតថា ៖ ប្រការ២.ដើមចោទត្រូវបង់ប្រាក់ថ្លៃសេវាចុះបញ្ជីបណ្តឹងនៅពេលដាក់ពាក្យបណ្តឹង និង ត្រូវបង់ថ្លៃសេវានៃការសម្រុះសម្រួល សេវាស៊ើបអង្កេត និង សេវាជំនុំជម្រះ នៅពេលគណៈមេធាវីប្រគល់ប្រាក់ដែលទារបានពីភាគីចុងចម្លើយ ៕
