ប្រជាកសិករនៅស្រុកស្វាយចេកនិងស្រុកផ្សេងទៀតថា ស្រូវកណ្តាលនារដូវប្រមូលក្នុងខែវិច្ឆិកាឆ្នាំ២០១៩នេះបានទិន្នផលក៏ទាបតម្លៃស្រូវក៏ថោក ។កសិករប្លចព្លឿនភេទស្រីនៅឃុំស្លក្រាមស្រុកស្វាយចេកប្រាប់កាលពីល្ងាចថ្ងៃទី២០ខែវិច្ឆិកាថាស្រូវស្រាលពូជសុម៉ាលីពូជផ្ការំដូលក្នុងរដូវវស្សាឆ្នាំ២០១៩នេះបានទិន្នផលតែពី១,៤ទៅ២តោនប៉ុណ្ណោះក្នុង១ហិចតា។
តម្លៃលក់ឱយឈ្មួញកណ្តាលនៅមាត់ផ្លូវជិតស្រែបានតម្លៃពី៨,១បាតទៅ៨,៣បាត(ឬជាង៨០០រៀល/គក្រ)ក្នុង១គក្រស្រូវសើម។គឺទាបជាងឆ្នាំ២០១៨ដែលទិន្នផលបានពី១,៧តោនទៅ៣តក្នុង១ហិកតាហើយលក់អោយឈ្មួញបានតម្លៃពី៩,២បាតទៅ១២បាតក្នុង១គក្រ(ឬជាង៩០០ទៅ១៤០០រៀល/គក្រ) ។
ឯកសិករឈ្មោះសាតសារុំភេទប្រុសនៅភូមិ/ឃុំតាបែនស្រុកស្វាយចេកដែរប្រាប់នាល្ងាចថ្ងៃទី២០ខែវិច្ឆិកាក្នុងតួលេខប្រហាក់ប្រហែលគ្នានៅដែរហើយថាស្រូវវស្សាទាំងស្រាលកណ្តាលគឺជួបគ្រោះរាំងស្ងួតរួចបន្តជួបគ្រោះទឹកជំនន់ទៀត។ប៉ុន្តែលោកលឿងសុភក្តិអភិបាលស្រុកស្វាយចេកថ្លែងជាចំហរថាបើគិតជារួមកុំគិតតែនៅចំណុចណាមួយជាមធ្យមនៅស្រុកស្វាយចេកហាក់បានរើបរើរួចពីទ្វេរគ្រោះធម្មជាតិគឺគ្រោះរាំងស្ងួតនៅដើមនិងកណ្តាលរដូវ ។ដល់ចុងរដូវជួបគ្រោះទឹកជំនន់ដោយអន្លើ ។
មន្ត្រីអាជ្ញាធរដែនដីនិងជំនាញថាជារួមគឺទិន្នផលពីជិត២តោនក្នុង១ហិចតាប៉ុណ្ណឹងខ្ពស់តម្លៃស្រូវពី៨ទៅ៨,៣បាតក្នុង១គក្រថ្លៃសមរម្យដែរហើយព្រោះក្នុងភូមិសាស្ត្រស្រុកនេះក័ដូចស្រុកឯទៀតដំណាំស្រូវវស្សាបានជួបទ្វេរគ្រោះធម្មជាតិគឺរាំងស្ងួតនិងតមកជួបគ្រោះទឹកជំនន់ដោយដុំ ។
យោងទិន្នន័យស្ថានភាពនៃការប្រមូលផលស្រូវរដូវវស្សាឆ្នាំ២០១៩២០២០មកទល់ថ្ងៃទី១៨ខែវិច្ឆិកា នៅទាំង៩ស្រុកក្រុងការប៉ាន់ប្រមាណផ្ទៃដីដែលត្រូវប្រមូលផលស្រូវស្រាលបានបាន៧៧.៤៩១ហិចតា,ស្រូវកណ្តាលបាន១១.៥៣៦ហិកតា,ស្រូវធ្ងន់បាន២៦,២៣២ហិកតានិងស្រូវឡើងទឹកបាន៧,១៧៧ហិកតា។
ក្នុងនោះការប៉ាន់ស្មានផ្ទៃដីដែលប្រមូលរួចៈស្រូវស្រាល៧៣,១៤០ហិកតាឬជាង៩៤ភាគរយបរិមាណផល៣២២,០១៧តោន។ស្រូវកណ្តាលបាន៤៩,៥២៩ហិកតាឬ៣៩ភាគរយបរិមាណផល១២៥,៣១០ហិចតា ៕
អត្ថបទ៖ រស្មីកម្ពុជា
