ទីបំផុត ត្រូវបានពន្លត់ ខណៈដែលមានការសម្រួលសម្រួលពី លោកជំទាវ ហ៊ុន ស៊ីណាត ឲ្យភាគីទាំងសងខាងដើរថយក្រោយម្នាក់មួយជំហាន ដើម្បីដោះស្រាយបញ្ហាដែលធ្លាប់ចម្រូងចម្រាសនាពេលកន្លងមក។
លោក អ៊ឹម ជីវ៉ា បានប្រាប់កម្ពុជាថ្មីនៅរសៀលថ្ងៃទី២១វិច្ឆិកាថា ជម្លោះពាក្យសម្ដីរវាងលោក និងលោក ហេង ឡុង ,អ្នកនាង ចន ចនច័ន្ទលក្ខិណា ដែលកន្លងមកធ្លាប់ប្រកាសប្ដឹងផ្ដល់គ្នាតាមផ្លូវច្បាប់ឡើងតុលាការនោះ ពេលនេះត្រូវបានបញ្ចប់វិញហើយ បន្ទាប់ពីមានការសម្រុះសម្រួលពីលោកជំទាវ ហ៊ុន ស៊ីណាត។ ចំណែកឯពាក្យបណ្ដឹង ក៏ លោក ហេង ឡុង រួមទាំងលោកផ្ទាល់បានដកចេញពីតុលាការរៀងៗខ្លួនវិញហើយ។
លោក អ៊ឹ ជីវ៉ា បានបញ្ជាក់ថា ខ្ញុំ អ៊ឹម ជីវ៉ា សូមជម្រាបជូនសាធារណជន និងបងប្អូនអ្នកសារព័ត៌មានថា ក្រោយពីបានជួបជជែកគ្នារវាងខ្ញុំ មេធាវី និង ភាគី លោក ហេង ឡុង ក្នុងស្មារតីជាគ្រួសារអ្នកសិល្បៈ ភាគីទាំងអស់បានសម្រេចបញ្ចប់ការយល់ច្រឡំគ្នានាពេលកន្លងមកដោយសន្តិវិធី។ ក្នុងន័យនេះផងដែរ ខ្ញុំបាទ សូមធ្វើការបំភ្លឺទាក់ទងនឹងការយល់ច្រលំគ្នានាពេលកន្លងមក ចំនួន៣ចំណុច។
លោក អ៊ឹម ជីវ៉ា និយាយថា ចំណុចទី១,កាលពីថ្ងៃទី១៥វិច្ឆិកា ខ្ញុំបាទប្រកាសលាឈប់ពីសមាគមសិល្បៈ ដោយភ្ជាប់ជាមួយការស្នើសុំឲ្យមានបំភ្លឺចំនួន៩ចំណុច ទាក់ទងនឹងការងាររបស់សមាគម តាមរយៈគណនីហ្វេសប៊ុករបស់ខ្ញុំដែលខ្លឹមសារដែលខ្ញុំបាទបានបង្ហោះធ្វើឲ្យមានការយល់ច្រឡំពីសំណាក់ បង ហេង ឡុង និង អ្នកបង ចន ច័ន្ទលក្ខិណា ថាជាការបរិហារកេរ្តិ៍ ការប្រមាថ និងការគំរាមកំហែងហែកកេរ្តិ៍ទៅវិញ ដែលធ្វើឲ្យប៉ះពាល់អារម្មណ៍របស់ពួកគាត់ ដែលជាបុគ្គលស្អាតស្អំ និងខិតខំដើម្បីសិល្បៈនាពេលកន្លងមក។
២, ខ្ញុំបានយល់ច្បាស់ថា សកម្មភាពបណ្តឹងរបស់ បង ហេង ឡុង និងអ្នកបង ចន ច័ន្ទលក្ខិណា គឺជាសកម្មភាពប្រកបដោយសីលធម៌ ដោយមិនមានចេតនាអាក្រក់ណាមួយមកលើខ្ញុំឡើយ ផ្ទុយទៅវិញវាជាសិទ្ធិស្របច្បាប់របស់ពួកគាត់ដែលត្រូវតែធ្វើយ៉ាងចាំបាច់ការពារភាពស្អាតស្អំ ភាពចាស់ទុំ និងកិត្តិយសរបស់សមាគម ហើយខ្ញុំបាទ ក៏មិនមានការអាក់អន់ស្រពន់ចិត្តអ្វី ទាក់ទងនឹងសកម្មភាពរបស់ពួកគាត់ឡើយ ដោយខ្ញុំបានយល់ច្បាស់ពីសិទ្ធិរបស់ពួកគាត់ក្នុងនាមខ្ញុំជាបញ្ញវន្តម្នាក់ដែលបានបញ្ចប់ការសិក្សាបរិញ្ញាបត្រច្បាប់ ផ្ទុយទៅវិញខ្ញុំយល់ឃើញថា វាគឺជាសេចក្ដីថ្លៃថ្នូរមួយដែលអ្នកសិល្បៈមិនឈ្លោះហែកហួរគ្នាតាមបណ្ដាញសង្គមFacebook។
៣,ទោះបីជាខ្ញុំបានលាឈប់ពីសមាគមសិល្បៈហើយក្តី ប៉ុន្តែខ្ញុំនៅតែស្រលាញ់រាប់អាន បង ហេង ឡុង និងអ្នកបង ចន ច័ន្ទលក្ខិណា ដោយស្មារតីជាគ្រួសារអ្នកសិល្បៈតែមួយ។ កម្ពុជាថ្មី នៅរសៀលថ្ងៃទី២១ ខែវិច្ឆិកា ឆ្នាំ២០១៩ មិនអាចស្វែងការសួរនាំបន្ថែមពី លោក ហេង ឡុង និង អ្នកនាង ចន ច័ន្ទលក្ខិណា បាននៅឡើយទេ ទាក់ទងនឹងការលើកឡើងដោយបញ្ចប់ជម្លោះខាងលើនេះ៕
អត្ថបត៖ កម្ពុជាថ្មី
