បុរសម្នាក់គេស្គាល់ថា ជាជាងជួសជុលម៉ូតូខឹងម៉ូតូរបស់គាត់ឆេះរលត់ៗ មួសម៉ៅខ្លាំងពេកយកសាំង ចាក់សាំងស្រោចលើម៉ូតូហើយដុតម៉ូតូឆេះសន្ធោសន្ធៅបង្កអោយមានការភ្ញាក់ផ្អើលកាលពីវេលាម៉ោង ៦និង៣០ល្ងាចថ្ងៃទី ២៤ ខែវិច្ឆិកា ឆ្នាំ២០១៩ តាមបណ្ដោយផ្លូវបេតុង ភូមិព្រៃទា ២ សង្កាត់ចោមចៅទី៣ ខណ្ឌពោធិ៍សែនជ័យ ។
តាមប្រភពព័ត៌មានពីសំដីអុំប្រុសម្នាក់ ដែលជាម្ចាស់ម៉ូតូបានអោយដឹងថាផ្ទះរបស់គាត់ជាជាងម៉ូតូផងដែរ មុនពេលកើតហេតុគាត់បានបញ្ឆេះម៉ូតូម៉ាក កូនទា មិនដឹងពណ៌អី ពាក់ស្លាកលេខ ភ្នំពេញ 1CH-8238 មួយគ្រឿង ម៉ូតូបំរុងនឹងជិះស្រាប់តែម៉ូតូឆេះរលត់ៗហើយគាត់បាន បញ្ឆេះទៀតរលត់ទៀតគាត់ខឹង ពេកក៏ទៅយកសាំង និងដែកកេះមកចាក់សាំងលើម៉ូតូរបស់គាត់នៅនិងមុខផ្ទះ ហើយកេះដែកកេះអុជឆេះយ៉ាងសន្ធោសន្ធៅ
ភ្លាមៗនោះត្រូវបានប្រជាការពារភូមិបាន មកដល់ជួយយកទុយោទឹកបាញ់ពន្លត់ភ្លាមៗផងដែរ ក៏ប៉ុន្តែម៉ូតូត្រូវបានឆេះអស់ទាំង ស្រុងនៅសល់តែគ្រោងឆ្អឹងនិងស្លាកលេខប៉ុណ្ណោះ។ ខណៈពេលនោះសមតត្ថកិច្ចនគរបាលប៉ុស្តិ៍ចោមចៅទី៣បានមកដល់កន្លែងកើតហេតុ ភ្លាមៗនោះដែរ ក្រុមគ្រួសាររបស់គាត់បានលើកយកម៉ូតូដែលដុតឆេះនោះទៅដាក់នៅក្នុងផ្ទះរបស់ខ្លួនដោយខ្លាច
សមត្ថកិច្ចឃាត់បុរស វ័យចំណាស់ខាងលើសូម្បីអ្នកសារព័ត៌មានថតរូបក្រុមគ្រួសាររបស់បានទាញ ទ្វារបិទជិត។ ក្រុមគ្រួសារជនបង្កមិនពឹងនិងប្ដឹងសមត្ថកិច្ច ដោយបិទទ្វារជិតឈឹង ភ្លាមៗនោះ សមត្ថកិច្ចបានត្រឡប់ទៅវិញភ្លាមៗផងដែរ ៕
អត្ថបទ៖ អរិយធម៌
