សិប្បកម្មលួចផលិតស្ករត្នោតក្លែងក្លាយ ចំនួន៤ទីតាំងធំៗនៅក្នុងភូមិព្រៃខ្លា ឃុំកុមារាជា ស្រុកបាទី ខេត្តតាកែវ។ត្រូវបានអាជ្ញាធស្រុកបាទី! សហការជាមួយមន្រ្តីជំនាញកាំកុងត្រូល និងមន្ទីរសិប្បកម្មខេត្តតាកែវ ។ចុះបង្រ្កាបដោយរឹបអូសវត្ថុតាងមួយចំនួនយកទៅរក្សាទុកនៅសាលាស្រុកបាទី កាលពីព្រឹកថ្ងៃទី២៨,១១,២០១៩នេះ ចំពោះស្ករដែលបានកែច្នៃហើយត្រូវបានដុតបំផ្លាញចោល។ លោក ភួន ឈីម អភិបាលស្រុកបាទី ថ្លែងថា បញ្ហាលួចផលិតស្ករត្នោតក្លែងក្លាយ ដោយយកស្ករសរ ។លាយជាមួយទឹកនិងប្រេងឆាមកកែច្នៃជាស្ករត្នោតនេះ ។កន្លងមកអាជ្ញាធស្រុកបាទី បានកោះហៅម្ចាស់ទីតាំងផលិតទាំងជាង៤០ទីតាំងនៅក្នុងស្រុកបាទី មកអប់រំនិងបានចុះបង្រ្កាបជាច្រើនលើកច្រើនសារមកហើយ ។ លោកអភិបាលស្រុកបាទីបានមានប្រសាសន៍បន្តថា ៖ការយកស្ករសរមកកែច្នៃ ជាស្ករត្នោតដាក់លក់នៅលើទីផ្សារនេះ។ វាជាទង្វើខុសច្បាប់ ដូច្នោះអាជ្ញាធរស្រុកនិងអាជ្ញាពាក់ព័ន្ធនឹងបន្តបង្រ្កាប ដោយមិនអនុញ្ញាតិឲ្យមានការកែច្នៃដោយខុសច្បាប់ទៀតទេ។នៅក្នុងឱកាសនោះ លោកអភិបាលស្រុកបាទី ភួន ឈីម បានធ្វើការអំពាវនាវឲ្យបងប្អូនប្រជាពលរដ្ឋដែលលួចលាក់ផលិតស្កត្នោតក្លែងក្លាយនេះ…
Day: November 28, 2019
ក្រសួង ណែនាំមន្ត្រី ត្រូវមានទឹកមុខញញឹម និងយកចិត្តទុកដាក់ខ្ពស់ ដល់ក្បួនរថយន្តទេសចរចិន
លោក ហោ សារុន អនុរដ្ឋលេខាធិការក្រសួងទេសចរណ៍ បានស្នើឱ្យសមត្ថកិច្ច ដែលបម្រើការងារនៅតាមច្រកទ្វារ បន្តការយកចិត្តទុកដាក់ខ្ពស់ ក្នុងការទទួលបដិសណ្ឋារកិច្ច ផ្តល់សេវាកម្មប្រកបដោយគុណភាព ទឹកមុខញញឹម និងរួសរាយរាក់ទាក់ ដោយមិនបង្កភាពលំបាកដល់ភ្ញៀវទេសចរ ក្នុងក្បួនរថយន្តទេសចរណ៍ (Caravan Tours) មកពីប្រទេសចិន។ ក្បួនរថយន្តទេសចរណ៍ Caravan Tours បានចេញដំណើរពីទីក្រុងគុនមីង ខេត្តយូណាន ប្រទេសចិន នាថ្ងៃទី២៥ ខែវិច្ឆិកា និងបានមកដល់រាជធានីភ្នំពេញ នាល្ងាចថ្ងៃទី២៦ ខែវិច្ឆិកា ដោយមានរថយន្តធំៗ ដែលមានទាំងបន្ទប់គេងសរុបចំនួន ២០គ្រឿង។ ក្បួនរថយន្តទេសចរណ៍ ឬហៅថា…
អភិបាលស្រុកជាំក្សាន្ត ចង់ទម្លាក់កំហុសទៅថ្នាក់ក្រោមមិនធ្វើរបាយការណ៍ ទើបលោកអត់ដឹង
ឆ្លើយតបនឹងខ្លឹមសាររួមទាំង រូបភាពកូនសិស្សតូចៗ រៀនក្រោមដើមឈើមើលទៅហាក់ចាក់ដោតខ្លាំងពេកដល់អាជ្ញាធរដែនដីក៏ដូចការិយាល័យឬមន្ទីរក្រសួងពាក់ព័ន្ធនោះ នៅព្រឹកថ្ងៃទី២៨ខែវិច្ឆិកាឆ្នាំ២០១៩នេះ លោកអភិបាលស្រុកជាំក្សាន្ដបានចុះទៅដល់ទីតាំងសាលាបឋមសិក្សាអូរជុញនោះជាបន្ទាន់និងបានកោះប្រជុំលោកគ្រូអ្នកគ្រូរួមទាំងមន្ដ្រីការិយាល័យអប់រំស្រុកនេះផងដែរ ដើម្បីដោះស្រាយបញ្ហាបន្ទាន់មួយនេះ ។ ទន្ទឹមនឹងការដោះស្រាយធ្វើរោងដោលឲ្យកូនសិស្សបានរៀនជាបន្ទាន់និងបណ្ដោះអាសន្ននោះ លោកអភិបាលស្រុកក៏បានរកឃើញមូលហេតុធំៗពីរដែលលោកអះថា ទី១អាច លោកគ្រូអ្នកគ្រូចង់បានសាលាឲ្យសិស្សរៀនពិតប្រាកដមែន ទី២ គឺលោកអភិបាលស្រុក ហាក់ចង់ស្ដីបន្ទោសដល់អ្នកបង្ហោះហ្វេសប៊ុកពីរឿងនេះដោយលោកបានលើកឡើងថា ក្រែងអស់លោកបោះឆ្នោតឲ្យគណបក្សប្រជាជននោះអី មិចបានជាទៅបង្ហោះរូបភាពនិងសារបែបនេះចេញទៅវាប្រៀបបាននឹងយើងមានស្រូវពេញជង្រុកនិងអង្ករពេញផ្ទះទៅហើយបែរជាឲ្យកូនចៅដើរសុំទានគេទៅវិញ បើអស់លោកមិនធ្វើរបាយការណ៍ឲ្យការិយាល័យអប់រំស្រុក ដឹងផងតើអ្នកណាទៅដឹងថាខ្វះខាតអីចង់បានអីនោះ ។ ប៉ុន្ដែយោងតាមខ្លឹមសារដែលលោកគ្រូក្នុងសាលនេះម្នាក់ មានគណនីហ្វេសប៊ុកឈ្មោះ “Soklim Sim “ក៏បានសរសេររៀបរាប់បញ្ជាក់ដែរថា “លើសហើយកូនៗ ស៊ូៗ បើមិនរៀនអីចឹងទេគ្មានសាលារៀនទេ លោកគ្រូអ្នកគ្រូអស់លទ្ធភាពក្នុងការសុំអស់លោកអស់អ្នកហើយ ព្រោះថាគ្មានអ្នកណាមើលឃើញពីភាពលំបាករបស់កូនៗ នឹងលោកគ្រូអ្នកគ្រូទេ”។ បើយោងតាមការលើកឡើងនៅក្នុងខ្លឹមសារនេះឃើញថាលោកគ្រូអ្នកគ្រូនៅក្នុងសាលានេះលោកខិតខំប្រឹងប្រែងទំនាក់ទំនងសុំអស់លោករួចហើយតែគ្មានអ្នកណាមើលឃើញនោះទេ មិនមែនលោកគ្រូអ្នកគ្រូទាំងនោះបង្ហោះភ្លាមនោះឡើយពោលគឺគាត់ទំនាក់ទំនងសុំអស់លោកអស់លទ្ធភាពសុំទៅហើយទើបពួកគាត់សម្រេចធ្វើបែបនេះ…
អគារ៩ជាន់ លោកគួច ចំរើន មិនរង់ចាំបាក់ស្រុតទាន់ទេ ឃើញសង់ខុសភ្លាម បញ្ជារឲ្យវាយកម្ទេចចោលភ្លាមៗតែម្តង
អគារផ្ទះនាគកម្ពស់៩ ជាន់ (ផ្ទះនាគ) មានទីតាំងស្ថិត នៅជាប់នឹង រង្វង់មួលតោពីក្រុងព្រះសីហនុចាប់ ផ្តើមវាយ កម្ទេចហើយដោយក្រុមហ៊ុន ឯកជន (សាជីកម្មពិស្ណុកការ អន្តរៈជាតិ) ក្រោយពីរក្រសួងរៀបចំដែនដី នគរូបនីយ កម្ម និងសំណង់ បានសម្រេចឲ្យរុះ រើចេញ ខណៈរកឃើញថា អគារខាងលើនេះ ស្ថាបនាឡើង ខុសបច្ចេកទេស និងគ្មានគុណភាព។ លោក សុខ សុធីរ៉ា ប្រធាន ក្រុមហ៊ុន (សាជីកម្មពិស្ណុកការ អន្តរៈជាតិ) ដែល ទទូល ម៉ៅការ…
រកឃើញសត្វអណ្តើក រាប់រយក្បាល ក្នុងភោជនីយដ្ឋានមួយកន្លែង នៅភ្នំពេញ
បន្ទាប់ពីការលបឆ្មក់ទៅលើភោជនីយដ្ឋានមួយកន្លែងនៅក្នុងរាជធានីភ្នំពេញ ក្រុមសង្គ្រោះសត្វបន្ទាន់របស់ពួកយើងបានរកឃើញសត្វព្រៃខុសច្បាប់មួយចំនួនធំ ហើយវាក៏ជាចំនួនដែលគួរអោយតក់ស្លត់មែនទែន។ នេះបេីតាមការអោយដឹងពីអង្គការ Wildlife Alliance Cambodia នៅល្ងាចថ្ងៃទី២៨ ខែវិច្ឆិកា ឆ្នាំ២០១៩។ បេីតាមប្រភពដដែល ក្នុងនោះរួមមានសត្វអណ្តើកស្រែចំនួន២០៦ក្បាល ស្នូកទ្រូងសត្វអណ្តើកស្រែចំនួន៤២៨ក្បាល ពស់វែកក្របីរស់ចំនួន០៣ក្បាល អណ្តើកស្រែរស់ចំនួន២៩ក្បាល សត្វកន្ត្រងស្លាប់ទម្ងន់១១គីឡូក្រាម សាច់ជ្រូកព្រៃទម្ងន់០១គីឡូក្រាម សាច់ឈ្លូសទម្ងន់០៣គីឡូក្រាម សាច់កាំប្រម៉ាទម្ងន់០១គីឡូក្រាម សត្វចង្កៀលខ្យងស្លាប់ចំនួន០៥ក្បាល សត្វចាបដង្កូធំស្លាប់ចំនួន២០ក្បាល និងសត្វអណ្តើកស្រែស្លាប់ចំនួន០១ក្បាល៕ អត្ថបទ៖ swiftnews
សម្តេចហ៊ុន សែន បញ្ជាឲ្យមន្ត្រីជាន់ខ្ពស់ ទៅពិនិត្យភ្លាមៗ ដើម្បីសាងសង់អគារសិក្សាជូនកូនសិស្ស
សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានបញ្ជាឲ្យមន្ត្រីជាន់ខ្ពស់ទៅពិនិត្យសាលាបឋមសិក្សាមួយកន្លែង នៅក្នុងខេត្តព្រះវិហារ ដើម្បីសាងសង់អគារសិក្សាជាបន្ទាន់ កុំឲ្យជួបការលំបាកជាបន្តទៀត។ សម្តេចនាយករដ្ឋមន្ត្រី នៅថ្ងៃទី២៨ ខែវិច្ឆិកា ឆ្នាំ២០១៩នេះ បានឲ្យឯកឧត្តមទេសរដ្ឋមន្ដ្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ទៅពិនត្យដោយផ្ទាល់ដើម្បីស្វែងយល់ពីតម្រូវការចាំបាច់របស់លោកគ្រូ អ្នកគ្រូ និងសិស្សានុសិស្ស នៅភូមិអូរជុញ ក្នុងភូមិសែនរុងរឿង១ ឃុំទឹកក្រហម ស្រុកជាំក្សាន្ដ ខេត្តព្រះវិហារ ដែលមានការផ្សព្វផ្សាយពីខ្វះសាលារៀន ហើយកូនសិស្សអង្គុយរៀនក្រោមដើមឈើ និងក្រាលកំរាលតង់រៀន។ កាលពីយប់ថ្ងៃទី២៧…
ខេត្តកំពង់ស្ពឺ ជាខេត្តដំបូងគេនៅកម្ពុជា ដែលស្ពានអាកាសថ្មើរជើង (sky walk)
នាព្រឹកថ្ងៃទី២៨ ខែវិច្ឆិកា ឆ្នាំ២០១៩ ឯកឧត្តម វ៉ី សំណាង អភិបាលខេត្តកំពង់ស្ពឺបានអញ្ជើញចុះពិនិត្យមើលការតភ្ជាប់បង្គោលទាំងសងខាងនៃស្ពានអាកាសថ្មើរជើង(sky walk) ត្រង់ចំណុចចំណតរថយន្តផ្សារកំពង់ស្ពឺ ។ ដើម្បីសម្រួលដល់ការតភ្ជាប់បង្គោលទាំងសងខាងនៃស្ពានអាកាសថ្មើរជើង(sky walk) ត្រង់ចំណុចចំណតរថយន្តផ្សារកំពង់ស្ពឺ នេះ រដ្ឋបាលខេត្តកំពង់ស្ពឺបាន សម្រេចបិទកំណត់ផ្លូវជាតិលេខ៤ ត្រង់ចន្លោះបង្គោលគីឡូម៉ែត្រលេខ ៤៧-៤៨ មិនឱ្យធ្វើចរាចរណ៍ជាបណ្ដោះអាសន្ន រហូតដល់ម៉ោង ១៧:០០នាទីរសៀលនេះ។ ដូចនេះ បងប្អូនប្រជាពលរដ្ឋដែលមានបំណងធ្វើដំណើរឆ្លងកាត់ខេត្តកំពង់ស្ពឺ សូមមេត្ដាយោគយល់និងជ្រាប ជាពិសេសគឺនគរបាលចរាចរណ៍បានកំណត់ផ្លូវវាង នៅចំណុចភ្លើងស្តុបចំនួនពីរកន្លែងនៅលេីកំណាត់ផ្លូវជាតិលេខ ៤៖ + ពីទិសខាងកេីត ឆ្ពោះទៅទិសខាងលិច ចំណុច ភ្លើងស្តុប…
សម្តេចហ៊ុន សែន ចងដៃ ពិធីមង្គលការលោកប៉ែន ចំរ៉ុង ១មុឺនដុល្លារ
ពិធីជប់លៀងមង្គលការលោកប៉ែន ចំរ៉ុង និងភរិយា អ្នកនាងហ៊ុន ម៉ាណេ នឹងត្រូវធ្វើឡើងនៅល្ងាចនេះ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចងដៃអ្នកទាំង២ នូវទឹកប្រាក់ចំនួន១០០០០ដុល្លារ និងបានជូនពរជ័យដល់គូស្វាមីភរិយាថ្មោងថ្មីនេះផងដែរ ខណៈដែលសម្តេចជាប់ភារកិច្ចមើលថែទាំងម្តាយកំពុងសម្រាកព្យាបាលនៅមន្ទីរពេទ្យកាល់ម៉ែត្រ។ លោកតាន់ គឹមសួរ បានបង្ហោះសារថា “ចូលរួមអបអរសាទរផង ប៉ែន ចំរុង ហ៊ុន ម៉ាណេដែលបានទទួលពរទទួលជ័យដោយផ្ទាល់ពីអ្នកមីងធំ មិនត្រឹមតែប៉ុណ្ណោះទទួលបានចំណងដៃជាថវិកាចំនួន១០,០០០ដុល្លារផងដែរ”។ គួរបញ្ជាក់ថា ពិធីមង្គលការរបស់លោកប៉ែន ចំរ៉ុង រៀបចំឡើងនៅវិមានពិភពថ្មីសែនសុខ អគារ “B”…
តាមពិត ស្រាថ្លៃៗមួយចំនួន យកតែមម៉ាកល្បីៗ មកបិទពីលើ ដាក់លក់រាប់ឆ្នាំ អាជ្ញាធរទើបចាប់បាន នៅប៉ោយប៉ែត(មានវិដេអូ)
មន្រ្តីនគរបាលជំនាញប្រឆាំងបទល្មេីសផលិតផលក្លែងបន្លំនៃក្រសួងមហាផ្ទៃ បានសហការ ជាមួយអាជ្ញាធរមូលដ្ឋានក្រុងប៉ោយប៉ែត និងប៉ូលិសប្រឆាំងបទល្មេីសសេដ្ឋកិច្ចខេត្តបន្ទាយមានជ័យ បានចុះប្រតិបត្តិការចុះឆែកឆេរផ្ទះនិងហាងលក់ស្រាដុះស្លែមួយកន្លែង សង្ស័យនាំចូលនិងលក់ទំនិញក្លែងបន្លំម៉ាកសញ្ញាខុសច្បាប់ និងថែមទាំងបានឃាត់ខ្លួនម្ចាស់អាជីវកម្មផងដែរ។ ក្នុងប្រតិបត្តិការនេះធ្វើឡើងកាលពីវេលាម៉ោង៣និង៣០នាទីរសៀល ថ្ងៃទី២៧ ខែវិច្ឆិកា ឆ្នាំ២០១៩ ដោយបានឃាត់ខ្លួនអ្នកគ្រប់គ្រង ឈ្មោះថៃ ម៉ាឡា ហៅតុល និងបុគ្គលិកម្នាក់ទៀត ឈ្មោះសេន សាន។ មន្ត្រីសមត្ថកិច្ចបានឲ្យដឹងថា ក្រុមសមត្ថកិច្ចចម្រុះដឹកនាំដោយមន្រ្តីនគរបាលជំនាញប្រឆាំងបទល្មើសផលិតផលក្លែងបន្លំនៃក្រសួងមហាផ្ទៃ សហការជាមួយអាជ្ញាធរមូលដ្ឋានក្រុងប៉ោយប៉ែត និងប៉ូលិសប្រឆាំងបទល្មើសសេដ្ឋកិច្ចខេត្តបន្ទាយមានជ័យ បានចុះប្រតិបត្តិការចុះឆែកឆេរផ្ទះនិងហាងលក់ស្រាដ៏ល្បីមួយកន្លែងសង្ស័យនាំចូលនិងលក់ទំនិញក្លែងបន្លំម៉ាកសញ្ញាខុសច្បាប់ ដែលមានម្ចាស់ឈ្មោះថៃ ម៉ាឡា ហៅតុល ជាម្ចាស់គ្រប់គ្រងធ្វើអាជីវកម្មដុះស្លែរាប់ឆ្នាំមកហើយ និងបុគ្គលិកម្នាក់ទៀត ឈ្មោះសេន សាន។ មន្រ្តីសមត្ថកិច្ចបានបន្តថា នៅក្នុងប្រតិបត្តិការខាងលើ…
កូនសុនខកម្ពុជា ពូកែហិតមីន១១ក្បាល កំពុងកើតជំងឺឆ្លងធ្ងន់ធ្ងរ
ក្នុងរយ:ពេលតែ៣ថ្ងៃ២យប់នេះ ជំងឺរាតត្បាត បានវាយប្រហារកូនសុនខចំនួន១១ក្បាល នៅមណ្ឌលសុនខ ស៊ីម៉ាក់ខេត្តកំពង់ឆ្នាំង តែយ៉ាងណា មន្ត្រីសុបសត្វ និងមន្ត្រីជំនាញសុនខទាំងអស់ កំពុងពុះពារជួយសង្គ្រោះកូនសុនខទាំងនោះ យ៉ាងយកចិត្តទុកដាក់បំផុត។ យោងតាមគណនីហ្វេសប៊ុកលោក Heng Ratana បានបង្ហោះកាលពីម៉ោងមុនថា « រយះពេល៣ថ្ងៃ២យប់នេះ មន្ត្រីបសុទេព្យនៅមណ្ឌលសុនខស៊ីម៉ាក់ខេត្តកំពង់ឆ្នាំង បាននិងកំពុងពុះពារជួយសង្គ្រោះកូនសុនខចំនួន១១ក្បាល ដែលទទួលរងជម្ងឺរាតត្បាត។ សូមកោតសរសើរមន្ត្រីបសុទេព្យ និងមន្ត្រីជំនាញសុនខទាំងអស់បានបន្តខិតខំជួយសង្គ្រោះដោយយកចិត្តទុកដាក់បំផុត!»៕ អត្ថបទ៖ swiftnews