កាលពីថ្ងៃទី២៨ ខែវិច្ឆិកា ឆ្នាំ២០១៨ នៅទីក្រុងព័រល្វី ប្រទេសមូរីស ល្ខោនខោលកម្ពុជា ត្រូវបានចុះក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ។ ដើម្បីអបអរសាទរខួប ១ឆ្នាំនៃការដាក់បញ្ចូលល្ខោនខោល ក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូ ក្រសួងវប្បធម៌ និងវិចិត្រសិល្បះ នៅថ្ងៃទី២៨ ខែវិច្ឆិកា ឆ្នាំ២០១៩ បានរៀបចំពិធីជួបជុំ និងសម្តែងល្ខោនខោល ទ្រង់ទ្រាយធំ នៅទីលានជល់ដំរី ក្នុងខេត្តសៀមរាប។
ការសម្តែងល្ខោនខោលទ្រង់ទ្រាយធំ នៅទឹកដីសៀមរាបអង្គរ នៅល្ងាចថ្ងៃទី២៨ ខែវិច្ឆិកានេះ នៅទីលានជល់ដំរី ក្នុងបំណង ដើម្បីផ្សព្វផ្សាយអំពីវប្បធម៌ និង អរិយធម៌ដ៏ល្អផូរផង់របស់ខ្មែរ ដែលមានកម្មវិធីសម្តែងពីនាដក នាដកា ចំនួន ២៨០នាក់។ ក្រៅពីនោះ ក៏មានកម្មវិធីទទួលអាហារប្រពៃណីខ្មែរ សម្រាប់ភ្ញៀវទេសចរ ដែលចូលរួមប្រមាណ ៣០០០នាក់ផងដែរ។
សូមរម្លឹកថា គិតត្រឹមខែវិច្ឆិកា ឆ្នាំ២០១៩ សម្បត្តិបេតិកភណ្ឌរបស់កម្ពុជា ដែលត្រូវបានចុះបញ្ជីក្នុងបេតិកភណ្ឌពិភពលោក របស់អង្គការយូណេស្កូ រួមមាន៖
១- ប្រាសាទអង្គរវត្ត ចុះបញ្ជីថ្ងៃទី១៤ ខែធ្នូ ឆ្នាំ១៩៩២២-របាំព្រះរាជទ្រព្យ ចុះបញ្ជីថ្ងៃទី០៧ ខែវិច្ឆិកា ឆ្នាំ២០០៣៣-ល្ខោនស្បែកធំ ចុះបញ្ជីថ្ងៃទី២៥ ខែវិច្ឆិកា ឆ្នាំ២០០៥៤-ប្រាសាទព្រះវិហារ ចុះបញ្ជីថ្ងៃទី០៧ ខែកក្កដា ឆ្នាំ២០០៨៥-គុកទួលស្លែង ចុះបញ្ជីថ្ងៃទី៣១ ខែកក្កដា ឆ្នាំ២០០៩៦-ល្បែងទាញព្រ័ត្រ ចុះបញ្ជីថ្ងៃទី០២ ខែធ្នូ ឆ្នាំ២០១៥៧-ចាប៉ីដងវែង ចុះបញ្ជីថ្ងៃទី៣០ ខែវិច្ឆិកា ឆ្នាំ២០១៦៨-ប្រាសាទសម្បូរព្រៃគុក ចុះបញ្ជីថ្ងៃទី០៨ ខែកក្កដា ឆ្នាំ២០១៧៩-ល្ខោនខោល ចុះបញ្ជីថ្ងៃទី២៨ ខែវិច្ឆិកា ឆ្នាំ២០១៨៕
អត្ថបទ៖ swiftnews
