ពិធីជប់លៀងមង្គលការលោកប៉ែន ចំរ៉ុង និងភរិយា អ្នកនាងហ៊ុន ម៉ាណេ នឹងត្រូវធ្វើឡើងនៅល្ងាចនេះ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចងដៃអ្នកទាំង២ នូវទឹកប្រាក់ចំនួន១០០០០ដុល្លារ និងបានជូនពរជ័យដល់គូស្វាមីភរិយាថ្មោងថ្មីនេះផងដែរ ខណៈដែលសម្តេចជាប់ភារកិច្ចមើលថែទាំងម្តាយកំពុងសម្រាកព្យាបាលនៅមន្ទីរពេទ្យកាល់ម៉ែត្រ។
លោកតាន់ គឹមសួរ បានបង្ហោះសារថា “ចូលរួមអបអរសាទរផង ប៉ែន ចំរុង ហ៊ុន ម៉ាណេដែលបានទទួលពរទទួលជ័យដោយផ្ទាល់ពីអ្នកមីងធំ មិនត្រឹមតែប៉ុណ្ណោះទទួលបានចំណងដៃជាថវិកាចំនួន១០,០០០ដុល្លារផងដែរ”។
គួរបញ្ជាក់ថា ពិធីមង្គលការរបស់លោកប៉ែន ចំរ៉ុង រៀបចំឡើងនៅវិមានពិភពថ្មីសែនសុខ អគារ “B” ដោយមានតារាចម្រៀង តារាកំប្លែង ចូលរួមយ៉ាងច្រើនកុះករ ដូចជា អ្នកនាងខាត់ សុឃីម, សុខ ច័ន្ទធីតា , ថន លក្ខិណា , ខ្ញុង, នាយចាបចៀន, ខាត់ ចំរើន , នាយគ្រឿន , នី រតនា , អេឡិច ចាន់ត្រា…។
លោកប៉ែន ចំរ៉ុង បានស្វែងយល់ចិត្តថ្លើមជាមួយភរិយាជាច្រើនឆ្នាំ ទើបតែនៅពេលនេះបានសដឹកដៃគ្នាចូលរោងការតាមប្រពៃណីត្រឹម។ ក្រោយពេលរៀបការហើយ លោកប៉ែន ចំរ៉ុង មានគម្រោងរកសុី៣ ទី១. បើកហាង Auto Car ទី២. អចលនទ្រព្យ និងទី៣. Cosmetic។
ដោយឡែក រឿងរៀបការហើយធ្លាក់កូដ លោកប៉ែន ចំរ៉ុង បានប្រាប់ថា លោកមិនមានការព្រួយបារម្ភទេ ដោយយកមើលគំរូតាមលោកព្រាប សុវត្ថិ និងខេរមៈ សិរីមន្ត៕
អត្ថបទ៖ នគរធំ
