ពាក្យសម្ដីដ៏សែនចាក់ដោតរបស់បុរសជាប្ដីនៅថ្ងៃបូជាសពប្រនិងនិងកូនដែលនាងនិងកូនក្នុងផ្ទៃបានស្លាប់ទាំងអស់គ្នា ដោយសារតែគ្មានលុយ៦០មុឺនរៀលសម្រាប់ឲ្យពេទ្យក្នុងការវះសម្រាលកូនចេញមកហើយពេទ្យឯកជនមួយនោះបានដេញឲ្យទៅរកពេទ្យរដ្ឋនៅខេត្តសៀមរាបទាំងយប់ខណៈឡានតាក់សុីដឹកនាងជិតទៅដល់ខេត្តសៀមរាបហើយនោះ។
ដោយឃើញនាងមានអាការៈត្រដរខ្យល់ខ្លាចស្លាប់លើឡានតៃកុងឡាននោះក៏បានដេញចុះពីលើឡានទាំងយប់ទៀត ធ្វើឲ្យបុរសជាប្ដីទាល់ចំណេះសុខចិត្តនៅបើកភ្នែកមើលប្រពន្ធត្រដរខ្យល់រហូតស្លាប់ទាំងម្ដាយនិងកូនគួឲ្យសង្វេគបំផុត។នៅពេលដឹកសពប្រពន្ធមកបូជានៅវត្តមួយក្នុង ខេត្តបន្ទាយមានជ័យវិញថ្ងៃបូជាសពនោះបុរសជាប្ដីបន្ទាប់ពីយំសោកស្ទើរខ្សោះខ្លួនទៅហើយនោះលោកបាននិយាយទៅកាន់សពប្រពន្ធនិងកូនដោយក្ដីខ្សឹកខ្សួលអួលដើម ក ថា។
សូមអហោសកម្មឲ្យគ្នាទៅវិញទៅមកណាអូន កន្លងមកបើមានពាក្យពេចន៍លើសលួសយ៉ាងណាយើងកុំប្រកាន់ទោសអូសដំណើរនិងគ្នាទោះចេតនាក្ដីអចេតនាក្ដី បើមានជាតិមុខពិតមែន សូមអូននិងកូនទៅចាប់ភពកំណើតជាមួយគេអ្នក ធូរធារមានលុយកាក់គ្រប់គ្រាន់កុំឲ្យដូចជាតិនេះទៀតដោយសាតែគ្មានលុយទើបធ្វើឲ្យអូននិងកូន លាចាកលោកទៅដោយមិនអស់ចិត្ត ។
បុរសនោះបន្ដថា« សែនអាណិតរូបជាកូនណាស់ដល់ថ្ងែកើតបែរមិនបានឃើញពន្លឺថ្ងៃនិងគេដោយគ្មានវាសនាបានកើតនិងឃើញព្រោះអីបានស្លាប់ក្នុងពោះម្តាយ សែនអាណិតរូបជាម្តាយ ដល់ថ្ងែបានឃើញមុខកូនសម្លាញ់តែគ្មានសំណាងបានឃើញមុខកូនព្រមទាំងខ្លួនក៏បានស្លាប់ជាមួយកូន »។
បុរសនេះបន្ដពោលថា« រឿងខ្លះកូនៗគួរតែយល់ កូនត្រូវចាំថា ថ្ងៃកំណើតកូនក៏ជាថ្ងៃស្លាប់របស់ម្តាយកូនដែរ (ចុងក្រោយនេះសូម វិញ្ញាណខ័ន្ធ អូនមុំដែលបានចែកឋានទៅហើយនោះសូមអូនទៅអោយបានសុខ ពាក្យសម្តីដែលបងធ្លាប់និយាយជាមួយអូនលើសលួសយ៉ាងណាក្តី មុខក្តី ក្រោយខ្នងក្តី តាំងចិត្តក្តីមិនតាំងចិត្តក្តី យើងអហោសិកម្មអោយគ្នាទាំងសងខាងណាអូន) ជាតិក្រោយបើមានពិតសូមអូនកើតជាត្រកូលអ្នកធូរធារ» ។
គួបញ្ជាក់ថាតាមរយៈអាខោនហ្វេសប៊ុកឈ្មោះ”ចៅចិត្តលក់ផ្លែឈើតិចតួច”បានបង្ហោះទាំងនេះនិងកាលពីយប់ថ្ងៃទី៣ខែធ្នូឆ្នាំ២០១៩ ផេកនេះក៏បានបង្ហោះសារថា ដោយសារគ្មានលុយ៦០មុឺនរៀលឲ្យពេទ្យឯកជនមួយនៅបន្ទាយមានជ័យ ដែលពេទ្យទារវះសម្រាលកូននេះ តែដោយអត់លុយទើបពេទ្យដេញឲ្យទៅសម្រាលនៅខេត្តសៀមរាប ។
ប្រភពបន្ដថានៅពេលនាងនិងក្រុមគ្រួសារជិះតាក់សុីទៅជិតដល់ខេត្តទៅហើយតៃកុឡានឃើញនាងត្រដរខ្យល់ខ្លាំងពេកខ្លាចស្លាប់លើឡានគេតៃកុងឡាននោះបានដេញឲ្យចុះចេញពីឡាននៅតាមផ្លូវទាំងយប់អាធ្រាតុ ហើយនាងនិងកូនក្នុងផ្ទៃក៏បាមដាច់ខ្យល់ស្លាប់ទាំងពីរតែម្ដង លុះពេលមេឃភ្លឺទើបរកឡានដឹកសពត្រឡប់មកធ្វើបុណ្យបូជានៅវត្តមួយក្នុងខេត្តបន្ទាយមានជ័យវិញ ៕
អត្ថបទ៖ PN
