លោក ងិន ឆាយ អគ្គនាយកនៃអគ្គនាយកដ្ឋានកសិកម្មបានថ្លែងនៅក្នុងពិធីសន្និសីទព័ត៌មានស្តីពី «ប្រភេទពូជស្វាយ និងទីផ្សារអន្តរជាតិ» នៅទីស្តីការគណៈរដ្ឋមន្ត្រីកាលពីព្រឹកថ្ងៃទី០៥ ឆ្នូ ឆ្នាំ២០១៩នេះ។
មន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ បានអំពាវនាវដល់ម្ចាស់ចំការស្វាយដែលមានបំណងចង់នាំចេញផ្លែស្វាយ ទៅកាន់ប្រទេសចិន និងប្រទេសផ្សេងៗទៀត សូមរួសរាន់មកចុះបញ្ជី នៅអគ្គនាយកដ្ឋានកសិកម្ម ដើម្បីឲ្យមន្ត្រីជំនាញចុះទៅវាយតម្លៃ និងណែនាំពីលក្ខណៈបច្ចេកទេសឲ្យស្របស្តង់ដារនាំចេញ ។
នេះបើយោងតាមការអំពាវនាវរបស់លោក ងិន ឆាយ អគ្គនាយកនៃអគ្គនាយកដ្ឋានកសិកម្មនៅក្នុងសន្និសីទព័ត៌មានស្តីពី «ប្រភេទពូជស្វាយ និងទីផ្សារអន្តរជាតិ» នៅទីស្តីការគណៈរដ្ឋមន្ត្រី ។
លោកអគ្គនាយករូបនោះក៏បានណែនាំទៅដល់ម្ចាស់ចំការស្វាយនិងប្រជាកសិករទាំងអស់ សហការជាមួយអគ្គនាយកដ្ឋានកសិកម្ម ក៏ដូចជាមន្ទីរកសិកម្ម រុក្ខាប្រមាញ់ និងនេសាទគ្រប់ខេត្ត ដើម្បីអនុវត្តន៍នូវវិធានបច្ចេកទេសឲ្យបានម៉ឺងម៉ាត់ បើមិនដូច្នេះទេ ចំការស្វាយរបស់ប្រជាកសិករមិនអាចចុះបញ្ជីនាំចេញទៅកាន់ប្រទេសចិន និងប្រទេសផ្សេងៗទៀតបាននោះឡើយ៕
