ជាក់ស្ដែងណាស់!អាជីវករ អ្នករកស៊ីស្របច្បាប់ដឹកអាចម៍គោ ក្របី ពីខេត្តព្រៃវែង ទៅលក់នៅខេត្តមណ្ឌលគិរី រតនគិរី ។ត្រូវកុងត្រូលជជុះតាមដងផ្លូវ មានដូចជា៖ ប៉ូលិសចរាចរណ៍ គណៈកម្មការត្រួតពិនិត្យសុវត្ថិភាពចរាចរណ៍និងអាវុធជាតិផ្ទុះ មន្ត្រីជញ្ជីង ។ជំរិតទារលុយរហូតជាហូរហែ ទម្រាំដល់កន្លែងលក់ អស់ចាប់ពី៤០ម៉ឺនរៀលទៅ៨០ម៉ឺនរៀលក្នុង១ជើង។ក្រុមអាជីវករអ្នកដឹកអាចម៍គោក្របី បានថ្លែងប្រាប់ ដើមរាំង នៅថ្ងៃទី០៤,១២,២០១៩នេះថា៖ មន្ត្រីតាមដងផ្លូវពិតជាបានកំណត់យកលុយពីពួកខ្លួនប្រាកដមែន! ។
ក្រោមហេតុផលថា៖ ដឹកសំពីងសំពោងលើសទម្ងន់ ចំហរគូទក្រោយ ខុសស្តង់ដាលក្ខណៈបច្ចេកទេស។បើខ្លួនមិនឲ្យលុយតាមកំណត់ទេ គេនឹងចាប់ផាកពិន័យ ឬយករថយន្តទុក ឲ្យរើអាចម៍គោ ចុះពីលើរថយន្តជាដើម!។អាជីវករបញ្ជាក់ថា៖ ខ្លួនដឹកលាមក គោ ក្របីស្ងួត ១រថយន្តយីឌុប ពីស្រុកព្រះស្ដេច ខេត្តព្រៃវែង ទម្រាំដល់កន្លែងលក់ នៅខេត្តមណ្ឌលគិរី ខេត្តរតនគិរី គឺត្រូវបង់លុយឲ្យសមត្ថកិច្ចតាមដងផ្លូវ ជាហូរហែ៖
ក្នុងនោះ!បង់ឲ្យប៉ូលិសចរាចរណ៍មុនគេនៅចំណុច(តាគោក)ស្រុកព្រះស្ដេច១កន្លែង២០,០០០រៀល ថ្ងៃខ្លះគេដាក់២កន្លែងបង់អស់៤០,០០០រៀលក្នុង១រថយន្ត។បង់ឲ្យប៉ូលិសចរាចរណ៍គោលដៅ លើផ្លូវជាតិលេខ១១ ជិតផ្លូវកែងចុះមកស្នេហ៍ ចំនួន២០,០០០រៀល។ហើយបង់ឲ្យប៉ូលិសចរាចរណ៍ លើផ្លូវជាតិលេខ៨ ភូមិធ្នង់ស្រុកស្វាយអន្ទរ ២០,០០០រៀ ។រួចបង់ឲ្យប៉ូលិសចរាចរណ៍ ស្រុកកំចាយមារ ២០,០០០រៀលទៀត នេះជាតួរលេខបង់នៅខេត្តព្រៃវែង!សម្រាប់រថយន្ត១គ្រឿង។
លុះដល់ខេត្តត្បូងឃ្មុំ បង់ឲ្យប៉ូលិសចរាចរណ៍ លើផ្លូវជាតិលេខ៨ ហួសផ្ទះសម្ដេច ហេង សំរិន បន្តិចក្នុងស្រុកពញ្ញាក្រែក ២០,០០០រៀល។នឹងបន្តបង់ឲ្យប៉ូលិសចរាចរណ៍ នៅចំណុច មុខសាលាស្រុក ពញ្ញាក្រែក ចំនួន៤០,០០០រៀល។ ខណៈជារៀងរាល់លើក ប៉ូលិសនៅគោលដៅនោះថា៖ បើគេផាកពិន័យគឺ៧៥,០០០រៀលឯណោះ!។ពេលបើកដល់ចំណុចបូសតាកុក លើផ្លូវជាតិលេខ៧បង់ឲ្យប៉ូលិសចរាចរណ៍៣០,០០០រៀល នេះជាតួរលេខនៅខេត្តត្បូងឃ្មុំ!សម្រាប់រថយន្ត១គ្រឿង។
លុះចូលទឹកដីខេត្តក្រចេះ! ពួកគាត់ត្រូវបង់ឲ្យប៉ូលិសចរាចរណ៍ ស្រុកស្នួល! នៅលើផ្លូវជាតិលេខ៧ចំនួន២០,០០០រៀលជាកំហិត។
នឹងបន្តបង់ឲ្យសមត្ថកិច្ចចម្រុះចំណុចផ្លូវកែងស្នួល១០,០០០រៀល! រួចបង់ឲ្យលោក អ៊ុយ ហឿន ជញ្ជីងស្រុកស្នួល ១០០,០០០រៀលជាកំហិត ។ជាថ្នូរនឹងការមិនចូលថ្លឹង ឬបើកចូលជញ្ជីងហើយ ប៉ុន្តែមិនថ្លឹង! នេះជាតួរលេខនៅខេត្តក្រចេះ សម្រាប់រថយន្ត១គ្រឿង។លុះឈានដល់ខេត្តមណ្ឌលគិរី បង់ឲ្យប៉ូលិសចរាចរណ៍ចំណុចស្នែងស្រុកកែវសីមា ២០,០០០រៀល ។សមត្ថកិច្ចកណ្ដាលព្រៃ ផ្លូវលេខ៧៦ ក្នុងស្រុកកែវសីមា ចំនួន៣០,០០០រៀលទៀត ។នឹងបង់បេននៅមណ្ឌលគិរីអស់ ២៥,០០០រៀលទៀត ទើបដល់កន្លែងលក់ឬទីតាំងម៉ូយកុម្មង់! ។
ជាមួយគ្នានោះ!ក្រុមអាជីវករបានបញ្ជាក់ប្រាប់ ដើមរាំង ទៀតថា៖ សម្រាប់ផ្លូវតាម ខេត្តស្ទឹងត្រែងវិញ! ។គឺសមត្ថកិច្ចខេត្តព្រៃវែង នឹងខេត្តត្បូងឃ្មុំ ពួកខ្លួននៅតែបង់ឲ្យដដែល! ប៉ុន្តែអាចគេចផុតពីសមត្ថកិច្ចខេត្តក្រចេះបានខ្លះ និងមណ្ឌលគិរី ។ជាក់ស្ដែងពួកខ្លួនត្រូវបាន គណៈកម្មការគោលដៅត្រួតពិនិត្យសុវត្ថិភាព ចរាចរណ៍ត្រង់ចំណុច(ភ្នំក្រហម) ស្ថិតនៅឃុំអូរឬស្សី កណ្ដាល ស្រុកសៀមបូក ខេត្តស្ទឹងត្រែងកំណត់យកពីខ្លួនចំនួន១០០,០០០រៀល ជាកំហិត។នឹងបង់ឲ្យមន្ត្រីជញ្ជីង អូរពងមាន់ ខេត្តស្ទឹងត្រែង ចំនួន ១២០,០០០រៀលជាកំហិត ក្នុង១គ្រឿង ហើយទើបចូលខេត្តរតនគិរីតែម្ដង!។
ក្នុងនោះផងដែរ!រថយន្តដែលដឹកអាចម៍គោក្របី ពីខេត្តព្រៃវែង ទៅលក់នៅខេត្តមណ្ឌលគិរី រតនគិរី មានចំនួន២ក្រុមស្មើជិត១០គ្រឿង។ហើយក្នុង១ថ្ងៃៗត្រូវចរាចរណ៍ដឹកជញ្ជូនលើដងផ្លូវចន្លោះពី៤ទៅ៦គ្រឿង ខណៈវាសនាម្ចាស់រថយន្តទាំងនោះមិនខុសគ្នាទេ គឺត្រូវតែបង់លុយជូនបងៗសមត្ថកិច្ច ដូចគ្នា!ជៀសមិនផុត។ពោលគឺ!រថយន្ត១គ្រឿង អាចផ្ទុកបានអាចម៍គោស្ងួត១,៣០០បាវ ហើយឈ្នួលដឹកជញ្ជូន១ជើង ២៨០០,០០០រៀល។ ផាត់ថ្លៃកម្មករលើកដាក់ប្រេងសាំង បាយទឹក!។
១ជើងម្ចាស់រថយន្តអាចចំណេញចន្លោះពី៦០០,០០០រៀលទៅ៧០០,០០០រៀល។ តែបើលោកប៉ូលិសនឹងជញ្ជីង តាមដងផ្លូវជំរិតទារច្រើនៗពេក ពួកគាត់ស្ទើរតែគ្មានសល់តែម្ដង នេះនៅមិនទាន់គិតដល់ការខូចខាតឬសឹករេចរិលប្រចាំថ្ងៃផង,,,! ។ក្រុមអាជីវករបានចាត់ទុកសកម្មភាពនេះ ជាទង្វើជញ្ជក់ឈាមស្រស់ៗ គាបសង្កត់ពួកខ្លួនដែលរកស៊ីស្របច្បាប់!។ពាក់ព័ន្ធនិងការអះអាង រឿងកុងក្រូលជជុះតាមដងផ្លូវ ជំរិតយកលុយពីអាជីវករដឹកលាមកគោក្របី នេះដែរ ដើមរាំង មិនអាចស្វែងរកសុំការបំភ្លឺពីមន្ត្រីទាំងនោះបានទេ ព្រោះច្រើនកន្លែងពេក!។
ប៉ុន្តែលោក បែន រ័ត្ន ស្នងការខេត្តត្បូងឃ្មុំបានថ្លែងថា៖ លោកចង់ឲ្យឈ្មួញដែលបង់លុយនុង បញ្ជាក់មកថា៖ បង់ឲ្យពីណានរណាខ្លះ? សូមកត់ឈ្មោះមន្ត្រីនិងប្រាប់គោលដៅ ចំនួនលុយមក ដើម្បីឲ្យលោកមានវិធានការ។ទោះជាយ៉ាងណាក្ដី!មជ្ឈដ្ឋាននានាក៍ដូចជាក្រុមអាជីវករផ្ទាល់ សូមស្នើឲ្យក្រសួងពាក់ព័ន្ធ ! ។មេត្តាចាត់វិធានការចំពោះមន្ត្រីកុងត្រូលជជុះទាំងនោះផងទាន! ដើម្បីកែទម្លាប់ដ៏អាក្រក់មួយនេះ។ជៀសវាងពលរដ្ឋខឹងគោវ៉ៃរទេះ ស្អប់មន្ត្រីថ្នាក់ក្រោម ខឹងដល់សម្ដេចតេជោ ដែលជាប្រមុខដឹកនាំដ៍ត្រឹមត្រូវនៃកម្ពុជា៕
អត្ថបទ៖ ដើមរាំង
