ប្រជាពលរដ្ឋដែលរស់នៅឃុំគោកដូង ស្រុកអង្គរជុំ បាននាំគ្នាបិទផ្លូវតវ៉ាដោយមិនអោយរដយន្តធំៗដឹកថ្មបើកបរឆ្លងកាត់ ដោយសារតែហុយខ្លាំង។ករណីដែលប្រជាពលរដ្ឋនាំគ្នាតវ៉ាបិទផ្លូវខាងលើនេះ បានធ្វើឡើងកាលពីព្រឹកថ្ងៃទី១០ ខែធ្នូ ឆ្នាំ២០១៩នេះ។ ប្រជាពលរដ្ឋបាននិយាយថា ពួកគាត់បាននាំគ្នាបិទផ្លូវតវ៉ាជាថ្មីដោយសារហុយខ្លាំង នៅពេលដែលរថយន្តធំៗដឹកថ្មឆ្លងកាត់ ហើយមិនបានធ្វើការស្រោចទឹកជាប្រចាំឡើយ។ប្រជាពលរដ្ឋបានបន្តថា កន្លងមកក្រុមហ៊ុនដែលរកស៊ីដឹកថ្ម បានសន្យាស្រោចទឹកលើផ្លូវដើម្បីកុំអោយហុយ តែក្រុមហ៊ុនបានស្រោចទឹកលើផ្លូវតែបន្តិចប៉ុណ្ណោះក៏បាត់ទៅវិញ ទុកអោយហុយវិញដដែល។ ប្រជាពលរដ្ឋបានបន្តទៀតថា ផ្លូវដែលពួកគាត់នាំគ្នាបិទនោះកាលពីដើមឡើយជាផ្លូវក្រាលកៅស៊ូ តែបច្ចុប្បន្នបានរងការខូចខាតយ៉ាងធ្ងន់ធ្ងរ ដោយមិនទាន់ឃើញមានការជួសជុលនៅឡើយទេ។ការដែលប្រជាពលរដ្ឋនាំគ្នាតវ៉ាបិទផ្លូវនេះគឺជាលើកទី៣ហើយ ដោយប្រជាពលរដ្ឋមិនបានទាមទារអ្វីច្រើនឡើយ ដោយសុំឲ្យខាងក្រុមហ៊ុនមេត្តាស្រោចទឹកលើផ្លូវកុំអោយហុយ ដែលប៉ះពាល់ដល់បរិស្ថាននិងការរស់នៅរបស់ពួកគាត់។ ផ្លូវដែលប្រជាពលរដ្ឋនាំគ្នាតវ៉ាបិទផ្លូវខាងលើ ខាងក្រុមហ៊ុនបានសន្យថានឹងស្រោចទឹកលើផ្លូវជាប្រចាំ កុំអោយហុយប៉ះពាល់ដល់ការរស់នៅរបស់ប្រជាពលរដ្ឋ ខាងប្រជាពលរដ្ឋក៏បានបើកផ្លូវអោយដំណើរការជាប្រក្រតីឡើងវិញ៕ អត្ថបទ៖ រស្មីកម្ពុជា
Day: December 10, 2019
ក្រសួងផែនការ រកឃើញថា គម្លាតរវាងអ្នកមាន និងអ្នកក្រ គឺឃ្លាតមិនឆ្ងាយពីគ្នាទេ នៅកម្ពុជា
រដ្ឋមន្ត្រីក្រសួងផែនការ ថ្លែងថា ពាក់ព័ន្ធបញ្ហាគម្លាតរវាងអ្នកមានជីវភាពធូរធារ និងអ្នកក្រ កម្ពុជាស្ថិតក្នុងរង្វង់ ០,២៨ ទៅ ០,៣០ ដែលបានបង្ហាញនូវគម្លាតមិនឃ្លាតឆ្ងាយពីគ្នា ខណៈប្រទេសមួយចំនួន មានគម្លាតអ្នកមាននិងអ្នកក្របានស្ថិតនៅឆ្ងាយពីគ្នា ។ ឯកឧត្តមកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ បានលើកឡើងនៅក្នុងសិក្ខាសាលាផ្សព្វ ផ្សាយការងារអត្តសញ្ញាណកម្មគ្រួសារក្រីក្រ តាមការស្នើសុំ និងកម្មវិធីឧត្តមសាច់ប្រាក់ជូនស្ត្រីមានផ្ទៃពោះ និងកុមារអាយុក្រោម២ឆ្នាំ និងការប្រគល់ថាប្លេត នៅថ្ងៃទី៩ ខែ ធ្នូ ឆ្នាំ២០១៩ នេះថា ខណៈដែលសេដ្ឋកិច្ចកម្ពុជាមានកំណើនស្ថិតក្នុងរង្វង់ ៧% គឺ បានបង្ហាញនូវភាពរឹងមាំ…
ហួសចិត្ត ឡានពេទ្យ គ្រាន់តែមកដល់ឃើញអ្នកជំងឺ មើលទៅគ្មានលុយ បើកត្រឡប់ទៅវិញបាត់
បុរសមិនស្គាល់អត្តសញ្ញាណម្នាក់ ត្រូវបានគេប្រទះឃើញ ដេកប្រកាច់បែកពពុះមាត់ បង្កឲ្យភ្ញាក់ផ្អើល កាលពីវេលាម៉ោង១១យប់ថ្ងៃទី០៩ ខែធ្នូ ឆ្នាំ២០១៩ នៅក្នុងភូមិថ្មគោល សង្កាត់ចោមចៅ២ ខណ្ឌពោធិ៍សែនជ័យ ។ ពេលនោះ ពលរដ្ឋបានទាក់ទងទៅមន្ទីរពេទ្យឯកជន លុះពេលរថយន្តពេទ្យមកដល់ ឃើញជនរងគ្រោះជាជនក្រីក្រស្លៀកពាក់ខោមិនខោអាវមិនអាវ ស្រាប់តែបត់ក្បាលរថយន្តបើកត្រឡប់ទៅបាត់ មិនខ្ចីដឹកជនរងគ្រោះឡើយ ធ្វើឲ្យពលរដ្ឋគក់ទ្រូងហួសចិត្តគ្រប់គ្នា។ជនរងគ្រោះមិនស្គាល់អត្តសញ្ញាណ ភេទប្រុស អាយុជាង៣០ឆ្នាំ ជាជនអនាថា៖គ្មានផ្ទះសម្បែងច្បាស់លាស់ ហើយក៏មិនដឹងមានសាច់ញាតិនៅទីណាដែរ។ លុះដល់វេលាកើតហេតុ ស្រាប់តែឃើញជនរងគ្រោះដេកប្រកាច់បែកពពុះមាត់ ឃើញសភាពគ្រោះថ្នាក់បែកនេះ ។ពលរដ្ឋបានទាក់ទងទៅមន្ទីរពេទ្យឯកជនលុះបន្តិចក្រោយមក ក៏មានរថយន្តសង្គ្រោះបើកមកភ្លាមៗទាន់ដូចចិត្ត ។តែដឹងអី គ្រាន់តែជនរងគ្រោះ ជាមនុស្សក្រីក្រ ស្លៀកពាក់ខោមិនខោអាវមិនអាវទំនងគ្មានលុយឲ្យពេទ្យ? ស្រាប់តែរថយន្តសង្រ្គោះនោះបើកត្រឡប់ទៅបាត់…
ស្នងការខេត្តព្រៃវែង បំភ្លឺថា ការដោះលែងជនសង្ស័យ គឺដោយសារគ្មានភស្តុតាង និងរង់ចាំលទ្ធផលពេទ្យ
ស្នងការខេត្តព្រៃវែងបានចេញសេចក្ដីថ្លែងការណ៍មួយពាក់ព័ន្ធជនសង្ស័យ ករណីរំលោភសេពសន្ថវៈក្មេងស្រីអាយុ១១ឆ្នាំរហូតបានសម្រេចចំនួន៥ដងគឺជននោះបានចូលខ្លួនទទួលកំហុសនៅព្រឹកថ្ងៃទី៩ខែធ្នូឆ្នាំ២០១៩ ។ ក្រោយការសាកសួរសមត្ថកិច្ចបានឃាត់ខ្លួនជនសង្ស័យបញ្ជូនទៅអយ្យការអមសាលាដំបូងខេត្តព្រៃវែង ដើម្បីបន្តនីតិវិធី។លោកម៉ុមសារ៉ុមអធិការនគរបាលស្រុកបាភ្នំបានឱ្យដឹងថា៖ជនសង្ស័យឈ្មោះ ប៊ិន ប៊ន ភេទប្រុសអាយុ៦១ឆ្នាំមានទីលំនៅភូមិតាពេជ្រខាងត្បូង ឃុំរក្សជ័យ ស្រុកបាភ្នំ ខេត្តព្រៃវែង។រីឯជនរងគ្រោះជាក្មេងស្រីអាយុ១១ឆ្នាំមានទីលំនៅភូមិជាមួយជនសង្ស័យ។ សូមរំលឹកថាកាលពីព្រឹកថ្ងៃទី៦ខែធ្នូឆ្នាំ២០១៩ឈ្មោះនួនមៀងអាយុ៤១ឆ្នាំត្រូវជាម្ដាយក្មេងស្រីរងគ្រោះនិងឪពុកឈ្មោះយីតាមនអាយុ៣៥ឆ្នាំត្រូវជាឪពុកជនរងគ្រោះបានទៅដាក់ពាក្យបណ្តឹងនៅប៉ុស្តិ៍រក្សជ័យ ស្រុកបាភ្នំ ខេត្តព្រៃវែង។ក្រោយទទួលពាក្យបណ្តឹង ក៏មានការ ហៅជនសង្ស័យ ឈ្មោះ ប៊ិនប៊នមកសួរនាំរយៈពេលត្រឹម៤ម៉ោងក៏ដោះលែងឱ្យមានសេរីភាពឡើងវិញក្រោមហេតុផលថាជននេះមិនសារភាពនិងខ្វះបន្ទុក។ ករណីនេះធ្វើឱ្យគ្រួសារជនរងគ្រោះចោទប្រកាន់ថាការដោះលែងយ៉ាងប្រញាប់ប្រញាល់បែបនេះគឺពិតជាមានការប្រព្រឹត្តអំពើពុករលួយដោយស្នើឱ្យស្ថាប័នពាក់ព័ន្ធបើកការស៊ើបអង្កេតជាបន្ទាន់។ប៉ុន្តែលោកអធិការនគរបាលស្រុកបាភ្នំ បានចេញមុខបដិសេធ ការចោទប្រកាន់ ។ទោះជាយ៉ាងណាក្ដីក្រោយមានប្រតិកម្មពីគ្រួសាររងគ្រោះនិងបណ្ដាញសង្គមសារព័ត៌មាននៅព្រឹកថ្ងៃទី៩ខែធ្នូឆ្នាំ២០១៩ជនសង្ស័យឈ្មោះប៊ិនប៊នបានចូលខ្លួនមកសារភាពនៅចុះពោះមុខសមត្ថកិច្ចស្រុកបាភ្នំ ដើម្បីទទួលកំហុស។ យោងតាមការរៀបរាប់របស់ក្មេងស្រីរងគ្រោះអាយុ១១ឆ្នាំបានឱ្យដឹងថាកាលពីថ្ងៃទី២៩ខែវិច្ឆិកាឆ្នាំ២០១៩លោកប៊ិនប៊នជាជនសង្ស័យបានហៅខ្លួនឱ្យទៅជួយទូលស្រូវពូជលោកយាយនៅឯស្រែក្រោយផ្ទះ។ស្រាប់តែទៅដល់អត់ឃើញលោកយាយក៏បានសួរថាឯណាយាយ?ភ្លាមនោះស្រាប់តែលោកប៊ិនប៊នស្ទុះទៅចាប់ខ្ទប់មាត់នាងហើយយកទៅរំលោភតែម្តង។ថែមទាំងគំរាមកំហែងមិនឲ្យប្រាប់ម៉ែឪនោះទេ បើហ៊ានប្រាប់នឹងអារ.កសម្លាប់ចោល ហើយក៏មានការរំលោភជាបន្តបន្ទាប់រហូតបាន៥ដង។ លុះដល់ថ្ងៃទី៦ខែធ្នូឆ្នាំ២០១៩ស្រាប់តែរឿងនេះបែកការណ៍ដល់ឪពុកម្ដាយរងគ្រោះទើបឪពុកម្ដាយមកដាក់ពាក្យបណ្ដឹងនៅប៉ុស្តិ៍រដ្ឋបាលរក្សជ័យតែម្ដង៕
កម្ពុជា ស្រងាកចិត្តយ៉ាងខ្លាំង ចំពោះអាមេរិក ដែលដាក់ទណ្ឌកម្មលើវីរៈជនខ្មែរ២រូប
អ្នកនាំពាក្យក្រសួងការបរទេសកម្ពុជា ចេញសេចក្ដីថ្លែងការណ៍សម្ដែងការខកចិត្ដយ៉ាងខ្លាំងចំពោះការកំណត់ជ្រើសរើសដោយបំពាននូវជនជាតិកម្ពុជាដែលបម្រើ ការងាររដ្ឋ និងក្នុងផ្នែកឯកជន ក្រោមច្បាប់សកលម៉ានីតស្គីរបស់អាមេរិក។ ក្នុងសេចក្តីថ្លែងការណ៍ របស់អ្នកនាំពាក្យក្រសួងការបរទេសកម្ពុជានៅថ្ងៃទី១០ ខែធ្នូនេះ បានលើកឡើងថា៖ «ទង្វើនេះធ្វើឱ្យមានការស្រងាកចិត្តយ៉ាងខ្លាំង នៅពេលដែលបុគ្គលសាធារណៈរបស់ប្រទេសមួយ ត្រូវបានក្លាយទៅជាកម្មវត្ថុ នៃវិធានការទណ្ឌកម្មរបស់ ប្រទេសដទៃផ្សេងទៀត ដោយផ្អែកលើការចោទប្រកាន់ដោយគ្មានមូលដ្ឋាន និងគ្មានការគោរពទាល់តែសោះចំពោះភាពឯករាជ្យនៃច្បាប់ និងយុត្តិធម៌របស់ប្រទេសមួយ។ ប្រការនេះគឺជាការបំពាន យ៉ាងធ្ងន់ធ្ងរលើគោលការណ៍អន្តរជាតិស្តីពីគោលការណ៍ស្មើភាពនៃអធិបតេយ្យ និងគោលការណ៍មិនជ្រៀតជ្រែកកិច្ចការផ្ទៃក្នុងរបស់ប្រទេសដទៃ ដូចមានចែងក្នុងធម្មនុញ្ញអង្គការសហប្រជាជាតិ និងច្បាប់អន្តរជាតិដ៏ទៃផ្សេងទៀត»។ សេចក្តីថ្លែងការណ៍របស់ក្រសួងការបរទេស បានបញ្ជាក់ទៀតថា៖ «បទបញ្ជាប្រតិបត្តិនេះគឺជាការវាយប្រហារប្រឆាំងនឹងកិច្ចខិតខំប្រឹងប្រែងដើម្បីស្តារទំនុកចិត្ត និងភាពជឿជាក់រវាងកម្ពុជា និងសហរដ្ឋអាមេរិក តាមរយៈការផ្ញើសារទៅវិញទៅមកនាពេលថ្មីៗនេះរវាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា…
អាជ្ញាធរជាតិ បកស្រាយថា ដំបូលរោងទូកងធ្លុះធ្លាយ ដោយសារអាកាសធាតុនៅកម្ពុជាប្រែប្រួល និងហេតុផល៣ធំៗ
នៅព្រឹកថ្ងៃទី១០ ខែធ្នូ ឆ្នាំ២០១៩នេះ គណៈកម្មការផលិតនិងរៀបចំពិធីបង្ហាញទូកងដើម្បីបំបែក ឯតទគ្គកម្មពិភពលោក បានចេញសេចក្តីបំភ្លឺ ស្តីពីការតម្កល់និងថែរក្សាទូកងវែងជាងគេលើពិភពលោក ចំនួន៣ ចំណុចជូនសាធារណៈជន និងអ្នកសារព័ត៌មានឲ្យបានជ្រាប។ គណៈកម្មការផលិត និងរៀបចំពិធីបង្ហាញទូកងដើម្បីបំបែកឯតទគ្គកម្មពិភពលោក បានលើកឡើងថា គណៈ កម្មការចាត់ទុកការលើកឡើងដោយភ្ជាប់នូវសំណូមពរខ្លះពីសំណាក់សាធារណជននិងមិត្តអ្នកសារព័ត៌មានគឺជាការយកចិត្តទុកដាក់តាមដាន និងឈឺឆ្អាលប្រកបដោយមនសិការលើកកម្ពស់សមិទ្ធផលជាតិ និងវប្បធម៌ជាតិ ក្នុងស្មារតីរួមគិត រួមធ្វើ រួមទទួលខុសត្រូវ។ជាថ្មីម្ដងទៀតគណៈកម្មការសូមថ្លែងអំណរគុណយ៉ាងជ្រាលជ្រៅបំផុត ចំពោះការចូលរួមតាមដាន ការផ្ដល់ព័ត៌មានការផ្ដល់មតិយោបល់កែលំអផ្សេងៗ។ អាស្រ័យដូចបានជម្រាបជូនខាងលើនេះ សូមសាធារណជននិងមិត្តអ្នកសារព័ត៌មានទទួលជ្រាបនិងបន្តសហការ យ៉ាងជិតស្និទ្ធជាមួយគណៈកម្មការឈរលើគោលការណ៍សាមគ្គីភាពស្របតាមទស្សនៈ«ខ្មែរសាមគ្គីខ្មែរឈ្នះ»។
កាន់តែត្រជាក់ខ្លាំងណាស់ ក្រសួងឧតុនិយម ប្រកាសឲ្យពលរដ្ឋ ប្រុងប្រយ័ត្នចំពោះសុខភាព
ក្រសួងធនធានទឹក និងឧតុនិយម បានចេញសេចក្តីជូនដំណឹងថ្មីមួយ ដោយអំពាវនាវដល់បងប្អូនប្រជាពលរដ្ឋ ពិសេសវីរកងទ័ពដែលឈរជើងនៅតាមបន្ទាត់ព្រំដែន ក្នុងភូមិសាស្ត្រតំបន់ជួរភ្នំដងរែក និងខ្ពស់រាបឦសាន សូមបន្តប្រុងប្រយ័ត្នបង្ការ និងថែរក្សាសុខភាព ពីធាតុអាកាសដែលអាចចុះត្រជាក់ ចាប់ពីថ្ងៃទី១០ ដល់ ១៣ ខែធ្នូ ឆ្នាំ២០១៩។ បើតាមក្រសួងធនធានទឹក ចាប់ពីថ្ងៃទី១០ ដល់ ១៣ ខែធ្នូ ធាតុអាកាសនៅកម្ពុជាមានដូចជា ៖ ១៖ ខេត្តឧត្តរមានជ័យ ព្រះវិហារ ស្ទឹងត្រែង រតនគិរី មណ្ឌលគិរី និងប៉ៃលិន សីតុណ្ហភាពអប្បបរមាមានពី១៧-១៩អង្សាសេ និងសីតុណ្ហភាពអតិបរមាមានពី២៤-២៦អង្សាសេ។ ២៖…
ទោះមិនជាប់ជម្រើសជាតិ កីឡាករចាន់ វឌ្ឍនាកា នៅតែលើកទឹកចិត្ត កែវ សុខផេង
ក្រោយចប់ការប្រកួតរវាងក្រុមជម្រើសជាតិអាយុក្រោម ២២ឆ្នាំរបស់កម្ពុជា ជាមួយក្រុមវៀតណាម នៅវគ្គពាក់កណ្តាលផ្តាច់ព្រ័ត្រ នៃព្រឹត្តិការណ៍កីឡាស៊ីហ្គេម លើកទី៣០ នៅទីក្រុងម៉ានីល ប្រទេសហ្វីលីពីន បញ្ចប់ក្នុងលទ្ធផល ៤ទល់នឹង០ ខ្សែប្រយុទ្ធរបស់ក្រុមគោព្រៃកម្ពុជា កែវ សុខផេង ត្រូវបានរងការរិះគន់យ៉ាងខ្លាំងថា ជាប់ខ្សែស្រឡាយវៀតណាម។ ទាក់ទងករណីនេះដែរ ខ្សែប្រយុទ្ធ ចាន់ វឌ្ឍនាកា បានបង្ហោះក្នុងហ្វេសប៊ុកថា “បាល់ទាត់សំខាន់ណាស់គឺកែប្រែកំហុសពីមួយប្រកួតទៅមួយប្រកួត ហើយសំខាន់នោះគឺការលើកទឹកចិត្ត គាត់គឺជាចំណែកមួយក្នុងវិស័យបាល់ទាត់កម្ពុជា គាត់បានពាក់អាវដែលប្រើទង់ជាតិកម្ពុជាខ្ញុំជឿថាបេះដូងគាត់គឺកម្ពុជា កុំបោះបង់សម្លាញ់ត្រូវរឹងមាំ អ្វីដែលត្រូវធ្វើបន្តរទៀតគឺត្រូវនាំកីឡាមួយនេះអោយពិភពលោកបានស្គាល់”។ ដោយឡែក សម្រាប់អ្នកគាំទ្រក្រុមគោព្រៃកម្ពុជាវិញ បង្ហាញអារម្មណ៍មិនសប្បាយចិត្តចំពោះការផ្សាយ និងការរិះគន់ចំពោះខ្សែប្រយុទ្ធ កែវ សុខផេង…
អាងខ្លួនជាប៉េអឹម ខឹងអ្នករត់កង់បីឥណ្ឌា ធ្វើមុខឌឺដាក់ ស្ទុះទៅវ៉ៃប៉ោងមុខ
ករណីទាស់ពាក្យសម្ដីគ្នារវាងអ្នកបើករថយន្តជាមន្រ្តីប៉េអឹម និងអ្នករត់ម៉ូតូកង់បី Pass App រហូតផ្ទុះជាហិង្សា បង្កការភ្ញាក់ដល់ពលរដ្ឋធ្វើដំណើរតាមដងផ្លូវ ហើយសមត្ថកិច្ចបានចុះអន្តរាគមន៍។ករណីនេះបានកើតឡើង កាលពីថ្ងៃទី៨ ខែធ្នូ ឆ្នាំ២០១៩ ស្ថិតក្នុងសង្កាត់បឹងទំពុនទី២ ខណ្ឌមានជ័យ។ ភាគីអ្នកបើករថយន្តម៉ាកកូរ៉ូឡា ពាក់ស្លាកលេខ 1AQ-3750 មានព្យួរកាតមន្រ្តីកងរាជអាវុធរាជធានីភ្នំពេញ និងប័ណ្ណបញ្ជាបេសកកម្ម ឈ្មោះអនុសេនីយត្រី អ៊ូច ថាំ តួនាទីជំនួយការកងរាជអាវុធហត្ថខណ្ឌព្រែកព្នៅ។ចំណែកជនរងគ្រោះឈ្មោះ សុខ ចិន្ដា មុខរបរអ្នករត់ម៉ូតូកង់បី Pass App ភេទប្រុស អាយុ៤២ឆ្នាំ ស្នាក់នៅស្រុកស្អាង ខេត្តកណ្ដាល មានស្រុកកំណើតនៅខេត្តស្វាយរៀង។ មុនពេលកើតហេតុ…
សាទរ កីឡាការិនី ខាន់ ចេសា ដណ្តើមបានមេដាយមាស ឲ្យកម្ពុជា១គ្រឿងទៀតហើយ
កម្ពុជាមានការអបអរសាទរចំពោះកីឡាការិនី ខាន់ ចេសា ដែលដណ្តើមបានមេដាយមាសឲ្យកម្ពុជា១គ្រឿងទៀត នៅព្រឹត្តិការណ៍ស៊ីហ្គេម ឆ្នាំ២០១៩ ក្នុងប្រទេសហ្វីលីពីន ។សម្តេចតេជោនាយករដ្ឋមន្ត្រីហ៊ុន សែន បានថ្លែងនៅលើបណ្តាញសង្គមហ្វេសប៊ុកថា៖«អបអរសាទរ និងកោតសសើរ កីឡាការិនី ខាន់ ចេសា ដណ្តើមបានមេដាយមាសហើយ ក្រោយឈ្នះហ្វីលីពីន នៅ SEA Games 2019 សូមកោតសរសើរ និងអបអរសាទរកីឡាការិនីជឺជិតស៊ូដ៏ឆ្នើមរបស់កម្ពុជា ខាន់ ចេសា បានបន្ថែមមេដាយមាសឲ្យកម្ពុជា ១គ្រឿងទៀតហើយ បន្ទាប់ពីយកឈ្នះកីឡាការិនីម្ចាស់ផ្ទះហ្វីលីពីន មុននេះបន្ដិច ក្នុងព្រឹត្តិការណ៍កីឡាស៊ីហ្គេម(SEA Games) លើកទី៣០ នៅទីក្រុង…