នៅព្រឹកថ្ងៃទី១០ ខែធ្នូ ឆ្នាំ២០១៩នេះ គណៈកម្មការផលិតនិងរៀបចំពិធីបង្ហាញទូកងដើម្បីបំបែក ឯតទគ្គកម្មពិភពលោក បានចេញសេចក្តីបំភ្លឺ ស្តីពីការតម្កល់និងថែរក្សាទូកងវែងជាងគេលើពិភពលោក ចំនួន៣ ចំណុចជូនសាធារណៈជន និងអ្នកសារព័ត៌មានឲ្យបានជ្រាប។
គណៈកម្មការផលិត និងរៀបចំពិធីបង្ហាញទូកងដើម្បីបំបែកឯតទគ្គកម្មពិភពលោក បានលើកឡើងថា គណៈ កម្មការចាត់ទុកការលើកឡើងដោយភ្ជាប់នូវសំណូមពរខ្លះពីសំណាក់សាធារណជននិងមិត្តអ្នកសារព័ត៌មានគឺជាការយកចិត្តទុកដាក់តាមដាន និងឈឺឆ្អាលប្រកបដោយមនសិការលើកកម្ពស់សមិទ្ធផលជាតិ និងវប្បធម៌ជាតិ ក្នុងស្មារតីរួមគិត រួមធ្វើ រួមទទួលខុសត្រូវ។ជាថ្មីម្ដងទៀតគណៈកម្មការសូមថ្លែងអំណរគុណយ៉ាងជ្រាលជ្រៅបំផុត ចំពោះការចូលរួមតាមដាន ការផ្ដល់ព័ត៌មានការផ្ដល់មតិយោបល់កែលំអផ្សេងៗ។
អាស្រ័យដូចបានជម្រាបជូនខាងលើនេះ សូមសាធារណជននិងមិត្តអ្នកសារព័ត៌មានទទួលជ្រាបនិងបន្តសហការ យ៉ាងជិតស្និទ្ធជាមួយគណៈកម្មការឈរលើគោលការណ៍សាមគ្គីភាពស្របតាមទស្សនៈ«ខ្មែរសាមគ្គីខ្មែរឈ្នះ»។
