នគរបាលខណ្ឌទួលគោក កាលពីរសៀលថ្ងៃទី១២ ខែធ្នូ បានឃាត់ខ្លួនស្ត្រីម្នាក់ជាភ្នាក់ងារល្បែងស៊ីសងកត់ឆ្នោតវៀតណាម នៅចំណុចមុខផ្ទះលេខ២៨C ផ្លូវលេខ២២៥ ក្រុមទី១៦ ភូមិ៥ សង្កាត់ផ្សារដេប៉ូទី៣ ខណ្ឌទួលគោក ។
សមត្ថកិច្ច អះអាងប្រាប់ CPC NEWS នៅថ្ងៃទី១៣ ខែធ្នូ នេះ ថា ជនសង្ស័យ ឈ្មោះ ឈន ស្រីពៅ ហៅ យាយម៉ាប់ ភេទស្រី អាយុ៣២ឆ្នាំ ជនជាតិខ្មែរ មុខរបរកត់ឆ្នោត ស្នាក់នៅផ្ទះជួលមិនស្គាល់លេខ ផ្លូវ លេខ២១៨ សង្កាត់ទឹកល្អក់ទី៣ ខណ្ឌទួលគោក រាជធានី ភ្នំពេញ ជាភ្នាក់ងារស៊ីសង។
វត្ថុតាងចាប់យកមាន ៖ ក្រដាសកត់ឆ្នោតវៀតណាមរួចចំនួន២សន្លឹក , ត្រាចុះថ្ងៃ,ខែ,ឆ្នាំ ចំនួន១ , ម៉ាស៊ីនគិតលេខម៉ាក Giraffe ចំនួន១គ្រឿង និង លុយខ្មែរចំនួន៧០,៥០០រៀល និងទូរស័ព្ទដៃម៉ាក OPPO មួយគ្រឿងស៊េរី CPH 1969 ពណ៌ខ្មៅប្រើស៊ីមលេខ 077 710 957 ។
បច្ចុប្បន្ន ជនសង្ស័យខាងលើ កំពុងឃាត់ខ្លួនជាបណ្ដោះអាសន្ន នៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរ និង ចាត់ការតាមនីតិវិធីច្បាប់ ៕
អត្ថបទ៖ CPC
