ក្រោយមានការអះអាងថា!សមត្ថកិច្ចតាមដងផ្លូវ ពិតជាបានជំរិតយកលុយពីរថយន្តដឹកអាចម៍គោ ចេញពីខេត្តព្រៃវែង ទៅលក់នៅខេត្តមណ្ឌលគិរី រតនគិរី នោះមក,,,!។ឥឡូវប្រធានការិយាល័យចរាចរណ៍ខេត្តត្បូងឃ្មុំ បដិសេធថា៖ មិនបានយកលុយទេ ហើយលោកបានអប់រំមន្ត្រីក្រោមឱវាទរួចហើយដែរ!។
ទោះជាមានការបដិសេធបែបនេះក្ដី! ប៉ុន្តែការពិត កុងត្រូលជជុះតាមដងផ្លូវ មានដូចជា៖ ប៉ូលិសចរាចរណ៍ គណៈកម្មការត្រួតពិនិត្យសុវត្ថិភាពចរាចរណ៍និងអាវុធជាតិផ្ទុះ មន្ត្រីជញ្ជីង ។បានជំរិតទារលុយពីអ្នកដឹកអាចម៍គោជាហូរហែ ទម្រាំដល់កន្លែងលក់ អស់ចាប់ពី៤០ម៉ឺនរៀលទៅ៨០ម៉ឺនរៀលក្នុង១ជើង!។
សាម៉ីខ្លួនអ្នកដឹកអាមច៍គោបានបញ្ជាក់ប្រាប់ ដើមរាំង កាលពីថ្ងៃទី០៤,១២,២០១៩ថា៖ ខ្លួនដឹកអាចម៍គោស្ងួត១រថយន្តយីឌុប ចេញពីខេត្តព្រៃវែង ទម្រាំដល់កន្លែងលក់នៅខេត្តមណ្ឌលគិរី នឹងរតនគិរី ។គឺត្រូវបានប៉ូលិសចរាចរណ៍តាមដងផ្លូវកំណត់យកលុយគ្មានបន្ធូរដៃទេ!។ក្រោមហេតុផលថា៖ ដឹកសំពីងសំពោងលើសទម្ងន់ ចំហរគូទក្រោយ ខុសស្តង់ដាលក្ខណៈបច្ចេកទេស។បើខ្លួនមិនឲ្យលុយតាមកំណត់ទេ គេនឹងចាប់ផាកពិន័យ ឬយករថយន្តទុក ឲ្យរើអាចម៍គោចុះ ពីលើរថយន្តមិនខាន!។
ជាក់ស្ដែងខ្លួនដឹកអាចគោ១រថយន្តត្រូវ បង់លុយឲ្យប៉ូលិសចរាចរណ៍លើផ្លូវជាតិលេខ៨ ជិតផ្ទះសម្ដេច ហេង សំរិន ក្នុងស្រុកពញ្ញាក្រែកចំនួន២០,០០០រៀលជាកំហិត។លុះបន្តទៅមុខទៀតបង់ឲ្យប៉ូលិសចរាចរណ៍នៅចំណុច មុខសាលាស្រុក ពញ្ញាក្រែកចំនួន៤០,០០០រៀល។ខណៈជារៀងរាល់លើក ប៉ូលិសនៅគោលដៅនោះថា៖ បើគេផាកពិន័យគឺ៧៥,០០០រៀលឯណោះ!។
ពេលបើកដល់ចំណុចបូសតាកុក លើផ្លូវជាតិលេខ៧បង់ឲ្យប៉ូលិសចរាចរណ៍៣០,០០០រៀល នេះជាតួរលេខបង់លុយពិតជាក់ស្ដែងដែលប៉ូលិសចរាចរណ៍ខេត្តត្បូងឃ្មុំកំណត់យក!។មិនតែប៉ុណ្ណោះ!ពួកខ្លួនត្រូវបង់ឲ្យប៉ូលិសចរាចរណ៍តាមដងផ្លូវជាហូរហែ មានដូចជាខេត្តព្រៃវែង ត្បូងឃ្មុំ ក្រចេះ មណ្ឌលគិរី ស្ទឹងត្រែង សរុបអស់ជិត១លានរៀលក្នុងមួយជើង។
ចំពោះការអះអាងរឿងប៉ូលិសចរាចរណ៍ខេត្តត្បូងឃ្មុំ ជំរិតទារលុយនេះដែរ នៅរសៀលថ្ងៃទី១៣,១២,២០១៩នេះ លោក បែន រ័ត្ន ស្នងការខេត្តត្បូងឃ្មុំ ដើមរាំង មិនអាចសុំការបំភ្លឺបានទេ ព្រោះទូរស័ព្ទលោកដាក់អោយជាប់រវល់!។
ប៉ុន្តែលោក ឡូយ សុផលប្រធានការិយាល័យចរាចរណ៍ខេត្តត្បូងឃ្មុំ បានថ្លែងប្រាប់ ដើមរាំង ថា៖ រឿងឡានដឹកអាចម៍គោនោះ លោកបានអប់រំមន្ត្រីក្រោមឱវាទលោករួចហើយ។លោកបានបដិសេធថា៖ មន្ត្រីរបស់លោកមិនបានយកលុយទេ! ហើយរថយន្តដឹកអាចម៍នោះ គឺសំពីងសំពោង ឃាត់រួចមិនពិន័យក៍អោយបន្តទៅមុខ។ទោះជាមន្ត្រីជំនាញបដិសេធថា៖ មិនបានយកលុយក៍ដោយ ប៉ុន្តែអាជីវករអ្នកដឹកអាចម៍ បានអះអាងថា៖ ប៉ូលិសចរាចរណ៍ខេត្តត្បូងឃ្មុំ ពិតជាបានកំណត់យកលុយពីពួកខ្លួនប្រាកដមែន៕
អត្ថបទ៖ ដើមរាំង
