កម្លាំងនគរបាលការិយាល័យស៊ើបអង្កេត និងអនុវត្តនីតិវិធី សហការជាមួយ កម្លាំងប៉ុស្តិ៍នគរបាលច្រកទ្វារទ្វេភាគីដាក់ដាំ បានបណ្តេញជនជាតិវៀតណាមម្នាក់ទៅឲ្យភាគីខាងវៀតណាម តាមប៉ុស្តិ៍នគរបាលច្រកទ្វារទ្វេភាគីដាក់ដាំ (កម្ពុជា) និងប៉ុស្តិ៍ប៊ូប្រាំង (វៀតណាម) នាវេលាម៉ោង១០៖៣០នាទី ថ្ងៃទី១៤ ខែធ្នូ នេះ ។
នគរបាលអន្តោប្រវេសន្ត បានឲ្យដឹងថា ជនជាតិវៀតណាមនេះ មានឈ្មោះ ម៉េង ឡាយ ភេទប្រុស អាយុ ៤៩ឆ្នាំ ទីកន្លែងកំណើតខេត្តព្រះត្រពាំង ប្រទេសវៀតណាម ឪពុកឈ្មោះ លី យ៉ាងវេ (ស្លាប់) ម្តាយឈ្មោះ ឈៀង ធីវ៉ា (រស់) ប្រពន្ធឈ្មោះ ឡេ ធីវ៉ា មានកូនចំនួន៤នាក់ និងមានទីលំនៅបច្ចុប្បន្នភូមិ២ សង្កាត់សែនសុខ ខណ្ឌសែនសុខ រាជធានីភ្នំពេញ៕
