លោក ម៉ម សុខមាន ដែលគេស្គាល់ថាជាអ្នកម៉ៅការសំណង់សាងសងផ្ទះដ៏ល្បីនៅខេត្តកែប ត្រូវបានរងចោទប្រកាន់ពីម្ចាស់ផ្ទះ ដែលម្ចាស់ផ្ទះបានប្រគល់លុយឲ្យគ្រប់ចំនួន (៨ម៉ឺន៥ពាន់ដុល្លារ) តាមការព្រមព្រៀងគ្នាហើយ តែបែជាលោក ម៉ម សុខមាន ប្រែក្រឡាកមិនបន្តសាងសង់ផ្ទះដោយទុកចោលពាក់កណ្តាលទី។ ធ្វើឲ្យម្ចាស់ផ្ទះ ប្រឈមនឹងបញ្ហាជាច្រើន ទីតាំងស្ថិតនៅភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប។
ម្ចាស់ផ្ទះដែលជួលឲ្យគេសាងសង់នោះមានឈ្មោះ ប៉ុល លក្ខិណា ភេទស្រី អាយុ២៩ឆ្នាំ ស្នាក់នៅក្នុងភូមិកំពង់ត្រឡាច សង្កាត់ព្រៃធំ ក្រុងកែប ខេត្តកែប។ រីឯអ្នកដែលទទួលម៉ៅការសំណង់ឈ្មោះ ម៉ម សុខមាន មុខរបរម៉ៅការសំណង់ ស្នាក់នៅ
តាមសម្ដីរៀបរាប់របស់ឈ្មោះ ប៉ុល លក្ខិណា ដែលជាម្ចាស់ផ្ទះ និងជាម្ចាស់លុយផងបានប្រាប់សារព័ត៌មានឲ្យដឹងថា រូបខ្លួនជាអ្នកស្រុកភូមិជាមួយនឹងលោក ម៉ម សុខមាន ក៏ហៅលោកមកម៉ៅការសាងសង់ផ្ទះរបស់ខ្លួននឹងបានប្រគល់លុយបានជាដំណាក់កាលអស់មួយចំនួនហើយ ហើយនៅពេលដែលផ្ទះសាងសងបានជាង៤០ភាគរយ ពល លក្ខិណា (ម្ចាស់ផ្ទះ)
និង ម៉ម សុខមាន (អ្នកម៉ៅការ) បានព្រមព្រៀមគ្នាប្រគល់លុយបង្គ្រប់ សរុប៨ម៉ឺន៥ពាន់ដុលា្លរ ប៉ុន្តែនៅពេលដែលប្រគល់លុយរួចរាល់ហើយ ស្រាប់តែ លោក ម៉ម សុខមាន (អ្នកម៉ៅការ) បានតែងតែគេចវេស រកបញ្ហានេះបញ្ហានោះ ដើម្បីបញ្ឈប់បន្តសាងសង់ផ្ទះទៀត ។ ដូច្នោះ នាងខ្ញុំ ប៉ុល លក្ខិណា (ម្ចាស់ផ្ទះ) សំណូមពរឲ្យលោក ម៉ម សុខមាន ចូលខ្លួនដោះស្រាយជាមួយនាងខ្ញុំផង។
ដោយឡែកបញ្ហានេះ ម្ចាស់ផ្ទះឈ្មោះ ប៉ុល លក្ខិណា បានដាក់ពាក្យបណ្តឹងនៅប៉ុស្តិ៍នគរបាលព្រៃធំ ប៉ុន្តែពាក្យបណ្តឹងបានបញ្ជូនបន្តទៅស្នងការខេត្តកែបរយៈពេល៣ខែហើយ ដូច្នោះក៏សំណូមពរឲ្យអជ្ញាធរដែនដីមេត្តាជួយពិនិត្យពន្លឿននៃការដោះស្រាយបញ្ចប់រឿងជូនគាត់ផង ៕
អត្ថបទ៖ ដើមរាំង
