លោក កឹម សុខា អតីតប្រធានគណបក្សសង្គ្រោះជាតិ បានជួបពិភាក្សាជាមួយ លោក Taha Macpherson ឯកអគ្គរាជទូតវិសាមញ្ញនិងពេញសមត្ថភាពនៃ ប្រទេសញ៉ូហ្ស៊ាឡែន (New Zealand) ប្រចាំរាជាណាចក្រថៃឡង់ដ៏ ព្រះរាជាណាចក្រកម្ពុជា និងសាធារណរដ្ឋប្រជាធិបតេយ្យប្រជាមានិតលាវ នៅថ្ងៃទី១៧ ខែធ្នូ ឆ្នាំ២០១៩ នៅផ្ទះរបស់លោក កឹម សុខា នៅក្នុងខណ្ឌទួលគោក។
លោក មុត ចន្ថា នាយកខុទ្ទកាល័យលោក កឹម សុខា បានថ្លែងប្រាប់អ្នកកាសែតបន្ទាប់ពីជំនួបចប់ថា ឯកអគ្គរាជទូតប្រទេសញ៉ូហ្ស៊ាឡែន បានបញ្ជាក់ថា លោកបន្តតាមដានចំពោះករណីលោក កឹម សុខា និងបន្តជួយដំណើរការប្រជាធិបតេយ្យនៅក្នុងប្រទេសកម្ពុជា និងធានាដល់សិទ្ធិប្រជាពលរដ្ឋ និងសិទ្ធិនយោបាយ ជួយដល់សង្គមស៊ីវិល។
លោកបន្តថា “លោក កឹម សុខា បញ្ជាក់ជំហរថា លោកត្រៀមខ្លួនជានិច្ចដើម្បីចូលរួមនៅក្នុងដំណើរការផ្សះផ្សាជាតិ បង្រួបបង្រួមជាតិ នៅក្នុងប្រទេសកម្ពុជា នៅក្នុងលក្ខខណ្ឌមួយដែលលោកមានសេរីភាពពេញលេញខាងនយោបាយឡើងវិញ”។ លោកបន្តថា លោកកឹម សុខា គឺជាអ្នកនយោបាយដែលគោរពប្រតិបត្តិច្បាប់ និងគោលការណ៍អហិង្សា។ ហើយលោកកឹម សុខា បានបញ្ជាក់ថា ទំនាក់ទំនងអន្តរជាតិរបស់លោក គឺដើម្បីផលប្រយោជន៍ប្រទេសជាតិ និងប្រជាពលរដ្ឋ ហើយលោកតែងតែបម្រើការារជានិច្ច៕
អត្ថបទ៖ ខ្លីៗ
