តាមរយៈចម្លាក់នៅប្រាសាទបាយ័ន គេសង្កេតឃើញមានប្រាង្គប្រាសាទមុខបួនបែរនៅគ្រប់ទិស ដែលធ្វើឱ្យអ្នកប្រាជ្ញជាតិ អន្តរជាតិមួយចំនួនយល់ថា “ប្រាសាទបាយ័ន ជាវិមានទេព ក្នុងរឿងព្រេងនិទានមានលក្ខណៈអច្ឆរិយខ្លាំងណាស់ ” ។
នៅតាមជញ្ជាំងនៃប្រាសាទ មានចម្លាក់ទាក់ទងទៅនឹងជីវភាពរស់នៅរបស់ប្រជាពលរដ្ឋ ទំនៀមទម្លាប់ប្រពៃណី សាសនា សិល្បៈ កីឡា ជាពិសេសការធ្វើសឹកសង្គ្រាមជាមួយពួកចាម ដែលដឹកនាំដោយព្រះបាទជ័យវរ្ម័នទី៧ ទទួលបានជ័យជម្នះយ៉ាងធំធេងតាមរយៈចម្បាំងកងទ័ពជើងទឹក ។ អ្វីដែលគួរឲ្យកត់សម្គាល់នោះ គឺចម្បាំងកងទ័ពជើងទឹក ដែលត្រូវបានគេឆ្លាក់ជាប់នឹងជញ្ជាំងយ៉ាងល្អប្រណីតគួរឲ្យគយគន់ ខ្លាំងណាស់ ។
ដោយឡែកកាលពីថ្មីៗនេះមានបងប្អូននៅក្នុងបណ្ដាញសង្គមហ្វេសប៊ុកជាច្រើនបានប្រតិកម្មធ្វើការបញ្ចេញ យោបល់មតិទៅតាមគំនិតរៀងៗខ្លួន ទៅលើរូបភាពជាច្រើនសន្លឹកដែលបានបង្ហាញពីយន្តហោះមួយគ្រឿងរបស់ថៃត្រូវបានគេបង្ហោះចែករំលែកជាច្រើននៅតាមបណ្តាញសង្គមនាៗតែអ្វីដែលគួរឲ្យចាប់អារម្មណ៍នោះគឺរូបភាពទូកចម្លាក់នៅលើយន្តហោះដែលវាមានរូបរាងដូចគ្នាទៅនិងទូកបុរាណរបស់ខ្មែរដែលបានឆ្លាក់នៅលើជញ្ជាំងប្រាសាទបាយ័ន និង បន្ទាយ ឆ្មារ។
អត្ថបទ៖ KBN
