មហាជនបានដាក់ការសង្ស័យថា រឿងក្រុមចោរចូលគាស់សាខាពន្ធដាខេត្តតាកែវ ទំនងជាមានរឿងផ្ទៃក្នុងឲ្យដៃ ដើម្បីផលប្រយោជន័អ្វីមួយ កាលពីវេលាម៉ោង១រំលងអធ្រាត្រនឈានចូលថ្ងៃទី២០ ខែធ្នូ ឆ្នាំ២០១៩ ស្ថិតនៅភូមិ២ សង្កាត់រកា ក្រុងដូនកែវ ខេត្តតាកែវ ព្រោះមានអ្នកយាមដែរ ហេតុចោរអាចគាស់ចូលបាន។
បើយោងតាមការបញ្ជាក់ពីសមត្ថកិច្ចក្រុងដូនកែវ បានឲ្យដឹងថា ក្រុមចោរបានចូលគាស់រុះរើយកលុយអស់២លានរៀលនិងឯកសារាយប៉ាយពេញបន្ទប់តែម្ដងជុំវិញករណីនេះ លោក ពៅ ពុត្រា ប្រធានសាខាពន្ធដាខេត្តតាកែវ បានបិទបាំងរឿងពិតថា ករណីចោរចូលគាស់ គឺមិនមានបាត់លុយ ឬឯកសាអ្វីបន្តិចនោះទេ។
ចំណែកលោក ងួន ពុទ្ធា អនុប្រធានសាខាពន្ធដាខេត្តតាកែវ បានឲ្យដឹងថា ករណីចោរគាស់ខាងលើ គឺមិនបាត់ឯកសាអីទេ តែបាត់លុយ២៤ម៉ឺនរៀល ហើយលោកបានបញ្ជាក់ទៀតថា សាខាពន្ធដា គឺមានបុក្គលិកយាមរាល់យប់ តែយប់កើតហេតុ គឺក្រុមអ្នកយាមដេកលង់លក់ទើបមិនដឹង តែនៅពេលភ្ញាក់ឡើងក៏ស្រែកឆោឡោធ្វើឲ្យក្រុមចោរត់បាត់អស់តែម្ដង។
ជុំវិញករណីខាងលើមហាជនឆ្ងល់ថា ហេតុអីបានជាការឆ្លើយបំភ្លឺរបស់ប្រធានសាខា និងអនុប្រធានសាខាពន្ធដា មិនស៊ីចង្វាក់គ្នានឹងរបាយការណ៍របស់សមត្ថកិច្ចទៅវិញ។ តើជុំវិញរឿងនេះមានអីនៅពីក្រោយ ដែលធ្វើឲ្យមានចម្លើយផ្ទុយគ្នា?។
ពាក់ពន្ធ័ករណីនេះដែរលោក សុខ សំណាង ស្នងការនគរបាលខេត្តតាកែវ បានបដិសេធមិនផ្តល់ព័ត៌មានលម្អិតឡើយ ហើយផ្តាច់ទូរស័ព្ទ មិនអាចទាក់ទងបានបន្តទៀត៕
អត្ថបទ៖ swiftnews
