ក្រសួងកសិកម្ម បញ្ជាក់ម្តងទៀតថា តម្លៃស្រូវចុះថោក គឺដោយសារស្រូវដុះមកមិនគ្រប់ទឹក (ស្រូវអត់ពេញគ្រាប់)
រដ្ឋមន្ត្រីក្រសួងកកសិកម្មរុក្ខាប្រមាញ់និងនេសាទលោកវេងសាខុនបានបញ្ជាក់ថាតម្លៃស្រូវថោកដែលប៉ះពាល់តម្លៃគឺពាក់ព័ន្ធសំខាន់ស្រូវមិនគ្រប់ទឹក(ស្រូវអត់ពេញគ្រាប់)ដោយជះឥទ្ធិពលនៃគ្រោះរាំងស្ងួតកន្លងទៅធ្វើឱ្យស្រូវវាអត់ពេញគ្រាប់ហើយអ្នកទិញយកទៅកិនបានតម្លៃថោក តែមានតំបន់មួយចំនួនតូចដែលជះឥទ្ធិពលលើបបញ្ហានេះ។ ការថ្លែងបញ្ជាក់របស់រដ្ឋមន្ត្រីក្រសួងកកសិកម្មរុក្ខាប្រមាញ់និងនេសាទបានធ្វើឡើងនៅព្រឹកថ្ងៃទី២១ ខែធ្នូ ឆ្នាំ២០១៩ ឆ្លើយតបទៅនិងបណ្តាញសារព័ត៌មានមួយចំនួន និងបណ្តាញសង្គមហ្វេសប៊ុក ដែលបានផ្សព្វផ្សាយលើសពីការពិត។ លោកវេងសាខុនបានបញ្ជាក់យ៉ាងដូច្នេះថា“កន្លងទៅសារព័ត៌មានយើងមួយចំនួនពូកែឆ្កឹះមិនដឹងការពិតថាតើស្រូវថោកនឹងកើតឡើងដោយសារអ្វីស្រូវថោកដែលប៉ះពាល់តម្លៃ។គឺពាក់ព័ន្ធសំខាន់ទាក់ទងនឹងស្រូវមិនគ្រប់ទឹកដោយជះឥទ្ធិពលនៃគ្រោះរាំងស្ងួតកន្លងទៅស្រូវវាអត់ពេញគ្រាប់ដល់ចឹងទៅអ្នកទិញគេយកទៅកិនទៅបានតម្លៃថោក អញ្ចឹងតែតំបន់មួយចំនួនតូចនោះទេដែលជះឥទ្ធិពលលើបបញ្ហានេះ។ ឃើញលើកយកបញ្ហាចឹងៗ មកបកស្រាយដោយមិនដឹងពីមូលហេតុច្បាស់លាស់”។ លោករដ្ឋមន្ត្រីបានបញ្ជាក់ទៀតថា“ទន្ទឹមនឹងក៏យើងបានដោះស្រាយចប់សព្វគ្រប់អស់ដែរបញ្ជាទៅខាងអាជ្ញាធរដែនដីជាមួយនឹងក្រសួងពាក់ព័ន្ធចុះធ្វើការទិញស្រូវនឹងជាបន្ទាន់ហើយតម្លៃសមរម្យយើងបានចាត់ចែងចប់សព្វគ្រប់អស់ហើយ។មិនគួរលើកយកបញ្ហានឹងយកមកនិយាយដដែលៗហើយដេញដោលគ្នាបកស្រាយ អត់ប្រយោជន៍”៕ អត្ថបទ៖ រស្មីកម្ពុជា …
