ដើម្បីទាក់ទាញភ្ញៀវទេសចរ ទៅទស្សនាប្រទេសខ្លួនកាន់តែច្រើនថែមទៀតនោះ ក្រសួងវប្បធម៌ បានប្រកាសមិនលក់បណ្ណចូលទស្សនាសារមន្ទីរ ឧទ្យានជាតិ តំបន់ប្រវត្តិសាស្ត្រនានា រយៈពេល ៥ថ្ងៃ ចាប់ពីថ្ងៃទី២៨ ខែធ្នូ ឆ្នាំ២០១៩ ដល់ថ្ងៃទី១ ខែមករា ឆ្នាំ២០២០។
នាយកដ្ឋានវិចិត្រសិល្បៈថៃ បានប្រកាសដូច្នេះថា ចាប់ពីថ្ងៃទី២៨ ខែធ្នូ ដល់ថ្ងៃចូលឆ្នាំសាកល ទាំងភ្ញៀវជាតិ ទាំងភ្ញៀវអន្តរជាតិ អាចចូលទៅទស្សនាតាមសាមន្ទីរ ឧទ្យានជាតិ ដូចជា ប្រាសាទ រមណីយដ្ឋានប្រវត្តិសាស្ត្រផ្សេងៗ ដោយមិនចាំបាច់ទិញបណ្ណចូលទស្សនាឡើយ ដោយចាត់ទុកថា នេះជា ”កាដូសម្រាប់ឆ្នាំថ្មី” ឆ្នាំ២០២០ ដល់ភ្ញៀវទេសចរទាំងអស់។
ប្រភពដដែលបន្តថា រមណីយដ្ឋានវប្បធម៌ប្រវត្តិសាស្ត្រនៅទូទាំងប្រទេសថៃ រួមមាន តំបន់ Satchanalai នៅខេត្តសុខោទ័យ, Phanom Rung នៅខេត្តបូរីរ៉ាម និងប្រាសាទខ្មែរដែលកសាងក្នុងសតវត្សរ៍ទី១១ ស្តុកកោះធំ នៅខេត្តស្រះកែវ ជាដើម៕
អត្ថបទ៖ clicknews
