នៅថ្ងៃអង្គារ ទី២៤ ខែធ្នូ ឆ្នាំ២០១៩ ប្រធានមន្ទីទេសចរណ៍ខេត្តព្រះសីហនុ បានធ្វើការចុះរៀបចំសណ្ដាប់ធ្នាប់នៅតាមឆ្នេរឲ្យបានស្អាតដោយមិនឲ្យមានសំរាម ក៏ដូចជាមានភាពរញ៉េរញ៉ៃដែលជាហេតុធ្វើឲ្យឆ្នេរគ្មានសណ្ដាប់ធ្នាប់ និងតូបលក់អីវ៉ាន់នានាមានលក្ខណៈស្តង់ដា និងតម្លៃសមរម្យ ដើម្បីទទួលភ្ញៀវទេសចរណ៍ជាតិនិងអន្តរជាតិ ក្នុងឪកាសពិធីបុណ្យចូលឆ្នាំថ្មី ចូលឆ្នាំសកលដែលនឹងឈានមកដល់ថ្ងៃខាងមុខ។
ពិធីបុណ្យចូលឆ្នាំសកល និងឈានចូលមកដល់រយៈប៉ុន្មានថ្ងៃខាងមុខនេះ ប្រជាពលរដ្ឋខ្មែរនៅទូទាំងប្រទេសនិងពិភពលោកបាននឹងកំពុងរៀបចំផ្ទះសម្បែង និងទីកំសាន្តនានា ជាក់ស្តែងនៅខេត្តព្រះសីហនុក៏មិនខុសពីខេត្តដ៏ទៃនោះដែរ អាជ្ញាធរខេត្តបាននឹងកំពុងរៀបចំកម្មវិធីផ្សេងៗដើម្បីចូលរួមអបអរសាទរឆ្នាំថ្មី ក្នុងនោះនៅតាមតំបន់ឆ្នេរ សំខាន់ៗ គឺឆ្នេរអូឈើទាល និងឆ្នេរឯករាជ្យនិង តាមបណ្តាកោះនានា។
យោងតាមប្រភពពីលោក តាំង សុចិត្រគ្រឹះស្នា ប្រធានមន្ទីទេសចរណ៍ខេត្តព្រះសីហនុ បានថ្លែងប្រាប់អ្នកសារព័ត៌មានANN ឲ្យដឹងថា ក្នុងពិធីបុណ្យចូលឆ្នាំសកល នាឆ្នាំនេះ ដើម្បីបំរើអារម្មណ៌ ដល់ភ្ញៀវទេសចរណ៍ដែលបានមកកំសាន្តនៅខេត្តព្រះសីហនុនេះបានរៀបចំកម្មវិធីកំសាន្តជាច្រើននៅតាមមាត់សមុទ្រ ដោយក្នុងនោះមានការប្រគុំតន្ត្រីនិង តាំងលក់ទំនិញជាច្រើននៅឆ្នេរឯករាជ្យ។
ដើម្បីការពារសុវត្ថិភាពដល់ភ្ញៀវទេសចរណ៍ នៅតាមឆ្នេរនិមួយៗអាជ្ញាធរពាក់ព័ន្ធ ជាពិសេសរដ្ឋបាលខេត្ត និង មន្ទីទេសចរណ៍បានដាក់ទង់ ឬ ពោងដើម្បីកំណត់តំបន់ហាមឃាត់មិនអោយក្រុមម៉ូតូទឹកចូលជិតភ្ញៀវទេសចរណ៍ ដែលកំពុងមុជទឹកកំសាន្តឡើយ ឯនៅលើកោះវិញក្រុមការងារជំនាញ បានធ្វើការផ្សព្វផ្សាយ អប់រំដល់អាជីវករ ក្នុងការត្រៀមខ្លួន ទទួលភ្ញៀវទេសចរណ៍អោយបានល្អទាំងសេវាកម្មស្នាក់នៅ ទាំងសេវាកម្មម្ហូបអាហារ។
អត្ថបទ៖ ANN
