លោកអភិបាលខណ្ឌចំការមន បានជំរុញឱ្យអាជ្ញាធក្នុងមូលដ្ឋានបន្ថែមការយកចិត្តទុកដាក់ ពាក់ព័ន្ធនឹងបញ្ហាផ្សេងៗ ដែលមានភាពអ សកម្ម ដូចជាល្បែ ង ស៊ី ស ង ជាពិសេសល្បែ ងហ្គេ មបា ញ់ ត្រី បញ្ហា គ្រឿ ង ញៀ ន និងបរិស្ថានអនាម័យផងដែរ។
ការជំរុញនេះធ្វើឡើងក្នុងកិច្ចប្រជុំរបស់គណៈបញ្ជាការឯកភាពខណ្ឌចំការមននៅ ព្រឹកថ្ងៃទី២៥ ធ្នូ ឆ្នាំ២០១៩នេះ ដែលមានការចូលរួមពីអាជ្ញាធពាក់ព័ន្ធដូចជាលោក លោកស្រីអភិបាលរង អធិការនិងមេបញ្ជាការកងរាជអាវុធហត្ថ ព្រមទាំងលោក លោកស្រីជាចៅសង្កាត់ លោកមេភូមិទាំង៥ក្នុងខណ្ឌចំការមនជាច្រើនរូប។
លោកថេង សុថុល អភិបាលខណ្ឌចំការមន មានប្រសាសន៍ជំរុញបន្ថែម បានអោយដឹងថា ក្នុងនាមជាអាជ្ញាធក្នុងមូលដ្ឋាន ផ្ទាល់លោក លោកស្រីដែលជាចៅសង្កាត់រឺមេភូមិ ត្រូវរាយការណ៍ដោយផ្ទាល់មកគណៈអភិបាលខណ្ឌដើម្បីធ្វើការ ដោះស្រាយជូនប្រជាពលរដ្ឋអោយទាន់ពេលវេលាពាក់ព័ន្ធនិងករណី គ្រឿ ង ញៀ ន បញ្ហាល្បែ ង ស៊ី ស ងនិង បញ្ហាបរិស្ថាន ដែលប្រជាពលរដ្ឋរាយការណ៍អោយជួយដោះស្រាយ លោកបន្តថា កន្លងមកក្នុងនាមអាជ្ញាធ ខណ្ឌក្រោយទទួលបានព័ត៌មាន រាយការណ៍ពីប្រជាពលរដ្ឋតែងតែចុះជួយដោះស្រាយដោយផ្ទាល់មិនដែល ប្រកែកឡើយ តែមានពេលខ្លះក៏ឆកល្វែងម្តងម្តាល ដោយសារ មានការងារជាច្រើនដែលត្រូវដោះស្រាយ តែទោះជាយ៉ាងណាសន្យានិងជួយសម្រួលរាល់សំណើរនិងសំណូមពរ របស់ប្រជាពលរដ្ឋ។
ពាក់ព័ន្ធនឹងបញ្ហាដាក់គោលដៅត្រួតពិនិត្យ អា វុ ធនិងជាតិស្រ វឹ ងនៅពេលយប់ លោកថេង សុថុល បានជម្រុញសមត្ថកិច្ច ជំនាញ ត្រូវផ្លាស់ប្តូរទីតាំងដាក់វេនគ្រប់សង្កាត់ទាំង៥ ទូទាំងខណ្ឌ ធ្វើយ៉ាងណាសំដៅជួយទប់ ស្កា ត់និងកា ត់បន្ថយ រាល់ បទល្មើសផ្សេងៗ ដែលឆ្លងកាត់ទីតាំងត្រួតពិនិត្យ។
លោក អភិបាលខណ្ឌចំការមនក៏បានជំរុញឱ្យអាជ្ញាធយកចិត្តទុកដាក់ ចុះពិនិត្យដោយផ្ទាល់នៅតាមដីឡូតិ៍ទុកចោលមួយចំនួនដែលមានករណីប្រមូលផ្តុំគ្នាជ ក់ ថ្នាំ ញៀ ន ដែលថ្មីនេះត្រូវបាន ជន ស ង្ស័ យ បង្វែរចេញពីតាមក្លឹប កម្សាន្តទៅប្រមូលផ្តុំគ្នា ជ ក់ នៅតាមបន្ទប់ជួលរឺ ខុនដូ និងដីឡូតិ៍ទុកចោលផងដែរ។
ចំណុចសំខាន់មួយទៀត បញ្ហាសណ្តាប់ធ្នាប់សាធារណៈនៅលើដងផ្លូវ អភិបាលខណ្ឌចំការមន គ្រោងនឹងរៀប ចំខ្នោះ សំរាប់ចាក់កង់រថយន្តដែល ចតគ្មានសណ្តាប់ធ្នាប់នៅតាមចិញ្ចើមផ្លូវ ដោយចាប់អនុវត្តនៅតាមផ្លូវបណ្តោយលូបឹងត្របែក ដែលកន្លងមកអាជ្ញាធ បានជូនដំណឹងជាច្រើនដង តែម្ចាស់យាន្តយន្តហាក់ធ្វើមិនដឹងមិនលឺហើយមិនខ្វល់និង ការជូនដំណឹងរបស់អាជ្ញាធនិង នៅបន្តចត យាន្តយន្តគ្មានសណ្តាប់ធ្នាប់នៅតាមបណ្តោយផ្លូវបណ្តាលអោយកកស្ទះចរាចរណ៍មិនអាច ធ្វើដំណើរ បានផងដែរ៕
អត្ថបទ៖ swiftnews
