រាជធានីភ្នំពេញ នាពេលបច្ចុប្បន្ននៅតែរក្សាបាននូវអត្តសញ្ញាណ នៃទីក្រុងប្រវត្តិសាស្ត្ររបស់ខ្លួន ដែលដែលជាបេះដូងនៃព្រះរាជាណាចក្រកម្ពុជា និងជាមជ្ឈមណ្ឌលប្រមូលផ្តុំលើគ្រប់វិស័យ ពោរពេញដោយសុខសុវត្ថិភាព។
រដ្ឋបាលរាជធានីភ្នំពេញ កាលពីរាត្រីថ្ងៃទី២៤ធ្នូ បានរៀបចំឲ្យមានការជួបជុំ មន្ត្រីរាជការ បុគ្គលិកតាមមន្ទីរ អង្គភាព អាជ្ញាធរដែនដីជំនាញពាក់ព័ន្ធ ក្នុងន័យថ្លែងអំណរគុណក្រុមការងាររៀបចំមហាសន្និបាត មន្ត្រីទាំងអស់ក្រោមឱវាទរដ្ឋបាលរាជធានីភ្នំពេញ ដែលបានរួមចំណែកក្នុងការរៀបចំមហាសន្និបាតសមាគមន៍អន្តរជាតិអភិបាលក្រុង ប្រើប្រាស់ភាសាបារាំង
(AIMF) លើកទី៣៩ ដែលរាជធានីភ្នំពេញ ធ្វើជាម្ចាស់ផ្ទះកាលពីដើមខែធ្នូ កន្លងទៅទទួលបានជោគជ័យ។
លោ
កឃួង ស្រេង អភិបាលនៃគណៈអភិបាលរាជធានីភ្នំពេញ បានលើកឡើងថា ស្នាដៃការងារ និងសមិទ្ធផលទាំងឡាយ ដែលយើងទាំងអស់គ្នាសម្រេច បាននាពេលកន្លងមកនេះ គឺមិនត្រឹមតែជាកិត្តិយសដ៏ធំធេង របស់រដ្ឋបាលរាជធានីភ្នំពេញ ក្នុងនាមជាសមាជិកអចិន្ត្រៃយ៍៍នៃសមាគម AIMF ប៉ុណ្ណោះទេ ប៉ុន្តែថែមទាំងជាមោទនភាពថ្មីមួយទៀត របស់រាជរដ្ឋាភិបាលកម្ពុជា ក្រោមការដឹកនាំ ប្រកបដោយភាពឈ្លាសវៃរបស់ សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា
ហើយក៏ជាសារបង្ហាញប្រាប់ពិភពលោកថា ទីក្រុងភ្នំពេញមិនមែនជាទីក្រុងខ្មោច និងមិនមែនជាទីក្រុងឯកោ ដូចកាលពីឆ្នាំ១៩៧៩នោះឡើយ។ ផ្ទុយទៅវិញរាជធានីភ្នំពេញ នាពេលបច្ចុប្បន្ននៅតែរក្សាបាននូវអត្តសញ្ញាណ នៃទីក្រុងប្រវត្តិសាស្ត្ររបស់ខ្លួន ដែលដែលជាបេះដូងនៃព្រះរាជាណាចក្រកម្ពុជា និងជាមជ្ឈមណ្ឌលប្រមូលផ្តុំលើគ្រប់វិស័យ ពោរពេញដោយសុខសុវត្ថិភាព វិបុលភាព សកម្មភាពរស់រវើក និងមានភាពទាក់ទាញបំផុត ក្នុងតំបន់អាស៊ីអាគ្នេយ៍យើងនេះ។
ជាមួយនឹងការទទួលទានអាហារសាមគ្គី អបអរឆ្នាំថ្មីឆ្នាំសកលនេះដែរ លោកឃួង ស្រេង យកឱកាសនេះប្តេជ្ញាចិត្តរួមគ្នាជាថ្មី ម្តងទៀត ដោយបានសន្យាខិតខំប្រឹងប្រែងទ្វេដងជាមួយបងប្អូនសហការី មន្ត្រីរាជការនិងបុគ្គលិកទាំងអស់ នៃរដ្ឋបាលរាជធានីភ្នំពេញ ដើម្បីឆ្លើយតបទៅនឹងទំនុកចិត្តរបស់ ប្រជាពលរដ្ឋ ព្រោះការងារណាក៏យើងអាចសម្រេចបានដែរ ឲ្យតែមានកម្លាំងសាមគ្គី៕
អត្ថបទ៖ CEn
