នគរបាលក្រុងប៉ៃលិនបានឃាត់ខ្លួនបុរសម្នាក់ជាជនសង្ស័យ ជាចោរលួចមាន់បី ក្បាលត្រូវបានសាលាដំបងខេត្តប៉ៃលិនឲ្យកម្លាំងនគបាលអធិការក្រុងបញ្ជូនយកទៅដាក់គុកនៅពន្ធនាគារខេត្តប៉ៃលិន ។ករណីនេះកើតឡើងនៅវេលាម៉ោង វេលាម៉ោង១១ និង៤៥នាទីព្រឹក ថ្ងៃទី២៧ ខែធ្នូ ឆ្នាំ២០១៩ ។
ជនសង្ស័យ ដែលចោរលួចមាន់៣ក្បាល ខាងលើត្រូវបានសមត្ថកិច្ចបានឃាត់ខ្លួនតាមពាក្យបណ្ដឹង របស់់ម្ចាស់មាន់ និងអ្នកភូមិ ករណីកើតឡើងកាលពីវេលាម៉ោង០៧និង១៥នាទីព្រឹក ថ្ងៃពុធ ១៤រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៥ ខែធ្នូ ឆ្នាំ២០១៩ ។
កម្លាំងជំនាញផ្នែកព្រហ្មទណ្ឌនៃអធិការដ្ឋាននគរបាលក្រុងប៉ៃលិនបានទទួលពាក្យបណ្តឹងពីឈ្មោះ ឆេង កេង ភេទស្រី អាយុ ៣៩ ឆ្នាំ រស់នៅភូមិបរឌិននៀវ សង្កាត់ប៉ៃលិន ក្រុងប៉ៃលិន ខេត្តប៉ៃលិន ករណីលួច ( លួចមាន់ ) ។
ក្រោយទទួលពាក្យបណ្ដឹងកម្លាំងផ្នែកជំនាញបានស្ទុះវឹងទៅស្រាវជ្រាវ និងកំណត់មុខសញ្ញារបស់ជនសង្ស័យរហូតដល់វេលាម៉ោង ១០ និង ៤៥នាទីថ្ងៃខែឆ្នាំដដែល កម្លាំងផ្នែកជំនាញ បានសហការជាមួយប៉ុស្តិ៍នគរបាលរដ្ឋបាលចុះទៅនាំខ្លួនជនសង្ស័យឈ្មោះ សឿន ប៊ុល ហៅ មល ភេទប្រុស អាយុ ៣០ឆ្នាំ រស់នៅភូមិបរឌិននៀវ សង្កាត់ប៉ៃលិន ខេត្តប៉ៃលិន និង ដកហូតបានមាន់ចំនួន ០៣ក្បាល និងស៊ុមដែកចំនួន ០២ នៅផ្ទះរបស់ជនសង្ស័យខាងលើ ។
ក្រោយសាកសួរ ជនសង្ស័យឈ្មោះ សឿន ប៊ុល ហៅ មល បានសារភាពថា ខ្លួនពិតជាបានលួចមាន់របស់ដេីមបណ្តឹងពិតប្រាកដមែន ហើយខ្លួនធ្លាប់ធ្វើសកម្មភាពលួចចំនួន ០៧លើកមកហើយទាំងលេីកនេះ នៅក្នុងសង្កាត់ប៉ៃលិន០៦លេីក និង សង្កាត់ទួលល្វាចំនួន ០១លើក ។
បច្ចុប្បន្នជំនាញព្រហ្មទណ្ឌនៃអធិការដ្ឋាននគរបាលក្រុងប៉ៃលិន កសាងសំណុំរឿងបញ្ជូនជនសង្ស័យទៅកាន់អយ្យការអមសាលាដំបូងខេត្តប៉ៃលិន ចាត់ការតាមនីតិវិធី ។
ចំណែកវត្ថុតាងមាន់ចំនួន០៣ក្បាល បានប្រគល់ជូនទៅម្ចាស់ដើមវិញ ។ជនសង្ស័យក្រោយ ពីជំនាញសាលាដំបងខេត្តប៉ៃលិនសួរនាំ រួចក៏ឲ្យកម្លាំងជំនាញនគរបាលក្រុងបញ្ជូនទៅដាក់គុកនៅពន្ធនាគារខេត្តប៉ៃលិនតែម្ដង ។ពាក់ព័ន្ធករណីនេះ គេហួសចិត្តគ្រប់គ្នា ត្រឹមមាន់៣ ក្បាល់សោះ ៕
អត្ថបទ៖ នគរវត្ត
