ដំណឹងមរ ណ ភាព តារាកំប្លែង នាយស្មាញ បានទទួលម រណ ភាព មុននេះបន្តិចដោយគ្រោះ ថ្នា ក់ ច រា ចរណ៍ ដែលបានកើតឡើងនៅលើផ្លូវ៦០ម៉ែត្រ នៅក្នុងខណ្ឌមានជ័យ រាជធានីភ្នំពេញ។សុំវិញ្ញាណក្ខន្ធរបស់ពូទៅកាន់សុខគតិភពអូ
សូមរំលឹកថា តារាកំប្លែងនាយស្មាញ ធ្លាប់មានជំងឺដុះសាច់ក្នុងប្លោកនោមជាច្រើនឆ្នាំនោះ ពេលនេះជំងឺវិវឌ្ឍទៅជាមហារីក ដែលទាមទារឲ្យមានការវះកាត់មួយជាចាំបាច់ ។
កាលពីពេល ថ្មីៗកន្លងមកបើយោងតាមការប្រកាសពីផេកហ្វេសប៊ុករបស់កម្មវិធីសំណើចចុងសប្តាហ៍ដែលមានវត្តមាននាយស្មាញ សម្តែងដែរនោះឲ្យដឹងថា តារាកំប្លែងរូបនេះកំពុងទទួលរងនូវជំងឺដ៏កាចសាហាវ ។ នាយស្មាញ ដែលបានសម្ងំព្យាបាលជំងឺរបស់ខ្លួនរហូតដល់រកប្រាក់ទប់ទល់លែងបានជាច្រើនខែមកហើយ តែមកដល់ពេលនេះជំងឺនោមធ្លាក់ឈាមរបស់គាត់នឹងអាចវិវឌ្ឍទៅជាជំងឺមហារីកដែលតម្រូវឲ្យវះកាត់ជាបន្ទាន់ ហើយនឹងត្រូវចំណាយប្រាក់ពី៥ពាន់ទៅ៦ពាន់ដុល្លារទើបអាចវះកាត់បាន។
កម្មវិធីសំណើចចុងសប្តាហ៍របស់ស្ថានីយទូរទស្សន៍បាយ័នដែលមាននាយ ក្រឹម ជាអ្នកដឹកនាំបានសម្តែងការព្រួយបារម្ភ ហើយស្ទើរមិនចង់ជឿ ខណៈពេលនៅចុងឆ្នាំ២០១៨ដើមឆ្នាំ២០១៩នេះតារាកំប្លែងជើងចាស់ដែលធ្លាប់ចូលរួមសម្តែងក្នុងកម្មវិធីសំណើចចុងសប្តាហ៍ចំនួន៣នាក់កំពុងទទួលរងនូវជំងឺដ៏កាចសាហាវ ក្នុងនោះមាននាយស្មាញ នាយក្តឹប និងនាយសានម៉ៅដែលបាន និងកំពុងសម្រាកព្យាបាលនៅប្រទេសថៃ ។
ជាការកត់សម្គាល់កន្លងមកតារាកំប្លែងវ័យជាង៧០ឆ្នាំនាយស្មាញ កន្លងមកក៏បានពើបប្រទះនូវជំងឺសួតដ៏ធ្ងន់ដែលបណ្តាលឲ្យលោកក្អកធ្លាក់ឈាម និងត្រូវគ្រួសារបញ្ជូនមកសម្រាកព្យាបាលនៅមន្ទីរពេទ្យ ។ បន្ទាប់ពីជំងឺនេះបានធូរស្រាលបន្តិចនោះ តារាកំប្លែងរូបនេះក៏បានពើបប្រទះជំងឺដុះសាច់ក្នុងប្លោកនោម ដែលបណ្តាលឲ្យលោកធ្លាក់ឈាមពេលបត់ជើងតូចម្តងៗ ។
តារាកំប្លែងរូបនេះធ្លាប់បានអះអាងប្រាប់កោះសន្តិភាពថា ក្រុមគ្រូពេទ្យបានពន្យល់ប្រាប់លោកឲ្យវះកាត់ ប៉ុន្តែដោយសារតែលោកនៅតែមានការភ័យខ្លាចទើបមិនហ៊ានសម្រេចចិត្ត។ ដោយសារតែភាពភ័យខ្លាចនេះបានធ្វើឲ្យលោកសម្រេចវិលទៅសម្រាលព្យាបាលនៅផ្ទះវិញ ដោយសារព្យាយាមបន្តការព្យាបាលដោយសារថ្នាំពេទ្យខ្លះ និងថ្នាំបុរាណខ្មែរខ្លះ ។
នាយស្មាញនៅចាំថា គាត់ធ្លាប់មានជំងឺបែបនេះម្តងដែរកាលពីជំនាន់ប៉ុល ពត ក្នុងពេលកំពុងតែរែកដី ហើយដួលបុកជាមួយនឹងដងរែក ក៏ធ្លាក់ឈាមតាមមាត់ ប៉ុន្តែអាការនោះមិនបានរើឡើងទៀតឡើយ ទើបតែពេលនេះប៉ុណ្ណោះ ។
ស្ថិតក្នុងស្ថានភាពដ៏លំបាកតារាកំប្លែងដែលមានដើមកំណើតពីស្រុកបាទី ខេត្តតាកែវ រូបនេះបានលើកដៃសូមការសន្តោសប្រណីពីសប្បុរសជនគ្រប់មជ្ឈដ្ឋាន ឱ្យជួយដល់រូបគាត់ផង ដ្បិតការព្យាបាលអាការជំងឺរបស់គាត់ត្រូវប្រើប្រាស់ប្រាក់ច្រើន ៕
