លោកស័ក្តិ ៥ យឹម សារ៉ាន់ នៅរសៀលថ្ងៃទី២៨ ខែធ្នូ ឆ្នាំ២០១៩ នេះ ហាក់ដូចជាសម្តែងការហួសចិត្ត ដោយសារតែលោកមិនបានដឹងខ្លួនថា លោកត្រូវបានគេផ្ទេរចេញពីអធិការនគរបាលខណ្ឌពោធិ៍សែនជ័យ ក្នុងរាជធានីភ្នំពេញ ទៅធ្វើជាអនុប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ។
នៅរសៀលថ្ងៃទី២៨ ខែធ្នូ ឆ្នាំ២០១៩ នេះ មានការផ្សព្វផ្សាយនូវលិខិតរបស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលមិនបានចុះថ្ងៃទី២៧ ខែធ្នូ ឆ្នាំ២០ ( ឆ្នាំសរសេរមិនពេញលេញ ) ដោយសម្រេចផ្ទេរលោកវរសេនីយ៍ឯក យឹម សារ៉ាន់ ពីអធិការនគរបាលខណ្ឌដង្កោ ទៅជាអនុប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ។
ចំណែកលោកវរសេនីយ៍ត្រី ម៉ន វុធី អធិការរងខណ្ឌពោធិ៍សែនជ័យ ត្រូវបានដំឡើងឋានន្តរស័ក្តិថ្នាក់ វរសេនីយ៍ទោ និងតែងតាំងជាអធិការនគរបាលខណ្ឌពោធិ៍សែនជ័យ ជំនួសលោក យឹម សារ៉ាន់៕
អត្ថបទ៖ swiftnews
