បន្ទាប់ពីមានប្រតិកម្មខ្លាំងរហូតផ្ទុះការតវ៉ា ពីសំណាក់លោកគ្រូអ្នកគ្រូ នាំគ្នាផ្ដិតមេដៃចំនួន៣៨នាក់ ។ប្ដឹងទៅអាជ្ញាធរនិង មន្ទីរពាក់ព័ន្ធ ប្រឆាំងដាច់ខាតចំពោះការតែងតាំង ។នាយករងវិទ្យាល័យ១រូប នៅវិទ្យាល័យ ហ៊ុនសែនស្វាយអន្ទរ ភូមិពោធិ៍ចិន្ដាំ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង នោះមក! ។
ស្រាប់តែមន្ទីរអប់រំថា៖ ការតែងតាំងនោះតាមសំណើរលោកអភិបាលស្រុកស្វាយអន្ទរ។រីឯលោក ប៉ិច សុង អភិបាលស្រុកស្វាយអន្ទរថា៖ការតែងតាំងនោះត្រឹមត្រូវហើយ។
ជាមួយគ្នានោះកាលពីរសៀលថ្ងៃទី២៧,១២,២០១៩នៅក្នុងកិច្ចប្រជុំនៃសាលា ។លោកនាយកវិទ្យាល័យហ៊ុនសែនស្វាយអន្ទរ បានបង្ហើរសារព្រមានថា៖ បើគេដូរលោក ស្រេង លីណា ចេញពីនាយករង អ្នកតវ៉ាក៍ប្រឈមនិងដូរដូចគ្នា,,,។លោក ស្រេង លីណា ត្រូវបានប្រកាសតែងតាំងជានាយករងវិទ្យាល័យហ៊ុនសែន ស្វាយអន្ទរ ជាមួយលោក ណយ ឃាង កាលពីថ្ងៃទី១០,១០,២០១៩។
ក្រោយតែងតាំងភ្លាមៗ លោកគ្រូអ្នកគ្រូនៅវិទ្យាល័យ ហ៊ុនសែនស្វាយអន្ទរ ចំនួន៣៨នាក់ ។
បានចេញមុខផ្ដិតមេដៃប្រឆាំងដាច់ខាតមិនទទួលយកការតែងតាំង នឹងស្នើឲ្យថ្នាក់លើត្រូវតែដក លោក ស្រេង លីណា ចេញពីនាយករងនៃវិទ្យាល័យដោយគ្មានលក្ខណ្ឌ។ដោយមូលហេតុថា៖ ការតែងតាំងនោះខុសប្រក្រតី សង្ស័យតាមបក្ខពួក តាមទឹកលុយ តាមខ្សែរស្រឡាយ ស្ងាត់ៗធ្លាក់ឈ្មោះមកពីលើមេឃប្រកាសតែម្ដង។ពោលគឺ!លោក ស្រេង លីណា ពីមុនមកជាគ្រូកម្រិតមូលដ្ឋានធម្មតា មិនមែនជាប្រធាន ឬអនុប្រធានបច្ចេកទេស លេខាទីចាត់ការអ្វីទេ។តែបែរជាស្ងាត់ៗជាប់ឈ្មោះមកជានាយករងវិទ្យាល័យទៅវិញ? ធ្វើឲ្យប្រធាន អនុប្រធាន គណៈកម្មការលេខា បុគ្គលិកទីចាត់ការនឹងលោកគ្រូអ្នកគ្រូមួយចំនួន បាក់ទឹកចិត្តប៉ះពាល់អារម្មណ៍ពួកគាត់ជាខ្លាំង! ។
ការប្រកាសនោះធ្វើឲ្យលោកគ្រូ អ្នកគ្រូនៅក្នុងវិទ្យាល័យទាំងអស់ មានការភ្ញាក់ផ្អើល ស្លន់ស្លោរ ជំទាស់មិនទទួលយក។
រហូតផ្ទុះការតវ៉ា លោកគ្រូអ្នកគ្រូចំនួន៣៨នាក់ ក្នុងចំណោមគ្រូទាំងទាំង៦៩នាក់ ។នៅវិទ្យាល័យហ៊ុនសែនស្វាយអន្ទរ បានផ្ដិតមេដៃប្ដឹងទៅអាជ្ញាធរស្រុកស្វាយអន្ទរ ឲ្យដកឈ្មោះ ស្រេង លីណា ចេញពីនាយករងវិទ្យាល័យ ដោយគ្មានលក្ខណ្ឌ។
ទោះជាយ៉ាងណា!លោក ប៉ាវ សុធី ប្រធានមន្ទីរអប់រំយុវជននិងកីឡាខេត្តព្រៃវែង ថ្លែងប្រាប់ ដើមរាំង កាលពីថ្ងៃទី២៣,១២, ២០១៩ថា៖ រឿងនេះលោកកំពុងរកវិធីដោះស្រាយឲ្យស្មើភាពគ្នាទាំងសងខាង។លោកបន្តថា៖ ការតែងតាំងនោះតាមសំណើរលោកអភិបាលស្រុកស្វាយអន្ទរ។
ចំណែកលោក ប៉ិច សុង អភិបាលស្រុកស្វាយអន្ទរ កាលពីល្ងាចថ្ងៃទី២៧,១២,២០១៩បានអះអាងថា៖ការតែងតាំងលោក ស្រេង លីណា ជានាយករងវិទ្យាល័យ គឺត្រឹមត្រូវ ព្រោះខាងការិយាល័យអប់រំ អ្នកជ្រើសរើស។លោក ប៉ិចសុង បន្តថាទោះបីលោក ស្រេងលីណា អតីតជាគ្រូកម្រិតមធ្យមក៍ដោយប៉ុន្តែនាយករងអាចឡើងបាន មិនមែននាយកទេ!។ហើយមុនបញ្ជូនឈ្មោះទៅខេត្ត លោកបានទុកពេល៣ខែសម្រាប់ ជំទាស់។
រីឯលោក នន់ សារ៉ុន ប្រធានការិយាល័យអប់រំយុវជននិងកីឡា ស្រុកស្វាយអន្ទរ ដើមរាំង មិនអាចសុំការបំភ្លឺបានទេព្រោះទូរស័ព្ទលោកជាប់រវល់រហូត។
ទោះជាយ៉ាងណាក្ដី!លោកគ្រូអ្នកគ្រូបញ្ជាក់ថា៖ ការតែងតាំងលោក ស្រេង លីណា ជានាយករងនោះ គឺខុសទាំងស្រុង។
ព្រោះពុំមានការជ្រើសរើសបេក្ខភាពពីគណៈកម្មការសាលា ។ផ្លោះតួនាទី នឹងពុំបានជូនដំណឹងមកលោកគ្រូអ្នកគ្រូ ឲ្យដឹងមុនបញ្ជូនឈ្មោះទៅខេត្ត។គ្រូៗថា៖ កុំថាឡើយទុកឈ្មោះ៣ខែ ទោះទុក១ឆ្នាំក៍គ្មានអ្នកជំទាស់ដែរ ព្រោះទុកស្ងាត់ៗ មិនបានជូនដំណឹងមកសាលាទេ។ លុះពេលធ្លាក់ឈ្មោះ មកប្រកាសតែម្ដងទើបមានប្រតិកម្ម៕
អត្ថបទ៖ ដើមរាំង
