កាលពី ថ្ងៃទី២៧ ខែធ្នូ ឆ្នាំ២០១៩ ពីរនាក់ប្ដីប្រពន្ធបានបើករថយន្តមួយគ្រឿងទៅឈប់មុខហាងលក់អគ្គិសនី ហើយក៏ដើរចូលទៅក្នុងហាងបាត់ ខណៈពេលនោះជនសង្ស័យជាជនជាតិចិនចំនួន ៣នាក់បានមកធ្វើសកម្មភាពលួចបើកទ្វាររថយន្តយកកាបូបលុយបាត់អស់ចំនួន១ម៉ឺនដុល្លារ ត្រូវកម្លាំងនគរបាលប៉ុស្ដិ៍កាកាបទី២ រួមនិងជនរងគ្រោះប្រទះឃើញ ចាប់ឃាត់ខ្លួនបាន២នាក់ ត្រង់ចំណុចមុខផ្ទះលេខ3H ហាងលក់អគ្គិសនី តាមបណ្តោយផ្លូវសហព័ន្ធរុស្សី ស្ថិតនៅក្នុងភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ។
ជនសង្ស័យទី.១ មានឈ្មោះ XU LINHUA អាយុ៣១ឆ្នាំ ជនជាតិចិន មុខរបរ មិនពិតប្រាកដ។ ជនសង្ស័យទី.២ មានឈ្មោះ LI JIANFEN អាយុ ៣៥ឆ្នាំ ជនជាតិចិន មុខរបរមិនពិតប្រាកដ ស្នាក់នៅជិតកន្លែងកើតហេតុ ។
ជនរងគ្រោះមានឈ្មោះ អែង លាង ភេទស្រី អាយុ២៩ឆ្នាំ ជនជាតិខ្មែរ មុខរបរលក់អគ្គិសនី រស់នៅផ្ទះលេខ3H ផ្លូវសហព័ន្ធរុស្សី ភូមិក្បាលដំរី២ សង្កាត់កាកាបទី២ ខណ្ឌពោធិ៍សែនជ័យ។
ដំបូងឡើយគាត់ពីរនាក់ប្ដីប្រពន្ធ រួមទាំងកម្មករម្នាក់បានបើករថយន្តម៉ាក TUNDRA ពណ៌ស ពាក់ស្លាកលេខភ្នំពេញ2AV.6839 មកឈប់នៅមុខ ផ្ទះលេខ3H ហាងអគ្គិសនី ហើយក៏ចូលទៅក្នុងហាងលក់អគ្គិសនីមួយសន្ធុះក្រោយមកស្រាប់តែមានជនសង្ស័យជាជនជាតិចិនចំនួន ៣ នាក់បានធ្វើសកម្មភាព មកលួចបើកទ្វារ រថយន្តចូលបើកប្រអប់យកការបូបដែល
មានលុយចំនួន១ម៉ឺនដុល្លារ ហើយគេចខ្លួនបាត់ស្រមោលក្រោយមករូបគាត់ក៏បានឆែកកាមេរ៉ាមើលភិនភាគរបស់ជនសង្ស័យហើយក៏បានរាយការណ៍ប្រាប់សមត្ថកិច្ចប៉ុស្តិ៏កាកាបទី២ដើម្បីកំណត់មុខសញ្ញាតាមចាប់ស្រាបតែនៅថ្ងៃសៅរ៏ ទី២៨ ខែធ្នូ ឆ្នាំ ២០១៩ នៅវេលាម៉ោង ៧និង១០នាទីយប់ ស្រាប់តែឃើញជនសង្ស័យដើរនិយាយទូរស័ព្ទនៅក្បែរកន្លែង កើតហេតុក៏រាយការណ៍ប្រាប់ សមត្ថកិច្ចប៉ុស្តិ៍នគរបាលរដ្ឋបាលកាកាបទី ២ បានចំនួន ២នាក់ដើម្បីយកមកសួរនាំ រួចធ្វើកំណត់ហេតុបញ្ជូនបន្តទៅផ្នែកជំនាញនៃអធិការដ្ឋានខណ្ឌពោធិសែនជ័យតាមនិតិវិធី៕
អត្ថបទ៖ អរិយធម៌
