លោកសួន បវរ អតីតអភិបាលខេត្តបន្ទាយមានជ័យ ដែលត្រូវបានរាជរដ្ឋាភិបាល ផ្លាស់ប្ដូរមុខតំណែងកាលពីពេលថ្មីៗនេះ ត្រូវបានព្រះមហាក្សត្រ ត្រាស់បង្គាប់ ជាអនុរដ្ឋលេខាធិការ ក្រសួងការពារជាតិ។ នេះបើយោងតាមលិខិតតែងតាំងដែលទើបទទួលបាននៅរសៀលថ្ងៃនេះ។អូ
យោងតាមលិខិតបញ្ជាក់ថាតែងតាំងមុខតំណែង នាយទាហាន ថ្នាក់ឧត្តមសេនីយ៍ នៃកងយោធពលខេមរភូមិន្ទ ដល់ ឧត្តមសេន៍យ៍ឯកសួន បវរ អត្តលេខ ០០៣០២០ ជា អនុរដ្ឋលេខាធិការ ក្រសួងការពារជាតិ។សូមរម្លឹកថាលោកសួន បវរ ត្រូវបានប្ដូរតំណែងចេញពីអភិបាលខេត្តបន្ទាយមានជ័យ បន្ទាប់ពីមានការបែកធ្លាយរឿងអាស្រូវពាក់ព័ន្ធ និងស្រីស្នេហ៍ ហើយមានការបង្ហោះចែកចាយតាមប្រព័ន្ធហ្វេសប៊ុក។
សូមរំលឹកថា កន្លងទៅករណីស្រ្ដីវ័យ៤១ឆ្នាំមានរូបស្រស់សោភាម្នាក់នៅខេត្តកំពង់ចាមមានស្នាមស្នេហ៍ជាមួយលោកសួន បវរ អភិបាលខេត្តបន្ទាយមានជ័យជាង៥ឆ្នាំមកហើយនោះ ពេលដែលនាងសរសេរក្នុងខុមមិន
ផេករបស់សម្ដេចតេជោនាយករដ្ឋមន្ដ្រីឲ្យជួយអន្តរាគមន៍រឿងលោកសួន បវរ បានសុីចុកជាមួយនាងអស់រយៈពេល៥ឆ្នាំហើយបែរជាចង់ទាត់ចោលនោះ ធ្វើឲ្យរឿងនេះបែកធ្លាយស្ទើរគ្រប់ទិសទី ហើយក្រោយលោកសួន បវរបានទទួលស្គាល់ការពិត ថាលោកពិតជាធ្លាប់មានស្រីកំណាន់ដូចការលើកឡើងរបស់នាងនោះមែន ។
លោកសួ បវរ បានប្រាប់អ្នកព័ត៌មានថាមូលហេតុដែលលោកនិយាយបែបនេះដោយសារនាងនោះឧស្សាហ៍ទៅរំខានលោកពេករកតែធ្វើការអីមិនកើតសោះ ទើប លោក ឆ្លើយ ថាបើពិបាកពេកសុំផ្ដាច់ការទាក់ទងគ្នាទៅ ព្រោះរវល់តែតេរកធ្វើការអីមិនកើតសោះ ។
គួបញ្ជាក់ថាស្ត្រីវ័យ៤១ឆ្នាំម្នាក់នេះ អះអាងតាមរយៈAccount facebookឈ្មោះ( So Phy) ថាលោក សួន បវរ អភិបាលខេត្តបន្ទាយមានជ័យយកគាត់ជាគូរស្នេហ៍ អស់រយៈ៥ឆ្នាំហើយ ឥឡូវលោកអភិបាលខេត្តរូបនោះបានឲ្យគាត់ឈប់ទាក់ទងទៅលោកទៀតហើយ រកចាប់គាត់ដាក់គុកទៀតផង ។
ស្ត្រីដែលជាស្រីកំណាន់ចិត្តរបស់លោក សួន បវរ មាន អាយុ៤១ឆ្នាំ រស់នៅខេត្តកំពង់ចាម បានឲ្យសារព័ត៌មាននិងគេហទំព័រក្នុងស្រុកដឹងថា គាត់និងលោកសួន បវរ បានស្គាល់គ្នាចាប់តាំងពីឆ្នាំ២០១៣មកម្ល៉េះ តែមិនសូវជិតស្និទនោះទេ រហូតដល់ថ្ងៃទី៨ ខែមីនា ឆ្នាំ២០១៥ គាត់និងលោកសួន បវរ បានរស់នៅជាមួយគ្នាដូចជាប្តីប្រពន្ធអីចឹង ។
ស្ត្រីរូបនេះបានបញ្ជាក់ទៀតថា លោកសួន បវរ បានផ្តល់ថវិកាក្នុងមួយខែប្រហែល ៥០០$(ប្រាំរយដុល្លារ) សម្រាប់ចាយវាយប្រចាំថ្ងៃ និងបង់ថ្លៃផ្ទះ។ គាត់តែងតែមកជួបគ្នានៅភ្នំពេញ នៅពេលដែលោកអភិបាលខេត្តបន្ទាយមានជ័យរូបនេះមានធុរឡើងមកភ្នំពេញម្ដងៗ តែងតែអោយគាត់ឡើងមកដែរ។
ពាក់ព័ន្ធនឹងការលើកឡើងនេះ លោក សួន បវរ អភិបាលខេត្តបន្ទាយមានជ័យបានបានប្រាប់ការពិតថាលោកមិនលាក់លៀមអីទេមូលហេតុដែលលោកនិយាយបែបនេះទៅកាន់នាងនៅថ្ងៃទី១៧មេសា ឆ្នាំ២០១៩ នោះ ដោយសារនាងស្រីស្នេហ៍របស់លោក គាត់បានខលមកច្រើនដងពេកនិងរំខានការងារ
ទើបលោកប្រាប់ឈប់ខលមកទៀតទៅ ដោយសារតែលោករវល់ការងារ និងត្រូវ គិតគូការងារសំខាន់ៗនៅថ្ងៃទី២២ ខាងមុខនេះ ទើបកើតចេញជារឿងនេះឡើង។ គេមិនទាន់ដឹងថារឿងនេះវាត្រូបញ្ចប់ត្រឹមលោកទទួលស្គាល់ការពិតបែបនេះឬយ៉ាងណានោះទេ មហាជនបាននឹងកំពុងរងចាំមើលដំណើរវិវត្តន៍នៃសាច់រឿងនេះជាបន្ដទៀត ៕
