ចាប់ពីថ្ងៃទី៣១ ខែធ្នូ ឆ្នាំ២០១៩ តទៅ សណ្ឋាគារ The Great Duke Phnom Penh ឬគេនិយមហៅថា អ៊ីធើខន InterContinental នឹងត្រូវបិទដំណើរការ រំសាយបុគ្គលិកទាំងអស់។
យោងតាមសេចក្តីជូនដំណឹងមួយរបស់អ្នកគ្រប់គ្រងសណ្ឋាគារ The Great Duke បានចេញកាលពី១០ថ្ងៃមុន អោយបុគ្គលិកទាំងអស់ ជ្រាបថា «អាស្រ័យដោយមូលហេតុសេដ្ឋកិច្ច ចាប់ពីថ្ងៃជូនដំណឹងខាងលើនេះតទៅ បុគ្គលិកទាំងអស់ត្រូវបានស្នើឲ្យសម្រាក មិនបាច់មកធ្វើការទេ ។ ម្យ៉ាងវិញទៀត សណ្ឋាគារ នឹងគិតគូរដោះស្រាយជូនពីអត្ថប្រយោជន៍របស់បុគ្គលិកទាំងអស់តាមច្បាប់ការងារ» ។
សូមជម្រាបថា កាលពីខែកុម្ភៈ ឆ្នាំ២០១៨ កន្លងទៅ សណ្ឋាគារ InterContinental ឬគេនិយមហៅថា អ៊ីធើខន បានផ្ដល់សិទ្ធិគ្រប់គ្រងទៅឲ្យក្រុមហ៊ុនថ្មី គឺ Regency Company Limited ដែលមានមូលដ្ឋាននៅចក្រភពអង់គ្លេស ជំនួសវិញ ដោយបានប្តូរឈ្មោះសណ្ឋាគារនេះទៅជា The Great Duke Phnom Penh បន្ទាប់ពីសណ្ឋាគារដ៏មានវ័យចំណាស់ជាងគេមួយនេះ បានបើកដំណើរការជាង២០ឆ្នាំ នៅកម្ពុជា ៕
អត្ថបទ៖ KBN
