ស្ពានអាកាសឆ្លងកាត់ផ្លូវជាតិលេខ៤ ចន្លោះគីឡូម៉ែត្រលេខ៤៧និង៤៨ ឆ្លងពីភូមិពាណិជ្ជកម្មមកភូមិក្រាំងពលទេពសង្កាត់រកាធំក្រុងច្បារមនខេត្តកំពង់ស្ពឺ បានសម្ពោធដាក់ឱ្យប្រើប្រាស់ជាផ្លូវការហើយកាលពីប៉ុន្មានថ្ងៃមុននេះ ។
ស្ពានអាកាសនេះចំណាយថវិកាសរុបប្រមាណ ៤០ម៉ឺនដុល្លារ ជាការចំណាយរបស់លោកស្រីសៀង ចាន់ហេង អគ្គនាយិកាក្រុមហ៊ុនហេងអភិវឌ្ឃន៍ ព្រមទាំងសប្បុសជនក្នុងខេត្តកំពង់ស្ពី ។
ស្ពានអាកាសដែលកសាងសម្រាប់ឱ្យប្រជាពលធ្វើដំណើឆ្លងកាត់ថ្មើរជើងចូលផ្សារកំពង់ស្ពឺមានកម្ពស់៥.២០ទទឹង៣ និងបណ្តោយ៣០ម៉ែត្រ ។
យ៉ាងណាក្ដីបន្ទាប់ទទួលបានព័ត៌មានថា ស្ពានអាកាសថ្មើជើងមួយនេះចំណាយថវិកាអស់ជិតកន្លះលានដុល្លារ បានធ្វើឱ្យប្រជាជនខ្មែរមានការងឿងឆ្ងល់ជាខ្លាំង ។ ក្នុងមតិភាគច្រើននៅតែដាក់ជាសំណួរថា តើការចំណាយលើការសាងសង់ត្រូវប្រើវត្ថុធាតុដើមអ្វីខ្លះ? ហេតុអ្វីបានជាទំហំស្ពាន រចនាបថ មិនស័ក្ដិសមជាមួយនឹងទំហំចំណាយ?
រហូតមកដល់ពេលនេះនៅតែមានមតិជាច្រើនលើកឡើងមិនចេះចប់ រហូតមានអ្នកខ្លះបានប្រៀបធៀបទៅនឹងការចំណាយស្ពានអាកាសថ្មើជើងនៅប្រទេសថៃអស់ត្រឹមតែ ៥ម៉ឺនដុល្លារប៉ុណ្ណោះ តែហេតុអីបានជានៅកម្ពុជាអស់រហូតដល់ ៤០ម៉ឺនដុល្លារ?
អត្ថបទ៖ ប្រជាប្រិយ
