គិតត្រឹមចុងឆ្នាំ ២០១៩ នៅថ្ងៃទី ៣១ ធ្នូ និង ឈានចូលមកដល់ដើមឆ្នាំ ២០២០ នេះ មានសណ្ឋាគារធំៗ និងកន្លែងកម្សាន្ត ព្រមទាំងភោជនីយធំៗមួយចំនួននៅក្នុងក្រុងសៀមរាបបានប្រកាសផ្អាកអាជីវកម្មរបស់ខ្លួន ដែលបណ្ដាលមកពីការធ្លាក់ចុះចំនួនភ្ញៀវទេសចរ ។ ក្នុងនោះដែរសណ្ឋគារលំដាប់ផ្កាយ ២ និងកន្លែងកម្សាន្តដ៏ធំមួយ ត្រូវម្ចាស់ភាគហ៊ុនសម្រេចបិទជាបន្ទាន់នាំឱ្យមានការចាប់អារម្មណ៍ ព្រមទាំងការព្រួយបារម្ភផងដែរ ។
១. សណ្ឋាគារ The Great Duke Hotelមហាជននៅតែបង្ហាញអារម្មណ៍សោកស្ដាយមិនអស់ចិត្ត ក្រោយទទួលបានដំណឹងមកថា សណ្ឋាគារដ៏ចំណាស់ជាងគេនៅភ្នំពេញ ធ្លាប់មានកេរឈ្មោះយ៉ាងល្បីល្បាញ ដែលប្រជាជនខ្មែរស្គាល់យ៉ាងច្បាស់ថា InterContinental Phnom Penh បានប្រកាសឈប់ដំណើរការនៅថ្ងៃទី ៣១ ធ្នូ ២០១៩ កន្លងទៅនេះ ។ ពាក់ព័ន្ធនឹងការផ្អាកអាជីវកម្មនៃសណ្ឋាគារនេះដែរ ត្រូវបានថ្នាក់គ្រប់គ្រងចេញសេចក្ដីប្រកាសថា បណ្ដាលមកពីបញ្ហាសេដ្ឋកិច្ច ដែលសំដៅទៅលើការក្ស័យធន ។
២. សណ្ឋាគារអប្សរាអង្គរមានការភ្ញាក់ផ្អើលមួយទៀតបន្ទាប់ពីការប្រកាសបិទសណ្ឋគារ The Great Duke Hotel ស្រាប់តែថ្នាក់គ្រប់គ្រងនៃសណ្ឋាគារអប្សរាអង្គរ បានប្រកាសនៅលើបណ្ដាញសង្គមហ្វេសប៊ុកថា សណ្ឋាគារអប្សរាអង្គរ ត្រូវផ្អាកដំណើរការជាបន្ទាន់ ។
សណ្ឋាគារអប្សរាអង្គរ បានបម្រើវិស័យទេសចរណ៍នៅក្រុងសៀមរាបអស់រយៈពេលជាង ១៨ឆ្នាំមកហើយ ។ តាមរយៈការផ្ដល់ជូននៅកន្លែងស្នាក់នៅដ៏ប្រណីត រួមទាំងសេវាកម្មយ៉ាងល្អប្រសើរ បានធ្វើឱ្យសណ្ឋាគារមួយនេះ មានកេរឈ្មោះល្បីល្បាញ និងលើកស្ទួយវិស័យទេសចរណ៍នៅកម្ពុជាឱ្យកាន់តែមានភាពខ្ទរខ្ទារឡើង ។ ក្នុងនោះដែរសណ្ឋាគារអប្សរាអង្គរ ធ្លាប់បានទទួលពានរង្វាន់ជាច្រើនដូចជា៖ ASEAN Green Hotel Standard ចំនួន២លើក និងជាសណ្ឋាគារឆ្នើមទទួលពានរង្វាន់ សណ្ឋាគារគ្មានផ្សែងបារី ។យ៉ាងណាក្ដីពិតជាគួរឱ្យសោកស្ដាយខ្លាំងណាស់ដែលសណ្ឋាគារមួយនេះ ត្រូវផ្អាកដំណើរការចាប់ពីថ្ងៃទី០១ ខែមករា ២០២០ នេះតទៅ ។
៣. សារមន្ទីរ 3D ដំបូងបង្អស់នៅកម្ពុជាសារមន្ទីរ 3D ឬ សារមន្ទីរសព្វទស្សន៍អង្គរ ដែលវិនិយោគដោយក្រុមហ៊ុនរបស់កូរ៉េខាងជើង មានតម្លៃ ២៤លានដុល្លារអាមេរិក នៅខេត្តសៀមរាបបានប្រកាសបិទទ្វារជាផ្លូវការ ។ ទាក់ទងនឹងការផ្អាកដំណើរការយ៉ាងបន្ទាន់នេះដែរ ត្រូវបានថ្នាក់គ្រប់គ្រងនៃសារមន្ទីរមួយនេះទម្លាយថាបណ្ដាលមកពីម្ចាស់ភាគហ៊ុនទទួលរងការដាក់ទ័ណ្ឌកម្មពីសំណាក់អង្គការសហប្រជាជាតិ ។
សារមន្ទីរ 3D មួយនេះបានសម្ពោធជាផ្លូវការ កាលពីថ្ងៃទី៤ ខែធ្នូ ឆ្នាំ ២០១៥ ក្រោមការរសាងសង់របស់ក្រុមហ៊ុន កូរ៉េខាងជើង និងមានការចូលរួមពីអាជ្ញាធរអប្សរា ។ សារមន្ទីរ 3D ដំបូងបង្អស់នៅប្រទេសកម្ពុជានេះ មានបំពាក់គ្រឿងបរិក្ខាទំនើបៗដែលអាចបង្ហាញអំពីប្រវត្តិនៃប្រាសាទបុរាណ និងប្រវត្តិនៃព្រះមហាក្សត្រខ្មែរតាមជំនាន់នីមួយៗ តាមរយៈរូបភាព និងវីដេអូជាប្រភេទ 3D ។ ក្នុងនោះដែរ ភ្ញៀវទេសចរជាតិ និងអន្តរជាតិ អាចចូលទស្សនា ដើម្បីចង់ស្វែងយល់ពីវប្បធម៌ និងអច្ឆរិយរបស់ខ្មែរ ។នេះពិតជារឿងគួរឱ្យសោកស្ដាយ ដែលសណ្ឋាគារធំៗ រួមទាំងសារមន្ទីរដ៏សំខាន់មួយនេះត្រូវបានបិទទ្វារ ដែលបណ្ដាលមកពីកត្តាសេដ្ឋកិច្ច ៕
អត្ថបទ៖ ប្រជាប្រិយ
