រដ្ឋមន្ដ្រីក្រសួងសុខាភិបាល លោកម៉ម ប៊ុនហេង បានប្រកាសចាត់វិធានការយ៉ាងតឹងរ៉ឹងបំផុតទៅលើម្ចាស់គ្លីនិក «យឹម ផល្លា» នៅក្រុងកំពង់ឆ្នាំង បើសិនជារកឃើញថា មានកំហុសក្នុងការសម្រាលស្ដ្រីម្នាក់នាំឲ្យស្លា ប់ទាំ ងម្តាយ និងកូន កាលពីយប់មិញ។
លោករដ្ឋមន្រ្តី ម៉ម ប៊ុនហេង បានប្រាប់អ្នកសែត នៅរសៀលថ្ងៃទី០៣ ខែមករា ឆ្នាំ២០២០ នេះថា លោកបានចាត់មន្ដ្រីអធិការកិច្ច ដោយសហការជាមួយ និងអភិបាលខេត្ត និងមន្ដ្រីសមត្ថកិច្ច ក្នុងខេត្តកំពង់ឆ្នាំង ចុះត្រួតពិនិត្យ និងស៊ើបអង្កេតដល់ទីតាំងគ្លីនិកកើតហេតុ។ ប្រសិនបើរកឃើញថា ម្ចាស់គ្លីនិក ពិតជាបានបង្កើតឲ្យមានកំហុស រហូតបណ្ដាលឲ្យស្ដ្រីជាម្ដាយ និងកូនបានស្លាប់ នឹងត្រូវចាត់វិធានការឲ្យបានម៉ឺងម៉ាត់។
សូមបញ្ជាក់ថា កាលពីវេលាម៉ោង៩យប់ ថ្ងៃទី០២ ខែមករា ឆ្នាំ២០២០ នៅផ្ទះពេទ្យឯកជនបន្ទប់ថែទាំអ្នកជំងឺឈ្មោះ យឹម ផល្លា ស្ថិតនៅខាងជើងផ្សារលើ ក្នុងភូមិផ្សារលើ សង្កាត់ផ្សារឆ្នាំង ក្រុងកំពង់ឆ្នាំង បានសម្រាលកូនឲ្យស្រ្តីពោះធំម្នាក់ តែអ កុសល បានស្លា ប់ទាំងម្តាយ និងកូន។
ស្រ្តីរ ង គ្រោះ ឈ្មោះទុយ ចរិយា អាយុ៣១ឆ្នាំ មុខរបរជាជាងកាត់ដេរសំលៀកបំពាក់ មានប្ដីលោកសេង គឹមហេង និងកូនស្រី ឈ្មោះ ហេង គឹមហួរ អាយុ៤ឆ្នាំ រស់នៅភូមិម៉ុងបារាំង សង្កាត់ប្អេរ ក្រុងកំពុងឆ្នាំង ខេត្តកំពង់ឆ្នាំង ។លោក សេង គឹមហេង ជាប្ដីស្ត្រីរ ង គ្រោះ បានរៀបរាប់ឲ្យដឹងថា ពេលកើតហេតុ ប្រពន្ធរបស់គាត់ ឈឺពោះគ្រប់ខែឆ្លងទន្លេ ។ ពេលនោះ គាត់បានជូនប្រពន្ធទៅពិនិត្យផ្ទៃពោះនៅបន្ទប់ថែទាំជំងឺឯកជនឈ្មោះ យឹម ផល្លា ។ ក្រោយពីអ្នកគ្រូពេទ្យ ឃឹម ផល្លា ធ្វើការពិនិត្យរួច ប្រាប់ថា ប្រពន្ធគាត់អាចសម្រាលនៅកន្លែងគាត់បាន គឺថ្លៃសេវាអស់តែមួយលានរៀលតែប៉ុណ្ណោះ។
ប្រភពបន្តថា ក្រោយពីប្រពន្ធគាត់សម្រាលរួច ស្រាប់តែមានអាការៈចេះតែខ្សោយទៅៗ ដោយសារតែធ្លា ក់ឈា មច្រើន ឃើញសភាពដូច្នេះ អ្នកគ្រូពេទ្យ ឃឹម ផល្លា បញ្ជូនប្រពន្ធគាត់ទៅមន្ទីរពេទ្យបង្អែកខេត្តកំពង់ឆ្នាំង តែគួរឲ្យស្តាយពេលបញ្ជូនមកដល់មន្ទីរពេទ្យបង្អែកខេត្ត ប្រពន្ធគាត់បានស្លា ប់ ទៅហើយ ។ បន្ទាប់មក គ្រូពេទ្យនៃមន្ទីរពេទ្យបង្អែកខេត្តកំពង់ឆ្នាំង ក៏បានរៀបចំបញ្ជូនស ពម្ដាយ និងកូនតាមរថយន្ដសាម៉ុយ មកកាន់លំនៅដ្ឋានគាត់វិញ ដោយមិនបានចេញជាលិខិតស្នាមអ្វីឡើយ។
ជុំវិញរឿនេះ លោក សូរិន្ទី រ៉ាវុឌ្ឍី ប្រធានមន្ទីរពេទ្យបង្អែកខេត្តកំពង់ឆ្នាំង បានថ្លែងប្រាប់អ្នកកាសែតថា នៅយប់មិញ មន្ទីរពេទ្យខេត្តបានទទួលអ្នកជំងឺសម្រាលកូនខាងលើនេះ ដែលមានអាការៈឡេះឡះខ្សោយខ្លាំងណាស់ទៅហើយ ព្រោះតែធ្លា ក់ឈាមច្រើនពេក ទើបក្រុមគ្រូពេទ្យជំនាញមិនអាចជួយ សង្គ្រោះ ជីវិ តនាងបាន៕
អត្ថបទ៖ kbn
