ពិតជាអាសូរដល់ក្មេងទាំងអស់នោះណាស់ ដែលកំពុងតែអង្គុយបត់ជើងស្ដាប់គ្រូពន្យល់មេរៀន ក្រោមដំបូលសាលាសង្ក័សី ដែលថ្នាក់រៀននោះគ្មានសូម្បីតែជញ្ជាំងសម្រាប់បាំងខ្យល់ ភ្លៀង ដោយសាលានេះមានទីតាំងស្ថិតនៅភូមិអូរស្លែវ សង្កាត់អូរតាវ៉ៅ ខេត្តប៉ៃលិន។
យ៉ាងណាមិញយោងតាមគណនីហ្វេសប៊ុករបស់ប្រុសម្នាក់ឈ្មោះ Chav Mearnup Keo Nimith បងប្រុសបានបង្ហោះរូបភាពរបស់ក្មេងកំពុងតែរៀនសូត្រ នឹងរូបភាពប៉ុន្មានសន្លឹកសិស្សឈរដោយកាន់បដាឈើមួយដោយភ្ជាប់ជាមួយពាក្យស្លោកថា “ខ្ញុំចង់បានសាលារៀនថ្មី” ហើយបងប្រុសបានភ្ជាប់ជាមួយសំណេរមួយចំនួនថា
“អាណិតណាស់សិស្សសាលាបឋមសិក្សាអូរស្លែវប្រមាណ40នាក់កំពុងតែខ្វះខាតសាលារៀនប្អូនៗតស៊ូរៀនទាំងក្ដៅទាំងរងានឹងមានកាភ័យខ្លាចពេលមានភ្លៀងម្ដងៗព្រោះសាលាអត់ជញ្ជះនឹងដំបូលរហែកសូមសប្បុរសជនជួយសម្រាច់បំណងពួកគាត់ផងដើម្បីឲ្យពួកគាត់បានមានចំណេះដឹងនឹងអនាគត់ល្អ សាលាស្ថិតនៅ ភូមិអូរស្លែវ សង្កាត់អូរតាវ៉ៅ ខេត្តប៉ៃលិន ។
