បុរសជាបុគ្គលិកកាស៊ីណូម្នាក់ បានរ ង រ បួ សធ្ង ន់ នៅក្នុងករណីគ្រោះ ថ្នា ក់ ចរាចរណ៍មួយ រវាងរថយន្តកុងតឺន័រពាក់ផ្លាក លេខវៀតណាមនិងម៉ូតូ ដែលហេតុការណ៍ខាងលើនេះបានកើតឡើងកាលពី វេលាម៉ោង ១៨និង៥០នាទី ព្រលប់ថ្ងៃទី០៦ ខែមករា ឆ្នាំ២០២០ នៅចន្លោះគីឡូម៉ែត្រលេខ១៦៤-១៦៥ ស្ថិតក្នុងភូមិបាវិតលើ សង្កាត់បាវិត ក្រុងបាវិត ខេត្តស្វាយរៀង។
សមត្ថកិច្ចបានឱ្យដឹងថាៈ មានករណីគ្រោះ ថ្នា ក់ ច រា ចរណ៍ មួយកើតឡើងរវាងរថយន្តកុងតឺន័រ និងម៉ូតូ ក្នុងទិសដៅស្របគ្នាពីលិចទៅកើត ។ រថយន្តកុងតឺន័រ០១គ្រឿងម៉ាកហ៊ីយ៉ាន់ដាយ ពណ៌ស ពាក់ផ្លាកលេខ51C-30924 បើកបរដោយឈ្មោះ ង្វៀង វ៉ាន់ទិនអែម ភេទប្រុស អាយុ២៧ឆ្នាំជនជាតិវៀតណាម មុខរបរបើកបររថយន្ត មានទីលំនៅភូមិតឹងឆិនអា ឃុំង៉ាណាំ ស្រុកង៉ាណាំ ខេត្តសុកចាំង
បើកបរទិសដៅពីលិចទៅកើត លុះមកដល់ចំណុចកើត ហេតុខាងលើ ក៏មានម៉ូតូ០១គ្រឿងម៉ាក វីស្តុន ពណ៌ក្រហម ពាក់ផ្លាកលេខ 84-K1 192.08 បើកបរដោយឈ្មោះ ឡុត ភារម្យ ភេទប្រុស អាយុ២៤ឆ្នាំជនជាតិខ្មែរ មុខរបរសន្តិសុខកាស៊ីណូ ម៉ុកបាយ មានទីលំនៅភូមិព្រៃធំ ឃុំពេជស ស្រុក កោះអណ្តែត ខេត្តតាកែវ បើកបរទិសដៅពីលិចទៅកើត បានបុកពីក្រោយរថយន្តកុងតឺន័រ បណ្តាលឲ្យរ ង រ បួ ស ក្បា ល ជាទម្ងន់ (គ្មានពាក់ មួកសុវត្ថិភាព ម៉ូតូគ្មានកញ្ចក់មើលក្រោយ) ។
ប្រភពដដែលបានបន្តថាៈ បច្ចុប្បន្នអ្ន ក រ ង រ បួ ស ត្រូវបានបញ្ជូនទៅព្យាបាលនៅមន្ទីរពេទ្យផាកសុខភាព២បាវិត រីឯមធ្យោបាយទាំង០២គ្រឿង រ ង កា រ ខូចខាតស្រាល ហើយត្រូវបានសមត្ថកិច្ចយកមករក្សាទុក នៅអធិការដ្ឋាននគរបាលក្រុងបាវិត ដើម្បីកសាងសំណុំរឿងចាត់ការតាមនីតិវិធីច្បាប់។ មូលហេតុ អ្នកបើកបរម៉ូតូ ប្រើប្រាស់ល្បឿ នលឿ ន ៕
អត្ថបទ៖ cen
