ក្រសួងប្រៃសណីយ៍ និងទូរគមនាគមន៍ គ្រោងទម្លាក់បណ្តាញខ្សែកាប្លិ៍អុបទិកលើអាកាស មករត់ក្រោមដីវិញ នៅក្នុងរាជធានីភ្នំពេញ និងបណ្តាខេត្តទាំង ២៤។
គម្រោងនេះ បានលើកឡើងក្នុងកិច្ចប្រជុំដែលមានការចូលរួមពីលោក សុខ ពុទ្ធិវុធ រដ្ឋលេខាធិការក្រសួងប្រៃសណីយ៍ និងគមនាគមន៍ នាថ្ងៃទី៨ ខែមករា ឆ្នាំ២០២០ នេះ។តាមការបញ្ជាក់របស់ក្រសួងប្រៃសណីយ៍ បានឱ្យដឹងថា ការបំពាក់ខ្សែកាប្លិ៍ក្រោមដីនេះ ជាគម្រោងរបស់ក្រុមហ៊ុន Cambodia Fiber Optic Communication Network Co.,Ltd. (CFOCN)។
សូមបញ្ជាក់ផងដែរថា ក្រុមហ៊ុន CFOCN ទទួលបានអាជ្ញាប័ណ្ណរាយបណ្ដាញខ្សែកាប្លិ៍អុបទិកនៅក្នុងព្រះរាជាណាចក្រកម្ពុជា ។ ប៉ុន្តែក្រុមហ៊ុនមួយនេះ មិនផ្ដល់សេវាអុីនធឺណិតនោះទេ ដោយរាយខ្សែកាប្លិ៍អុបទិក ដើម្បីជួលដល់ប្រតិបត្តិករផ្ដល់សេវាអុីនធឺណិត ឬសេវាទូរគមនាគមន៍៕
អត្ថបទ៖ clicknews
