អូដ្ឋប្រហែល ១០០០០ ក្បាលកំពុងប្រឈមនឹងការបា ញ់ ស ម្លា ប់នៅតំបន់ដែលកំពុងរ ង គ្រោះដោយគ្រោះ រាំ ងស្ងួតនៅប្រទេសអូស្រ្តាលី បន្ទាប់ពីមានការត្អូញត្អែរថាសត្វនេះផឹកទឹកច្រើននិងកំពុងប ង្កទុរភិក្សដល់អ្នកស្រុកដែលកំពុងគ្មានទឹកប្រើប្រាស់។
មន្ត្រីជនជាតិដើមនៅតំបន់ដាច់ស្រយាលភាគពាយព្យនៃរដ្ឋ South Australia បានអនុម័តការ ស ម្លា ប់ នេះ ដែលគ្រោងនឹងចាប់ផ្តើមនៅថ្ងៃពុធហើយត្រូវបានគេរំពឹងថានឹងមានរយៈពេល ៥ ថ្ងៃ។
រដ្ឋាភិបាលក្នុងតំបន់គឺ Anangu Pitjantjatjara Yankunytjatjara ហៅកាត់ APY បាននិយាយនៅក្នុងកំណត់ហេតុមួយដែលត្រូវបានបង្ហោះលើហ្វេសប៊ុកថា “ក្រុមសត្វអូដ្ឋនិងសត្វព្រៃដទៃទៀតជាច្រើននៅក្នុងនិងជុំវិញសហគមន៍កំពុងតែដាក់សម្ពាធលើសហគមន៍ជនជាតិដើមភាគតិចដាច់ស្រយាលយ៉ាងខ្លាំងនៅពេលពួកគេស្វែងរកទឹក”។
Marita Baker ដែលសមាជិកក្រុមប្រឹក្សាភិបាល APY បានប្រាប់កាសែតអូស្ត្រាលីថាសហគមន៍របស់នាងត្រូវបានគ្រប់ដណ្តប់ដោយសត្វអូដ្ឋជាច្រើនក្បាលកំពុងស្វែងរកទឹកផឹក។ នាងបានបន្តប្រាប់កាសែតទៀតថា “យើងបានជាប់ គាំងក្នុងសភាពក្តៅនិងអារម្មណ៍មិនស្រួលទាល់តែសោះពីព្រោះសត្វអូដ្ឋទាំងនោះបានចូលមកហើយគោះទ្វាររបង ហើយចូលទៅខាងក្នុងផ្ទះនិងព្យាយាមចូលទៅក្នុងរ ក ទឹក និងម៉ាស៊ីនត្រជាក់”។ ដោយសារតែប្រទេសនេះបានរ ងនៅគ្រោះរាំ ងស្ងួត កម្ដៅកើនឡើងឥតឈប់ទើបធ្វើឲ្យសត្វទាំងនោះមិនអាចទ្រាំទ្របាន។
តំបន់ APY ស្ថិតនៅក្នុងតំបន់ដាច់ស្រយាលមួយនៅភាគខាងត្បូងប្រទេសអូស្រ្តាលីហើយមានប្រជាជនតិចណាស់ដែលរស់នៅទីនោះ ប្រមាណជា ២៣០០ នាក់ប៉ុណ្ណោះដែលរស់នៅក្នុងតំបន់នេះដែលមានទំហំប៉ុនរដ្ឋ Kentucky សហរដ្ឋអាមេរិក។ គេប៉ាន់ប្រមាណថាមានសត្វរាប់រយលានក្បាលត្រូវបានស ម្លា ប់ ដោយ គ្រាប់បែក។
ភ្លើងឆេះព្រៃនៅប្រទេសអូស្រ្តាលី កំពុងរីករាលដាលកាន់តែខ្លាំងឡើង ៗ និងកាន់តែបំផ្លិចបំផ្លាញនាប៉ុន្មានឆ្នាំចុងក្រោយនេះដែលជាបញ្ហាមួយដែលកាន់តែធ្ងន់ធ្ងរទៅៗ ដោយសារការប្រែប្រួលអាកាសធាតុ។ ហើយសត្វបានប្រឈមមុខយ៉ាងខ្លាំងនៅប្រទេសអូស្រ្តាលីនៃអត្រាបាត់បង់ប្រភេទសត្វខ្ពស់បំផុតនៃតំបន់ណាមួយក្នុងពិភពលោក ហើយអ្នកស្រាវជ្រាវបារម្ភថាអត្រានេះអាចកើនឡើងនៅពេលគ្រោះមហន្តរាយភ្លើងឆេះនៅតែបន្ត៕
អត្ថបទ៖ កម្ពុជាថ្មី
