ដើម្បីជីវភាពគ្រួសារ និង ចិញ្ចឹមកូនចៅនោះ បុរសអ្នករត់រម៉កម៉ូតូកង់បីឥណ្ឌាម្នាក់ បានខំរត់រម៉កទាំងដៃនៅជាប់សេរ៉ូម ហើយដាក់ប្លោកសេរ៉ូមនៅបន្តោងជាប់នឹងរម៉កកង់បីឥណ្ឌានោះ បានធ្វើឱ្យអ្នកធ្វើដំណើរនៅតាមដងផ្លូវ មានការចាប់អារម្មណ៍គ្រប់គ្នា ។
រូបភាពនេះ ត្រូវបានគេថតបាន នៅតាមដងផ្លូវមួយកន្លែង នៅក្នុងរាជធានីភ្នំពេញ មើលទៅរូបភាពនេះ ពិតជាមានការអាណិតដល់បុរសរូបនេះ ខ្លាំងណាស់ ។ ដោយអ្នកប្រើប្រាស់បណ្តាញទំនាក់ទំនងសង្គមហ្វេសប៊ុកមួយចំនួនបានចូលខំមិនថា បើឈឺហើយ ហេតុអីក៏ខំបែបនេះ ទៀត ?។ មានអ្នកខ្លះទៀតបានលើកឡើងថា ប្រហែលជាគាត់កំពុងតែរត់រម៉កកង់បីឥណ្ឌាមិនស្រួលខ្លួន ហើយក៏ចូលទៅឱ្យពេទ្យបន្តោងសេរ៉ូមឱ្យ ហើយប្រហែលជាគាត់ជិះទៅដេកនៅផ្ទះក៏មិនដឹង ៕
