«សម្រាប់ឃុំ សង្កាត់ នៅឆ្នាំ២០២០ ដល់ឆ្នាំ២០២៣ យើងបង្កើនថវិកាឱ្យឃុំ ដោយឆ្នាំ២០២០ ថវិកាអភិវឌ្ឍន៍មានប្រមាណ៧ម៉ឺនដុល្លារ បើប្រៀបធៀបនឹងឆ្នាំ២០១៩កើន ឡើង២ដង»។ នេះបើតាមប្រសាសន៍របស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ នៅថ្ងៃទី៩ ខែមករានេះ ក្នុងពិធីអបរអសាទរខូបលើកទី៤១ នៃទិវាជ័យជម្នះ ៧មករា (៧ មករា ១៩៧៩- ៧ មករា ២០២០) នៅខេត្តបាត់ដំបង។
សម្ដេចក្រឡាហោមបន្ដថា៖ «ឆ្នាំ២០១៩ មានក្នុងរង្វង់៣៥,០០០ដុល្លារ តែឥឡូវពេលនេះ ឡើង៧ម៉ឺនដុល្លារ និងសម្រាប់ឆ្នាំ២០២១ ដល់ឆ្នាំ២០២៣ នឹងឡើងជាបន្តបន្ទាប់ទៀត ហើយចាប់ពីឆ្នាំ២០២៤ នឹងពិនិត្យម្តង ថាតើគួរឡើងបន្តទៀត ឬយ៉ាងម៉េច»។
សម្តេចក្រឡាហោមបានថ្លែងបន្តថា នៅឃុំនីមួយៗអាចធ្វើជាម្ចាស់ការដោយខ្លួនឯងបាន៥០ភាគរយ បូកទាំងថវិការាជរដ្ឋាភិបាលទម្លាក់ឲ្យនោះគាត់នឹងធ្វើបាន១០០ភាគរយ ដែលជាហេតុធ្វើឲ្យគាត់អភិវឌ្ឍន៍ឃុំបាន។ បើតាមសម្តេចក្រឡាហោម ការធ្វើកំណែទម្រង់រចនាសម្ព័ន្ធនៅថ្នាក់ក្រោមជាតិនេះ នឹងផ្តល់ឱកាសដល់យុវជនជំនាន់ក្រោយ ដែលមានសមត្ថភាពអាចធ្វើជាមន្ត្រីក្រុមប្រឹក្សាស្រុក មេឃុំ ឬស្មៀនឃុំ ឬអភិបាល អភិបាលរងស្រុក ឬអភិបាល អភិបាលរងខេត្ដ បានផងដែរ៕
អត្ថបទ៖ swiftnews
