នៅព្រឹកថ្ងៃទី១០ ខែមករា ឆ្នាំ២០២០ ឯកឧត្ដម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី តំណាងរាស្រ្ត ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះមូលដ្ឋានខេត្តបន្ទាយមានជ័យ អមដំណើរក្រុមការងារពីថ្នាក់ជាតិ ថ្នាក់ក្រោមជាតិ ឯកឧត្ដម អភិបាលខេត្ត និងអាជ្ញាធរមូលដ្ឋានស្រុកមង្គលបូរី បានចុះសួរសុខទុក្ខគ្រួសារសពប្រជាពលរដ្ឋដែលបានស្លាប់ចំនួន០៤នាក់ នៅក្នុងហេតុការណ៍បាក់រលំអាគារ០៧ជាន់នៅខេត្តកែបកាលពីថ្ងៃទី០៣ ខែមករា ឆ្នាំ២០២០កន្លងមក នៅភូមិដងក្រាង ឃុំចំណោម ស្រុកមង្គលបូរី ខេត្តបន្ទាយមានជ័យ។
ថ្លែងនៅក្នុងពិធីនោះ ឯកឧត្តម នាយឧត្តមសេនីយ៍ កែ គឹមយ៉ាន បាននាំនូវការចូលរួមរំលែកទុក្ខពីសំណាក់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ជូនដល់ក្រុមគ្រួសារដែលបានបាត់បង់សមាជិកជាទីស្រឡាញ់ និងបានលេីកឡេីងវត្តមានដ៏សំខាន់ចាំបាច់របស់សម្តេចតេជោសែនក្នុងការនៅកៀកនិងដោះស្រាយបញ្ហាជូនប្រជាពលរដ្ឋគ្រប់ពេលវេលា “សេចក្តីទុក្ខលំបាករបស់ប្រជាពលរដ្ឋ គឺជាទុក្ខលំបាករបស់ថ្នាក់ដឹកនាំ” និងសូមបួងសួងដល់ដួងវិញ្ញាណក្ខន្ធរបស់អ្នកដែលបានស្លាប់បាត់បង់ជីវិតបានទៅកាន់សុគតិភពកុំបីឃ្លៀងឃ្លាតឡើយ។
ក្នុងពិធីដ៏សោកសៅនោះដែរ ឯកឧត្តម នាយឧត្តមសេនីយ៍ កែ គឹមយ៉ាន បាននាំយកបច្ច័យចូលបុណ្យសព ដែលក្នុងនោះមានច័្ចយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ប្រគល់ជូនក្រុមគ្រួសារចំនួន២ ដែលមានសមាជិកគ្រួសារបានស្លាប់ និងរបួស សរុបចំនួន៩នាក់ ដោយអ្នកស្លាប់៤នាក់ សពមួយៗទទួលបានបច្ច័យ១លានរៀលដើម្បីចាត់ចែងពិធីបុណ្យសព និងអ្នករងរបួសចំនួន៥នាក់ម្នាក់ៗទទួលបានថវិកា៥០មុឺនរៀលនិងប្រជាពលរដ្ឋចូលរួម១៥០នាក់ ក្នុងម្នាក់ៗទទួលបាន សារុង១ ថវិកា១មុឺនរៀល ផងដែរ។
បន្ទាប់ពីចូលរួមមរណ:ទុក្ខដ៏សែនក្រៀមក្រំរួចមក ឯកឧត្ដម នាយឧត្តមសេនីយ៍ កែ គឹមយ៉ាន និងក្រុមការងារបានបន្តដំណេីរទៅពិនិត្យមេីលស្ថានភាពទឹកនៅស្ទឹងមង្គលបូរី និងស្ទឹងសិរីសោភ័ណដេីម្បីប្រុងជេីងការដោះស្រាយការបញ្ហាទឹកជូនប្រជាពលរដ្ឋយេីងនារដូវប្រាំងនេះបានទាន់ពេលវេលា៕
អត្ថបទ៖ swiftnews
