នាយចឺម បានរៀបចំពិធីឡើងគេហដ្ឋានថ្មីរបស់ខ្លួនយ៉ាងអធិកអធមកាលពីថ្ងៃទី ០៩ យប់មិញនេះ ដោយមានការចូលរួមពីសំណាក់មិត្តភក្តិក្នុងសិល្បៈជាច្រើនដែលមើលទៅពិតជាអធិកអធមណាស់ ។ ក្នុងនោះក៏មានការសរសើរដល់ នាយចឺម ដែលនៅវ័យក្មេងសោះតែមានលទ្ធភាពសង់ផ្ទះវីឡាថ្មីជូន អ្នកមានគុណតម្លៃដល់ទៅ ២០ ម៉ឺនដុល្លារ ។
ស្រាប់តែប្រិយមិត្តនៅក្នុងបណ្តាញសង្គមហ្វេសប៊ុកមួយចំនួនបានវិះគន់ថា នាយចឺមជាតារាចម្រៀងយកមុខ ព្រោះធ្លាប់អួតថាធ្វើផ្ទះអោយម្តាយ តែពេលដល់កម្មវិធីឡើងផ្ទះស្រាប់តែគេឃើញនៅក្លោងទ្វារចូលដាក់ឈ្មោះខ្លួនឯងធំប៉ុណ្ណាណី ដែលវាបង្ហាញពីភាពចង់បានមុខមាត់ជំនួសអ្នកមានគុណទាំងពីរទៅវិញ។ មានមតិខ្លះទៀតលើកឡើងថា បើជ្រុលតែបង្ហាញទូរទស្សនិកជនថា ធ្វើផ្ទះអោយម្តាយហើយ ធ្វើអោយលះទាំងអស់ទៅ ចាំបាច់ដាក់ឈ្មោះខ្លួនឯងយកមុខធ្វើអ្វី។
យ៉ាងណាមិញថ្វីដ្បិតពិធីឡើងគេហដ្ឋានថ្មីរបស់តារាចម្រៀងវ័យក្មេង នាយចឺម រៀបចំនៅខេត្តក្តី តែគេសង្កេតឃើញអ្នកសិល្បៈជាច្រើនបានលេចមុខនៅក្នុងពិធីពិសេសរបស់នាយយ៉ាងអធិកអធមដែលមើលទៅប្រៀបដូចជាពិធីរៀបមង្គលការមួយផងដែរ ។ ក្នុងនោះគេសង្កេតឃើញតារាជាច្រើនចូលរួមដូចជា ស្រីស្អាត វីរៈ និច្ច បាន មុន្នីលក្ខណ៍ សុវណ្ណ រ៉ាផា និង នាយក្តី ជាគូដណ្តឹង ជុំ លីណូ អ៊ុក ណារីម និងតារាចម្រៀង វង្ស ណាថាន់ ជាដើម ។ អ្វីដែលចាប់អារម្មណ៍ បើក្រលេកមើល នាយចឺម ជាម្ចាស់កម្មវីធីពិតជាស្រស់សង្ហា ដោយរួមដំណើរជាមួយគូស្នេហ៍ អូន ហ្វា ដែលតែងខ្លួនយ៉ាងស្រស់ស្អាតនៅក្នុងកម្មវិធីកាលពីយប់មិញ ។
គេហដ្ឋានថ្មីរបស់ នាយចឺម ដែលធ្វើសម្រាប់ជូនអ្នកមានគុណនេះមានទីតាំងនៅភូមិ ត្រាចកុះ ឃុំមហាឬស្សីស្រុកគងពិសី ខេត្តកំពង់ស្ពឺ ។ មានការសរសើរដល់ នាយចឺម ដែលខិតខំប្រឹងប្រែង និង មានលទ្ធភាពសង់ផ្ទះវីឡាដែលមានតម្លៃមិនជាង ២០ ម៉ឺនដុល្លារទាំងវ័យនៅក្នុងបែបនេះ ៕
