លោក ប្រាក់ ច័ន្ទមុន្នី អត្តលេខ៨០១១១ កាលពីចុងឆ្នាំ២០១៧ ពាក់ត្រឹមស័ក្តិ១ ប៉ុណ្ណោះ ។ ប៉ុន្តែរយៈពេលជិត៣ឆ្នាំ ប៉ុណ្ណោះ ពោលគឺនៅដើមឆ្នាំ២០២០ នេះ បានពាក់ដល់ស័ក្តិ៤ យ៉ាងឆាប់រហ័ស ។ នេះបើតាមការបង្ហាញរបស់គណបក្សខ្មែរក្រោក ។
គណបក្សខ្មែរក្រោក អះអាងនៅថ្ងៃទី១២ ខែមករា នេះ ថា លោក ប្រាក់ ច័ន្ទមុន្នី បានប្រឡងជាប់នគបាល នៅចុងឆ្នាំ២០១៧ ហើយពាក់សក្កិ១ ។ ក្រោយមក ចុងឆ្នាំ២០១៨ បានតម្លើងទៅជាអនុសេនីយ៍ទោ ឬ សក្កិ២ ។
បន្ទាប់មក ដល់ដើមឆ្នាំ២០២០ថ្មីៗនេះ ស្រាប់តែឃើញនៅលើស្មាពាក់សក្កិ៤ បាត់ទៅហើយ ក្នុងនាយកដ្ឋានបុគ្គលិក នៃក្រសួងមហាផ្ទៃ ។
ជាមួយគ្នានេះ គណបក្សខ្មែរក្រោក សម្តែងការស្ញើចសរសើរ ចំពោះកូនខ្មែររបស់យើងរូបនេះ ដែលមានសមត្ថភាពខ្ពស់អាចគ្រងតំណែងជាវរសេនីយ៍ត្រីទាំងមានវ័យក្មេងខ្ចីបែបនេះ ៕
