គិតត្រឹមថ្ងៃទី១១,១២ខែមករាឆ្នាំ២០២០នេះ សមត្ថកិច្ចស្រុកកែវសីមា បង្ក្រា បបទល្មើសព្រៃឈើ បាន៤ករណី និងឃា ត់ខ្លួនមនុស្ស២នាក់ រួមនិងវត្ថុតាងមួយចំនួនធំទៀត។
មេបញ្ជាការមូលដ្ឋានអាវុធហត្ថស្រុកកែវសីមា លោក ប៉ៃ លិន ឱ្យដឹងថា៖ ប្រតិបត្តិការនេះបានធ្វើឡើង កាលពីវេលាម៉ោង២០.១៥នាទី ថ្ងៃទី១១មករា២០២០ នៅចំណុចភូមិពូគង់(ជិតអង់តែនប៊ិញភឿក០១) ឃុំស្រែព្រះ ស្រកកែវសីមា ខេត្តមណ្ឌលគីរី កម្លាំងកងរាជអាវុធហត្ថស្រុក បានសហការជាមួយគណៈបញ្ជាការឯកភាពស្រុក ល្បាតឃើញម៉ូតូកែច្នៃ០១គ្រឿងដឹកឈើចំនួន០២ដុំ(សុក្រម)មនុស្សរត់គេចខ្លួនបាត់។
ករណីទី២នៅលាម៉ោង១.១៧នាទី ថ្ងៃទី១២.០១.២០២០.ចំណុចភូមិឃុំខាងលើ.ល្បាតឃើញម៉ូតូកែច្នៃ០១គ្រឿង ឈើចំនួន០២សន្លឹក(សុក្រម)មនុស្ស បានរត់គេ ចខ្លួនបាត់។បច្ចុប្បន្ន វត្ថុតាងបានប្រគល់ជូនជំនាញផ្នែករដ្ឋបាលព្រៃឈើកែវសីមា។
ករណីទី៣នៅវេលាម៉ោង៤.១០នាទី ថ្ងៃទី១២មករា២០២០ចំណុច ភូមិអូរអាម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
កម្លាំងអាវុធហត្ថស្រុក ខេត្ត ចំនួន០៦នាក់ រថយន្ត២គ្រឿង ដឹកនាំដោយលោកវីរៈសេនីទោ រស់ ដាវី នាយរងសេនាធិការអហខេត្ត សហការជាមួយគណៈបញ្ជាការឯកភាពស្រុក បានឃាត់រថយន្តកាមរីហើមកែច្នៃ០១គ្រឿង ម៉ូតូ០១គ្រឿង ឈើខ្លុមចំនួន០២ដុំ(សុក្រម)និងឃា ត់ខ្លួនមនុស្ស០២នាក់។
រថយន្តកាមរីហើម បានដឹកឈើចំនួន១១ដុំចេញតាមផ្លូវស្រុកចាស់ បែកកង់ក្រោយទាំងពីរួចទាញឈើទំលាក់ សាងទៅអស់សល់០២ដុំ កម្លាំងក៍ទៅដល់។បច្ចុប្បន្ន វត្ថុតាងនិងជនសង្ស័យ បានយកមករក្សាទុកនៅមូលដ្ឋានអហស្រុកកែវសីមា។
ហើយករណីទី៤នៅវេលាម៉ោង៥.៥នាទីថ្ងៃទី១២មករា២០២០នៅក្នុងផ្ទះសំណាក់ល្ងាចនឹក ស្ថិតនៅភូមិឡាប៉ាខេ ឃុំស្រែខ្ទុម ស្រុកកែវសីមា ខេត្តមណ្ឌលគិរី។
កម្លាំងអាវុធហត្ថស្រុក-ខេត្តសហការជាមួយកម្លាំងគណៈបញ្ជាការឯកភាពស្រុកកែវសីមា ឃាត់រថយន្ត០១គ្រឿង ម៉ាក HlGHLANDER.ពណ៌ខ្មៅ ពាក់ស្លាកលេខភ្នំពេញ.2B.7369.ដឹកទ្វារបង្អួច(សុក្រម)ចំនួន១២វង់
ចំណែកម្ចាស់បានរត់គេចខ្លួនបាត់៕
អត្ថបទ៖ ដើមរាំង
