លោក Noor Aziro bin Abdullah ជនជាតិម៉ាឡេស៊ី បានធ្វើឱ្យគេភ្ញាក់ផ្អើលជាមួយនឹងបដាដែលមានរូបលោក នឹងពត៌មានផ្ទាល់ខ្លួនមួយចំនួនដាក់ព្យួរនៅតាមផ្លូវ ក្នុងគោលបំណងស្វែងរកប្រពន្ធ ។
បុរសវ័យ ៣៥ឆ្នាំរូបនេះបានសារភាពថា លោកពិតជាអស់លទ្ធភាពក្នុងការស្វែងរកប្រពន្ធតាមបណ្តាញទំនាក់ទំនងសង្គម ពីព្រោះតែមានការប្រកួតប្រជែងខ្លាំងពេក នឹងរឿងជាច្រើនដែលលោកត្រូវជួបប្រទះ ។
លោកបានបន្ថែមថា៖ “ដូច្នេះហើយខ្ញុំបានសម្រេចចិត្ត ដាក់បដាបង្ហាញរូបខ្លួនឯង ដោយសង្ឃឹមថា នឹងទទួលបានការចាប់អារម្មណ៍ពីស្រ្តីនៅក្នុងភូមិជិតៗនេះតែម្តង” ។
អ្វីដែលគួរឱ្យភ្ញាក់ផ្អើល គឺបន្ទាប់ពីបដារូបលោកត្រូវបានផ្សព្វផ្សាយ លោកទទួលបានការតេចូលពីមនុស្សជាច្រើន ចង់ដឹងពីសុពលភាព ឬ ថ្ងៃផុតកំណត់នៃការចុះផ្សាយរបស់លោក ព្រមទាំងមានប្រព័ន្ធផ្សព្វផ្សាយជាច្រើនបានតេទៅលោកអំពីគំនិតថ្មីក្នុងការស្វែងរកប្រពន្ធផងដែរ ។
លោកពិតជាមានសង្ឃឹមយ៉ាងមុតមាំថា នឹងមានអ្នកចាប់អារម្មណ៍ជាមួយលោក ហើយលោកក៏បានប្រាប់គ្រួសារឱ្យជឿជាក់លើលោកផងដែរ៕
អត្ថបទ៖ ប្រជាប្រិយ
