អ្នកដំណើរទេសចរណ៍ និងប្រជាពលរដ្ឋរស់នៅក្នុងតំបន់រមណីយដ្ឋានភ្នំព្រះរាជទ្រព្យ បានរអិលម៉ូតូដួលរ ង គ្រោះ ថ្នាក់ជាច្រើននាក់ជាបន្តបន្ទាប់គ្នា កាលពីព្រឹកថ្ងៃទី១២ ខែមករា ឆ្នាំ២០២០កន្លងទៅនេះ ខណៈពួកគាត់ធ្វើដំណើរមកកម្សាន្តនៅរមណីយដ្ឋានភ្នំព្រះរាជទ្រព្យនិងខ្លះទៀតឆ្លងកាត់ចេញចូលលំនៅឋានរបស់ពួកគាត់។
ក្រុមអ្នក រ ងរ បួ សសម្ដែងការខឹ ងសម្បារចំពោះអាជ្ញាធរមេឃុំនិងចៅហ្វាយស្រុកពញាឮដែលពុំ គួរ បើកដៃឲ្យបក្ខពួកខ្លួនជាក្រុមឈ្មួញរក ស៊ី ជីក អាចម៍ដី ល ក់ជ្រុះដីពេញផ្លូវរាល់ថ្ងៃ ដោយមិ នគិ តពីសុខទុក្ខរបស់ប្រជាជនក្នុងមូលដ្ឋានរបស់ខ្លួនដូច្នេះឡើយ។
បើតាមសំដីរបស់ប្រជាជនរស់នៅទីនោះបានិយាយថា ៖ ស្ថានភាពជាក់ស្ដែងរាល់ថ្ងៃគឺមានរថយន្តដឹកដីរាប់សិបគ្រឿងដឹកដីបន្តកន្ទុយគ្នានៅតាមផ្លូវធំ ដែលជាច្រកផ្លូវដ៏សំខាន់តែមួយគត់ចូលទៅកាន់រមណីយដ្ឋានព្រះរាជទ្រព្យ។
ម្ចាស់គ្រឿងចក្រ និងរថយន្តដឹកដីទាំងនោះជារបស់ឈ្មួញម្នាក់ឈ្មោះធី ដែលគេបានស្គាល់ថា ជាមនុស្សជំនិតរបស់លោក ថន សុវណ្ណា អភិបាលនៃគណៈអភិបាលស្រុកពញាឮ ខេត្តកណ្ដាល ដែលប្រគល់សិទ្ធិឲ្យធ្វើអាជីវកម្មជីកកាយយកអា ចម៍ដីចេញពីទីតាំងបឹងផ្សារដែ កនៅជាប់ផ្លូវច្រកចូលរមណីយដ្ឋានភ្នំព្រះរាជទ្រព្យដើម្បីយកអាចម៍ដីលក់យកលុយចែកគ្នា។
ចំណែកប្រជាពលរដ្ឋជាក្រុមអាជីវករលក់ដូរម្ហូបអាហារនៅតំបន់រមណីយដ្ឋានភ្នំព្រះរាជទ្រព្យវិញបានសម្ដែងការខឹងសម្បារចំពោះសកម្មភាពរថយន្តដឹកដីឆ្លងកាត់កន្លែងភ្ញៀវមកកម្សាន្តនៅជើងភ្នំនោះ ប ង្កឲ្យកកស្ទះចរាចរណ៍ផង , ហុយធូលីសំពោងមកលើភ្ញៀវផង និងម្ហូបអាហារ ផងដែរ ដែលជាការបង្កឲ្យប៉ះពាល់ដល់បរិស្ថាន និងសុខភាពប្រជាជន។ ពួកគាត់បាននិយាយថា ៖លោកមេឃុំនិងចៅហ្វាយស្រុកគួរតែបិទកុំឲ្យរថយន្តដឹកដីទាំងនោះបើកបរឆ្លងកាត់ទីនេះនៅរាល់ថ្ងៃសៅរ៍និងថ្ងៃអាទិត្យ ព្រោះភ្ញៀវភាគច្រើនមកកម្សាន្តតែថ្ងៃអាទិត្យទេ ហើយពួកគាត់ក៏រកលុយបានតែថ្ងៃអាទិត្យដែរ។
លោក អ៊ុកថា នាយនគរបាលរដ្ឋបាលឃុំផ្សារដែកបានមានប្រសាសន៍ថាមានប្រជាជនជាច្រើន បានមកប្តឹងលោកឲ្យជួយអន្តរាគមទប់ស្កាត់ភាពអនាធិបតេយ្យរបស់រថយន្តដឹកដីទាំងនោះជាច្រើនដងមកហើយ ប៉ុន្តែលោកមិនមានសិទ្ធិអំណាចអ្វីហ៊ានទៅបង្ក្រាបឬហាមឃាត់រថយន្តដឹកដីទាំងនោះទេគឺខាងឈ្មួញរកស៊ីដឹកដីបានទទួលសិទ្ធិ (ច្បាប់) ពីលោកមេឃុំនិងចៅហ្វាយស្រុក ឯណោះទេ។
លោក ថនសុវណ្ណា អភិបាលនៃគណៈអភិបាលស្រុកពញាឮភ្នាក់ងារកម្ពុជាថ្មី បានព្យាយាមជួបដើម្បីសុំការពន្យល់ កាលពីវេលាម៉ោង៤រសៀល ថ្ងៃទី១៣ ខែមករា ឆ្នាំ២០២០ ប៉ុន្តែលោកមានប្រសាសន៍តបមកវិញថា៖ លោកជាប់រវល់ការងារមិនមានពេលទេ៕
អត្ថបទ៖ កម្ពុជាថ្មី
