កាលពីថ្ងៃទី៣១ ខែមករា ឆ្នាំ២០២០ រដ្ឋាភិបាលសិង្ហបុរី (SAF) បានប្រមូលកងទ័ពយោធាសរុបចំនួន១ ៥០០នាក់ ឲ្យធ្វើការពេញម៉ោង ដើម្បីធ្វើការវេចខ្ចប់ម៉ាសចំនួន៥.២លាន ទុកចែកជូនប្រជាពលរដ្ឋ ក៏ដូចជាសាធារណជនទូទៅ ដើម្បីបងា្ករវីរុសកូរ៉ូណាប្រភេទថ្មី ដែលមានប្រភពមកទីក្រុងវូហាន ប្រទេសចិន ហើយឥឡូវនេះបានឆ្លងរាលដាលទៅដល់ប្រទេសមួយចំនួនទូទាំងពិភពលោក។ នេះបើយោងតាមការចុះផ្សាយគេហទំព័រសារព័ត៌មាន Channel News។
ដោយបានប្រមូលកម្លាំងសរុបឈរជើងនៅស្ថាប័នយោធា កាតព្វកិច្ចនេះត្រូវបានចាប់ផ្ដើមធ្វើសកម្មភាព ២៤ម៉ោង ចាប់តាំងពីល្ងាចថ្ងៃទី៣០ ខែមករា ឆ្នាំ២០២០ រហូតដល់ថ្ងៃទី៣១ ខែមករា ឆ្នាំ២០២០ បន្ទាប់ពីមន្ត្រីសុខាភិបាលបានប្រកាសជាផ្លូវការ នឹងផ្តល់នូវម៉ាសអនាម័យចែកជូនឥតគិតថ្លៃដល់ប្រជាជន ក្រុមគ្រួសារ។
កងកម្លាំងយោធា នឹងប្រើប្រាស់រថយន្តធុនធំដើម្បីបញ្ជូនម៉ាសដល់មជ្ឈមណ្ឌលប្រតិបត្តិការសហគមន៍ចំនួន៨៩ ហើយបន្ទាប់មកមន្រ្តីនឹងចែកចាយដល់សាធារណជន។ គោលដៅគឺចាប់ផ្តើមផ្តល់ម៉ាសនូវល្ងាចថ្ងៃទី៣១ ហើយរំពឹងថានឹងបញ្ចប់នៅល្ងាចនេះថ្ងៃទី១ ខែកុម្ភៈ ឆ្នាំ២០២០ ៕សូមប្រិយមិត្តអញ្ជើញទស្សនាវីដេអូសកម្មភាពរបស់កងកម្លាំងយោធាកំពុងធ្វើការវេចខ្ចប់ម៉ាស៖
អត្ថបទ៖ kbn
សូមចុចទស្សនាវិដេអូ
Wuhan coronavirus: SAF personnel pack surgical masks for distribution to Singapore households
WATCH: The Singapore Army personnel are working round the clock to pack 5.2 million masks for distribution to households in Singapore.
Posted by CNA on Friday, January 31, 2020